08/12/2023
*ਉਰੂਭੰਗਮ*
(ਉਰੂਭੰਗਮ ਨਾਟਕ ਪੜ੍ਹਨ ਬਾਅਦ ਲਿਖੀ ਕਵਿਤਾ ਉਰੂਭੰਗਮ)
उरुभंगम नाटक पढ़ने के बाद लिखी कविता
ਧਰਮ ਹਮੇਸ਼ਾ ਸੀ
ਧਰਮ ਹਮੇਸ਼ਾ ਰਹੇਗਾ
ਇਹੀ ਅੰਤਿਮ ਸੱਚ ਹੈ
ਧਰਮ ਕੀ ਹੈ ?
ਜੀਵਨ ਦੇ ਸਮਸੱਥ ਪਹਿਲੂਆਂ ਦੀ ਖੋਜ਼
ਦਿੱਖ-ਅਦਿੱਖ
ਅਨੰਤਤਾ ਦਾ ਗਿਆਨ
ਜੀਵਨ ਦੀ ਇਕਸੁਰ ਸਮਾਧੀ
ਜੀਵਨ ਦਾ ਸਮਤੋਲ....
ਅਧਿਆਤਮ
ਗਿਆਨ , ਵਿਗਿਆਨ, ਨੀਤੀ , ਚਿਕਤਸਾ, ਸਮਾਜ , ਸੱਭਿਆਤਾ
ਆਦਿ ਸ਼ਾਸਤਰਾਂ ਤੋ ਮਿਲਕੇ
ਬਣਦਾ ਹੈ ਧਰਮ
ਕ੍ਰਿਸ਼ਨ ਵਾਚ:-
ਕਈ ਵਾਰ ਸੱਚ ਦੀ ਰਾਖੀ ਲਈ
ਝੂਠ ਵੀ ਬੋਲਣਾ ਪੈਂਦਾ ਹੈ
ਕਈ ਵਾਰ ਝੂਠ ਨੂੰ ਝੂਠ ਨਾਲ ਹੀ ਮਾਰਨਾ ਪੈਂਦਾ ਹੈ
ਹੇ ਮਹਾਂ ਬਲੀ ਭੀਮ...
ਹੁਣ ਅਧਰਮ ਨੂੰ ਹਰਾਉਣ ਦਾ ਹੋਰ ਕੋਈ ਓਪਾਅ ਨਹੀਂ
ਆਪਣੀ ਵਜ਼ਰ ਜਿਹੀ ਕਠੋਰ ਗਦਾ ਨਾਲ
ਅਧਰਮ ਦਾ ਨਾਸ਼ ਕਰ
ਉਸਦੇ ਪੱਟਾਂ ਵਿਚਲਾ ਭਾਗ ਭੰਨ ਸੁੱਟ
ਲਿੰਗ ਕੁਚਲ਼ ਸੁੱਟ
ਤਾਂ ਕਿ ਅਧਰਮ ਕਦੇ ਕਿਤੋਂ ਪੈਦਾ ਹੀ ਨਾ ਹੋ ਸਕਦੇ
ਭੀਮ ਵਾਚ:-
ਗਿਰਧਰ ਕੀ ਸੱਚਮੁੱਚ ?
ਅਧਰਮ ਪੈਦਾ ਨਹੀਂ ਹੋਉਗਾ ...?
ਕੀ ਕਦੇ ਕੋਈ ਦੁਰਯੋਧਨ ਨਹੀਂ ਜੰਮੂਗਾ ?
ਕੀ ਕਦੇ ਕੋਈ ਦੁਰਸ਼ਾਸਣ ਨਹੀ ਜੰਮੂਗਾ?
ਕੀ ਕਦੇ ਕੋਈ ਨਾਰੀ ਬੇਪੱਤ ਨਹੀਂ ਹੋਉਗੀ?
ਕੀ ਕਦੇ ਲਾਕਸ਼ਾਗ੍ਰਹਿ ਨਹੀਂ ਬਣੇਗਾ?
ਕੀ ਕਦੇ ਅਸਮਾਨ ਵੰਡ ਨਹੀਂ ਹੋਵੇਗੀ?
ਦੁਰਯੋਧਨ ਧਾਰਾਸ਼ਾਹੀ ਹੋ ਗਿਆ ਸੀ
ਤੇ ਕ੍ਰਿਸ਼ਨ ਚੁੱਪ...
ਤੂੰ ਚੁੱਪੀ ਕਦੋਂ ਤੋੜ੍ਹੇਂਗਾ ਕ੍ਰਿਸ਼ਨ?
ਕਦੋਂ?
ਇਕ ਦੁਰਯੋਧਨ ਦੇ ਮਰਨ ਨਾਲ
ਮਹਾਂਭਾਰਤ ਖ਼ਤਮ ਨਹੀਂ ਹੋ ਜਾਂਦਾ
ਉਹ ਚੱਲ ਰਿਹਾ ਹੈ
ਰਣਭੂਮੀ ਚ ਦੁਰਯੋਧਨ ਲਾਲਕਾਰ ਰਿਹਾ ਹੈ
ਅਰਜਣ ਗਾਂਡੀਵ ਸੁੱਟੀਂ ਬੈਠਾ ਹੈ
ਗੀਤਾਸਾਰ ਕਹਿਣ ਵਾਲ਼ਾ ਕ੍ਰਿਸ਼ਨ
ਸਿੱਲ੍ਹ ਪੱਥਰ ਹੈ.............
ਇਸ ਤਰ੍ਹਾਂ ਧਰਮ ਹਾਰ ਜਾਵੇਗਾ
ਹਾਰ ਜਾਵੇਗਾ....ਹੇ ਕ੍ਰਿਸ਼ਨ!
ਗੁਰਪ੍ਰੀਤ ਬਰ੍ਹੇ
