https://www.facebook.com/112988915071574/

Radio Dukagjini - Videos

Home
United Kingdom
London
Radio Dukagjini - Videos

Jepi jetë biznesit tënd, reklamo në Radio Dukagjini. Kontakti: 038 737 373 | 038 737 374
Marketing: +383 43 777 022 Me një paanshmëri dhe objektivitet.

Radio Dukagjini është radiostacion privat, komercial, i cili transmeton
programin në rrjetin tokësor dhe internet 24 orë.
Çdo gjë filloi në vitin 1999. Filluam si radio lokale, me drejtor Agim Lluka dhe kryeredaktor Feim
Kurhasani. Programi i parë eksperimental që përmbante vetëm muzikë dhe sigla filloi me frekuencen 106.3, me datën 16 shtator 1999. Ndërkohë vetëm javë më vonë, 3 tetor, filloi transmetimi i parë me skemë programore të rregullt, transmetuar nga ora 08:00 e mëngjesit deri në orën 01:00 pas mesnate që përmbante kryesisht programe muzikore, programe foljore dhe kontaktuese. Në këto fillimit e arta e plot entuziazëm pjesë e Radio Dukagjinit ishin një
numër i vogël i të punësuarve por që puna e tyre kurorëzoi sukseset e
njëpasnjëshme. Në vitin 2001 Radio Dukagjini nga një radio lokale kalon në një radio
kombëtare e cila vetëm pas një viti në sondazhin e parë të zhvilluar nga
agjensioni amerikan Irex për media është shpallur radio më e degjuar në
Kosovë dhe e tillë vazhdon të jetë edhe sot. Pikerisht nga viti 2001 Radio Dukagjini krijon dhe transmeton nga dy
studio, në Prishtinë dhe Pejë. Programi i Radio Dukagjinit është i organizuar në këto sektore:
- Redaksia e programeve informative
- Redaksia e programeve zbavitëse
- Redaksia e programeve muzikore
- Detapartamenti i sh*tjes dhe administrata
- Produksioni

Me një audiencë në mbarë botën, falë zhvillimit të teknologjisë, me një
gërshëtim të përvojës së të punësuarve të parë dhe me të rinjëve të fundit, me programe për të gjithë. Jo vetëm kaq. Me një sukses të palëkundur kemi punuar dhe arritur që dëgjuesi të jetë pjesë aktive e Radio Dukagjinit, duke besuar në ne, me vlerësimet, kritikat, sugjerimet dhe propozimet e tyre. E gjitha kjo dëgjohet dhe përjetohet me dashuri përveç në frekuencat si në hartë gjithashtu edhe në të gjitha rrjetet sociale. Dhe kur Radio Dukagjini shënon çerek shekulli punë, e gjitha kjo nuk do të ishte e mundur pa besimin tuaj dëgjues të dashur dhe të gjithë ju
bashkëpunëtorë. Tashmë në këtë institucion po krijohet brezi i tretë dhe vlenë të përmendet që udhëhiqet nga një grua, Edita Doli-Muhaxhiri. Prandaj gjëra të mëdha ndodhin atëherë kur bashkëveprojmë!

30/10/2026

Një kompani teknologjike në San Francisko ka publikuar një ofertë pune që ofron 20 dollarë në orë për personat që janë të gatshëm të shëtisin qen robotikë për katër deri në gjashtë orë në ditë.

Kompania Dimensional e publikoi fillimisht njoftimin në grupin “Bay Area Jobs” në Facebook, por më pas e fshiu atë. Sipas ofertës, të punësuarit do të duhej t’i shëtisnin qentë robotikë, të pajisur me sisteme kompjuterike, në hapësira publike të qytetit për të paktën katër orë.

Kandidatët duhej të ishin të aftë të transportonin në mënyrë të sigurt pajisje me peshë rreth 15 kilogramë. Në rast se ndonjëri prej robotëve do të pësonte defekt gjatë shëtitjes, punonjësit do të duhej ta bartnin atë deri në adresën e kompanisë, e cila ndodhet në lagjen Dogpatch të San Franciskos.

Themeluesi i Dimensional, Stash Pomichter, tha se kompania po punon në zhvillimin e një sistemi operativ me kod të hapur, që do t’u mundësonte robotëve të kryenin punë fizike të rënda

Megjithatë, testimet fillestare kanë treguar se sistemet e inteligjencës artificiale nuk janë ende aq efektive sa njerëzit në kontrollimin e robotëve. Për këtë arsye, shëtitjet me ndihmën e operatorëve njerëzorë synojnë mbledhjen e më shumë të dhënave për përmirësimin e teknologjisë.

“Eksperimenti ynë me shëtitjen e qenve tregoi se agjentët ende janë shumë të dobët në kontrollimin e pajisjeve fizike. Njerëzit ende duhet të jenë pjesë e procesit”, deklaroi Pomichter për gazetën The New York Times.

Qentë robotikë të kompanisë janë blerë nga prodhuesi kinez Unitree, me një çmim prej 2 mijë dollarësh për njësi.

Eksperimenti tregon se, pavarësisht përparimit të inteligjencës artificiale, ndërhyrja njerëzore mbetet e domosdoshme për funksionimin dhe kontrollimin e sigurt të robotëve në mjedise reale

30/10/2026

Mbreti Charles III ka tërhequr vëmendjen gjatë vizitës së tij në Bahamas, duke marrë pjesë në paradën tradicionale Junkanoo, një festë kulturore që i kushtohet jetës dhe traditave të ishujve të Karaibeve.

I veshur me kostum elegant dhe syze dielli, monarku britanik kërceu në krye të paradës, përkrah valltarëve të veshur me kostume shumëngjyrëshe dhe mbulesa koke të zbukuruara me pupla.

Gjatë aktivitetit, Charles mbante në duar një palë maraka me ngjyrat e flamurit të Bahamas, duke iu bashkuar atmosferës festive të kësaj tradite të njohur lokale.

Sipas BBC-së, pjesëmarrja në Junkanoo shënoi ditën e dytë të vizitës nëntëditore të mbretit në Karaibe.

Tradita e Junkanoo besohet se e ka origjinën në periudhën e tregtisë së skllevërve, kur njerëzve të skllavëruar u jepej një periudhë pushimi gjatë festave të Krishtlindjeve, të cilën e shfrytëzonin për të festuar përmes muzikës, vallëzimit dhe kostumeve tradicionale

30/10/2026

Harry Kane e fitoi Topin e Artë 2026 në konkurrencën e meshkujve me vetëm 28 pikë më shumë se Kylian Mbappe.

Sulmuesi i Bayern Munichut dhe kombëtares së Anglisë e fitoi për herë të parë në karrierën e tij trofeun prestigjioz, në ceremoninë e mbajtur të hënën mbrëma në “London Palladium”.

Kryeredaktori i revistës France Football zbuloi se diferenca mes Kane, fituesit të çmimit, dhe Mbappes, i cili përfundoi në vendin e dytë, ishte shumë e vogël. Madje, diferenca prej 28 pikësh ishte më e ngushtë se ajo e vitit 2024, kur Rodri e mposhti Vinicius Juniorin me 41 pikë epërsi.

Tashmë janë publikuar edhe votat zyrtare për dhjetë futbollistët e parë në konkurrencën e meshkujve dhe të femrave, të bëra publike nga gazeta franceze L’Equipe.

Në panelin e votimit të France Football morën pjesë gjithsej 150 gazetarë: 100 për çmimin e meshkujve dhe 50 për atë të femrave. Secili prej tyre duhej të përzgjidhte dhjetë futbollistët më të mirë nga lista me 30 kandidatë përkatës për secilin çmim.

Futbollistët merrnin pikë në bazë të renditjes së tyre: 15 pikë për vendin e parë, 12 për të dytin, 10 për të tretin, pastaj 8, 7, 5, 4, 3, 2 dhe 1 pikë. Kështu, një futbollist mund të grumbullonte maksimumi 1.500 pikë.

Vlerësimi u bazua vetëm në paraqitjet gjatë sezonit 2025/26. Për këtë arsye, Rodri, i cili tani luan për Barcelonën, u vlerësua për paraqitjet me Manchester Cityn, si dhe për sukseset me Përfaqësuesen e Spanjës në Kupën e Botës.

Kane grumbulloi 1.055 pikë, më shumë se dy të tretat e maksimumit të mundshëm, ndërsa Mbappé përfundoi me 1.027 pikë. Sipas të dhënave të publikuara nga L’Equipe, sulmuesi anglez u votua në vendin e parë nga 43 prej 100 gazetarëve, ndërsa ylli francez mori 28 vota për vendin e parë.

Në pozitën e tretë u rendit Lamine Yamal, i cili grumbulloi 881 pikë. Megjithatë, talenti i Barcelonës mbeti dukshëm prapa dy futbollistëve të parë.

30/10/2026

Komandanti i KFOR-it, gjeneralmajor Roberto Vergori, është takuar me ambasadorin e Italisë në Kosovë, Maurizio Antonini.

Sipas njoftimit të KFOR-it, në fokus të takimit ishte rëndësia e unitetit të qëllimit dhe koordinimit ndërmjet të gjithë aktorëve të brendshëm.

KFOR-i ka ritheksuar përkushtimin për të ruajtur një mjedis të sigurt për të gjitha komunitetet në Kosovë dhe për të kontribuar në stabilitetin rajonal, përmes komunikimit dhe bashkëpunimit të hapur, transparent dhe të vazhdueshëm

Agjencia e Ushqimit dhe Veterinarisë (AUV) ka ndaluar përkohësisht sh*tjen dhe ka urdhëruar tërheqjen nga tregu të mishi...

30/10/2026

Agjencia e Ushqimit dhe Veterinarisë (AUV) ka ndaluar përkohësisht sh*tjen dhe ka urdhëruar tërheqjen nga tregu të mish*t të ngrirë të pulës me origjinë nga Brazili, të importuar nga kompania Apetit SHPK, pasi në mostrat e analizuara është konstatuar prania e bakterit Salmonella Minnesota.

AUV ka bërë të ditur se konstatimi është bërë në kuadër të kontrolleve të jashtëzakonshme të mish*t të importuar, të urdhëruara nga ministri i Bujqësisë, Pylltarisë dhe Zhvillimit Rural, Armend Muja.

Sipas njoftimit, produktet për të cilat është konstatuar prania e bakterit janë të markave “Coopavel” dhe “Superfrango”, të dyja me origjinë nga Brazili.

Pas rezultateve laboratorike, AUV ka vendosur ndalimin e përkohshëm të qarkullimit të këtyre produkteve, vendosjen e tyre nën kontroll zyrtar dhe tërheqjen nga tregu.

Salmonella Minnesota është një bakter që mund të shkaktojë infeksione gastrointestinale dhe të transmetohet përmes konsumimit të ushqimit të kontaminuar ose përmes kontaminimit të kryqëzuar gjatë përgatitjes së mish*t.

Ndërkohë, kontrollet e jashtëzakonshme po vazhdojnë për verifikimin e të gjithë sasisë së importuar, përfshirë gjurmueshmërinë e produkteve nga hyrja në Kosovë deri te pikat e sh*tjes, sasitë e shpërndara dhe ato që kanë mbetur në stok.

Po ashtu, AUV do të verifikojë etiketimin, datat e prodhimit dhe skadencës, certifikatat veterinare, kushtet e ruajtjes dhe do të kryejë analiza shtesë laboratorike.

Sipas AUV-së, operatori ekonomik është përgjegjës për sigurinë dhe gjurmueshmërinë e produkteve, tërheqjen e tyre nga tregu dhe informimin e konsumatorëve.

Agjencia ka bërë të ditur se do të mbikëqyrë zbatimin e masave dhe do të përcaktojë trajtimin përfundimtar të produkteve, përfshirë asgjësimin e tyre nëse vlerësohet e nevojshme.

AUV ka paralajmëruar se do ta informojë publikun për rezultatet e kontrolleve dhe masat e mëtejshme

30/10/2026

Kontrata e Hakan Calhanoglu me Interin skadon më 30 qershor 2027 dhe negociatat për një marrëveshje të re kanë ngecur për shkak të pagës.

Reprezentuesi turk mund të largohet nga klubi pa kompensim, ashtu siç bëri nga Milani në vitin 2021.

Sipas Calciomercato.it, Interi ende e konsideron Calhanoglun një lojtar të rëndësishëm, por menaxhmenti dëshiron t'i ofrojë atij një pagë fikse më të ulët se 6.5 milionë euro neto aktuale, me bonuse më të larta.

Goal.com shkruan se Interi ofroi 4.5 milionë euro plus bonuse për sezon. Klubi gjithashtu ka dyshime për moshën e tij, sepse Calhanoglu është 32 vjeç dhe do të mbushë 33 në shkurt.

Ai është gjithashtu i shqetësuar për dëmtimet e shpeshta të muskujve.

Calhanoglu i tha Gazzetta dello Sport në gusht se do ta zgjaste kontratën menjëherë, por se vendimi nuk është i tiji, por i klubit.

Nëse nuk ka marrëveshje, ka mundësi. Mediat italiane po raportojnë se Juventusi kohët e fundit është interesuar për situatën e tij, dhe po përmendet edhe një rikthim në Turqi, te Galatasaray

30/10/2026

Milani po përgatitet për një afat kalimtar dimëror aktiv, me pronarin e klubit, Gerry Cardinale, që ka konfirmuar besimin te trajneri Ruben Amorim dhe ka premtuar përforcime për skuadrën.

Gazetari i njohur Fabrizio Romano ka zbuluar më shumë detaje rreth planeve të klubit italian përmes kanalit të tij në YouTube, duke bërë të ditur se prioritetet kryesore janë transferimi i një qendërmbrojtësi dhe i një sulmuesi të ri.

Sipas Romanos, Milani ka nevojë të përforcojë disa pozita, sidomos repartin defensiv, pasi gjatë afatit kalimtar të verës nuk arriti të transferonte një qendërmbrojtës.

Në mesin e emrave që po shqyrtohen është edhe Goncalo Inacio i Sporting Lisbonës. Reprezentuesi portugez ishte rekomanduar nga Amorim edhe gjatë verës, por ai nuk është emri i vetëm në listën e dëshirave të klubit kuqezi.

Ndërkohë, Cardinale ka premtuar një qasje më agresive në afatin kalimtar të janarit, duke pranuar se Milani nuk arriti t’i realizonte të gjitha planet gjatë verës.

“Do të duhet të jemi agresivë në afatin kalimtar të janarit. Nuk arrita të bëja gjithçka që dëshiroja gjatë verës, prandaj duhet ta përforcoj skuadrën dhe bankën rezervë”, ka deklaruar ai.

Një tjetër objektiv i rëndësishëm i Milanit është sulmuesi i Real Madridit, Endrick, i cili ka tërhequr interesim të madh nga klubi italian.

“Ai është një favorit absolut i Cardinale, një favorit absolut i Milanit”, ka thënë Romano për talentin brazilian.

Megjithatë, Real Madridi aktualisht nuk ka ndërmend ta lejojë largimin e Endrickut.

Milani po pret të shohë nëse klubi madrilen mund ta ndryshojë qëndrimin e tij, ndërsa për transferimin e sulmuesit brazilian interesim kanë shfaqur edhe Roma dhe Aston Villa

30/10/2026

“Si 10 vjeçar i pata premtuar babait që do të kualifikohemi në evropian, kur më erdhi ftesa ishte ëndërr” / Armando Sadiku

30/10/2026

“Giannia de Biasi të parin më ka ftuar mua te kombëtarja pasi bëra 6 gola me U21” / Armando Sadiku

30/10/2026

Departamenti amerikan i Shtetit njoftoi të premten se ka miratuar sh*tjen e 500 raketave Patriot PAC-3 për Ukrainën, në vlerë të vlerësuar prej 2.1 miliardë dollarësh.

Sipas njoftimit, Ukraina do të financojë blerjen e raketave përmes kontributeve të Kanadasë, Gjermanisë dhe Norvegjisë, të cilat do të kanalizohen përmes programit amerikan JUMPSTART, si dhe përmes fondeve kombëtare të siguruara nga Huaja e BE-së për Mbështetjen e Ukrainës.

Kompania amerikane Lockheed Martin do të jetë kontraktori kryesor për këtë sh*tje, shkruan reuters.

Presidenti ukrainas, Volodymyr Zelensky, kishte deklaruar në fillim të kësaj jave se Ukraina po priste prej gati një muaji miratimin amerikan për furnizimin me raketa të rëndësishme, në një kohë kur Rusia kishte intensifikuar sulmet ndaj infrastrukturës energjetike dhe asaj civile.

Udhëheqësi ukrainas i ka kërkuar vazhdimisht SHBA-së që të përshpejtojë dërgesat e raketave, të cilat blihen nga aleatët e NATO-s dhe furnizohen përmes programit të njohur si PURL.

Kievi kërkon që furnizimet të përshpejtohen përpara fillimit të dimrit, kur infrastruktura energjetike e vendit përballet me rrezik të shtuar nga sulmet ruse

Address

71 Shelton Street
London
WC2H9JQ

Website

facebook.com

Alerts

Be the first to know and let us send you an email when Radio Dukagjini - Videos posts news and promotions. Your email address will not be used for any other purpose, and you can unsubscribe at any time.