D Mbundire AKA King Tha Don Stories, Harare (2026)

12/05/2020

SECOND CHANCE ❣️

STORY BY DANIEL (KING THA DON)

+27610216686

CHAPTER 43

Makadii zvenyu vaverengi ,ini ndakasimba kunge njanji chaiyo , ndinovimba kuti muri safe kwese kwamuri ...Totenda Musiki nekutichengetedza padenda iri ,uye tinovimba kuti zvichadarika zvese izvi ,Let's keep on praying for God's protection.
Nganonyorwa yedu yava kuenda kumagumo manje tochitanga imwe
To show your support kana waverenga baya like woisa comment kuti ndizive kuti nganonyorwa iri kutsvobida here ...
Malikes akasvika at least 100 ndokanda Final Chapter....
Ndatenda / Thank You /Siyabonga

Keep on supporting King Tha Don 🔥

*DANIEL*

Pachingezi vanoti _*'If it's meant to be then definitely it will be'*_,handina kumbofunga kuti zvichava nyore kuhwinha musikana wangu zvekare ,kusvika kwandakatoitawo pamba pavo uku kwaitongova kuzvishingisa semurume uye semunhu aida munhu wake asi hana yaitove mumaoko ndichitotya kubva ndakabereka tsoka.Mupfungwa dzangu ndaingofunga kuti hapachisina changu kwaingove kungoedzawo ,kutaura chokwadi ndakanyatsoona kuti amai vaAmmara vainge vandivenga zvemandorokwati chaizvo ,neniwo handaimbotarisira kuti vandisekerere pane zvandainge ndaitira mwana wavo .Dzaitove kodzero dzavo kuvhikira mwanasikana wavo ko ndi amai vane mwoyo wekubereka zvee ,hakuna mai vangasiya mwana wavo achiitwa bhora kana kurwadziswa vakatarisa, kunyangwe shiri chaiyo ukatambira pedyo nevana vehurekure mubani unoparira nyama kuzvimba ,unomanyiswa bani rese ukaona moto shungu dziri dzekuchengetedza mwana wayo chete saka amai vaAmmie vaitove nekodzero dzekutondityora makumbo chaiwo kuti ndisafe ndakatsika pamba pavo .Vana amai vanhu vakatikoshera zvikurusa mukurarama kwedu ,munhu ana amai vapenyu haanyatsoona kukomborerwa kwaakaitwa kuva na amai vapenyu asi nherera ndiyo inonyatsoziva kukosha kwa amai.
Kutsamwa kwainge kwakaita mai vaAmmara kwakaita kuti ndifungidzire kuti naiyewo wangu wandainge ndafambira ainge asingatodewo kundiona asi zvakazoitika zvakandikatyamadza zvekuti musi uyu ndiwo wandakaona kusimba kwekapuka kanonzi rudo.Pachingezi zvekare pane kamutsara kanoti _*Love is blind*_,hongu ndicho chokwadi chizere rudo haruone chinoona maziso , vazhinji mudzimba umu varikurohwa kana kuhurirwa asi pamusha pake haabve imhaka yechinhu chinonzi rudo chete ,kutoedza kumuonesa kuti zviri kuitika kwauri hazviiti anotokuudza kuti itai nezvekumba kwenyu mosiyana nekwangu ,hapana chinoita kuti munhu adaro rudo basi.
Kurwara kwese kwandaiita ndirere kumba ndichifunga Ammara pamwe aitondifungawo nekuti zvaakaita akaratidza kuti ainge andisuwa uye ini ndainge ndamusuwisisa asi kungoti handizvo zvandainge ndakatarisira.Kutaura chokwadi hangu ndakafara zvisina kana mukuru akamboona ,kufara kunge benzi rapihwa chokoreti , chakanyanya kufadza mwoyo wangu ndechekuona kuti munhu waunodisisa anokudawo chero wakamuitira zvinorwadza.
Hongu rudo rwedu rwaitoratidza kuti rwainge rwakatosungwa pano pasi pamwe chete nekudenga asi kutadzira kwandainge ndaitira Ammara kwaisabhadharika nekungoti sorry basi asi kuti ndainge ndatomukwereta zvehupenyu hwangu hwese , kubhadhara kwandaingofanira kuita kwaingova kwekungomuita the happiest women in the world ,ndaitozoita whatever it takes kuti agare achifara for the rest of my life .

Chandakadzidza muhupenyu hwangu ndechekuti usamboite maemotional decisions ,hongu paunenge warwadziswa ,wakatsamwa unongoita madecisions anoita sekuti uri kuda kusolver marwadzo kana kutsamwa asi ipapo madecisions anenge achibuda through emotions kwete mupfungwa dzako ,panozodzokedzana pfungwa dzako ndipo paunozoona kuti wabhaiza .
Even mukufara chaimo unogona kusvika padanho rekufarisa mukufarisa imomo woronga zvimwe zvinhu through emotion rekufara iroro wozodemba mangwana saka maemotions haafe akaita decision yekuti unomuka uchifara mangwana asi pfungwa dzinoda kushandiswa nguva dzose .Mistakes and Regrets always come paya paunoita zvinhu zvako usina kudzamisa pfungwa uchishandisa zvauri kunzwa panguva iyoyo anova maemotions zvese izvozvo zvinokukanda mudisaster chaimo .
Ini hangu mbune ndakazvionera pamhino sefodya uye ndakanyatsozvivimbisa kuti muhupenyu hwangu handife ndakadzokorora mistake yekuita zvinhu ndisina kufunga nekuti zvainge zvatozondipinza muna taisireva ndakavarairwa .
Dai rudo rwangu naAmmie rwaive one sided zvichida dai ndakatomulooser for good apa ndiye munhu wandainge ndapa key yemwoyo wangu zvekuti handifunge kuti ndaizokwanisa kurarama asiri p**o nemi ,pamwe ndaigona kutozviuraya or else kusatoda kuona mukadzi pamberi pangu zvese zvichikonzera nedecision yandakaita emotionally ,dai ndaive mu right state of mind ndaisafa ndakamborara na Ashley .
Ndakangotenda Mwari nekuwana soulmate yangu yakaita sa Ammie anokwanisa kuregerera pamwe nekukanganwira ,chero amai vake vainge vachiri vakatsamwa zvavo ndaiziva kuti nekufamba kwenguva vachandiregerera zvavo ,ndaisazoneta kukumbira ruregerero pane zvandakaita nekuti ndaitoda mablessings avo kunge zvekare kuitira kuti relationship yedu ienderere mberi zvakanaka .

Hazvina kuzondinetsa kuhwinha hushamwari hwangu zvekare na Tino mushure mekunge ndadzokerana naAmmara saka ndakaita the happiest man in the world nekuti l managed to get a......
_*SECOND CHANCE OF LIFE*_
_*SECOND CHANCE OF LOVE*_
_*SECOND CHANCE OF FRIENDSHIP*_
and a _*SECOND CHANCE OF HAPPINESS*_ ,pazvese izvi ndaingotenda Mwari nekuti vashoma vanhu vanokwanisa kuzviwanisa zvese kechipiri. Vazhinji mukurarama vapunyukirwa nezvinhu zvavaidisa zvikaramba kudzoka nenguva asi hazvirevi kuti havakwanisi kuzviwana zvekare aiwa zvinongoda kunamata chete nemweya nemuzvokwadi nekuti muhupenyu hwedu hwatorarama pazvinhu zvese _*THERE IS ALWAYS A SECOND CHANCE!!*_...

*AMMARA*

Zvainge zvatongove pachena semutyairi wetarakita kuti amai vangu vainge vasisina kana trust pana Daniel uye kumufarira kwese kwavaiita kubva kare kwainge kwapera kuti hwa-a painge pangosara ruvengo chete.
Kuti nditi vaisada kuti awane mukana wekuti azoite mukawasha wavo kwaitova kurerutsa asi kuti vainge vasisatodi kana kumuona kana kumbonzwa nezvake kana nepaduku pese .Ini ndaisavashora hangu nekuti vaiita zvinongoitwa nevabereki vese kuchengetedza vana vavo ukuwo ndini ndainge ndingori zimhandara ravo rimwe chete saka vaisatomboda kuona hupenyu hwangu huchiparadzwa vakatarisa .
Asi zvakadaro vachindidzivirira kudaro ini wacho ndainge ndava kutoda Daniel zvakapfurikidza kudarika kare handizivi kuti ndainge ndapindwa nei kuti ndirwo rudo rwacho here hameno .
Pandakasara panze na Daniel ndainyatsonzwa ropa richimhanya mutsinga umu uku ndiine mufaro wakapetwa kashanu chaiko ,pandakazotevera mumba mushure mekanguva ndakawana mhamha vachingombeya mbeya musitting room mese vakabata muchiuno.

Her : _"Saka uri kutorevesa here nhai mwana waAdmire kudzokerana nechikomana ichi une shuwa here nezvese zvaakakuitira ??uri kunyatsovavarirei pachipfambi ichochi nhaiwee?"._

Me : _"Sorry mhamha hakusi kuti ndave kukudheererai kana kushaya rukudzo kwete asi kuti Daniel ndomuda nemwoyo wangu wese ,pese apa ndaiedza nepandinokwanisa kumukanganwa asi ndaitotambisa nguva mhamha"._

Her : _"Hayaa inga zvazvakatooma nhai ,unoziva dai baba vako vakandiitira matakanana awakaitirwa nechikomana chako ichochi kutaura kuno dai pasina musha wauri kuona uyu, asi iwe hameno mashura auri kuda kundiitira hako nekusvika kwawakaita uku ungati ungashaya umwe ari nani kupfuura izvi woenderera mberi nehupenyu?"._

Me : _"Ndongoti makorokoto kwamuri mhamha hamuna kusangana nezvandasangana nazvo nekuti hupenyu hunosiyana,with all due respect mhamha hapana umwe wandichawana arinani kunze kwaiyeyu mhamha l can feel it"._

Her : _"Haiwa tibvirei apa pwai can feel it ,pwai can feel it kuita sei ? vana vemazuvano nharo apa hamuna chamunoziva bvunzai isu takabva neko kumhunga hakuna ipwa ,munofunga kuti murume musvinu anongowanikwa nyore nyore nhai munotosanganawo netype iyoyi motoona kuti future hapana mototsveta kuenda panext step zvino imi hamuoni nharo basi"._

Me : _"Hamusi kunzwisisa zvenyu mhamha zvimwe zvese tingataura zvedu asi mukomana wangu ndinomuda handina zvandingakwanisa kuita asi ndiri kungokukumbirisaiwo kuti mumuregerere momutambira zvekare sematambiriro amakamuita pakutanga ndizvo bedzi zvandiri kutarisira kubva kwamuri"._

Her : _"Hezvoo izvi zvinotokunda ngoma kurira inga mushonga waakakudyiisa wakaoma chaizvo mmmh hameno imboitai pangu ndasakura ndazunza"._

Aiwa kuna mhamha aitove makata chaiwo vainge vasisatodi kuti ndidanane na Daniel zvachose ,chavaingoda chete ndechekuti ndiite move on asika munongozivawo kuti chada mwoyo hachisiike inga hamba yakada makwati wani inofa irimo mumakwati ayo.
Wangu mwoyo wainge wanamira zvekuti hapana zvandaikwanisa kuita asi kutokanganwa zvese zvakaitika hupenyu hwoenda mberi.Apa ndainge ndanyatsodzamisa pfungwa ndikafungisisa ndokuona kuti hazvaigona kuti ndorasikirwa nezvese humhandara hwangu pamwe chete nechido chemwoyo .Craig ainge angonyamarara asingatozivikanwe kuti akatizirepi zvichireva kuti ainge atohwinha kwake atopunyuka hake ko iniwo zvangu chandaizozviomesera chaiva chii?.
Pachingezi vanobva vati _*Life is too short, enjoy every moment and that moment is your life*_ ,saka zvaivepo kutongoita zvinoda uye kufadza mwoyo wangu nekuti uhu ndihwo hwaiva hupenyu hwangu zvimwe zvizhinji zvozotevera.
Chandakadzidza chete ndechekuti _*Forgiveness is the key*_ , vazhinji vakarasikirwa nezvavaidisa nemhaka yekutadza kuregerera chete saka ini ndaisazoda kurarama mumaregrets nemhaka yekutadza kuregerera.
Pamusoro pazvo chero ndirini zvangu ndainge ndatadzirwa asi munhu wese anodeserver a _*SECOND CHANCE*_ ,chero inini wacho........

End of Chapter 43

Keep Your Comments Posted!!!
Tobatana muchikamu chinotevera !!!!

Tochimirira Final Chapter ,tichipendera nganonyorwa yedu ....

🙏🏽🙏🏽🙏🏽🙏🏽

30/04/2020

SECOND CHANCE ❣️

STORY BY DANIEL (KING THA DON)

+27610216686

CHAPTER 42

*DANIEL*

Vamwe vanhu unovaona vachifamba uchitovayemura nekuvaonawo sevanhu vasvinu usingatozive kuti ma ambassador a satan chaiwo .
Ashley anga ari umwe wevatumwa vadhiyabhorosi chaiye ,munhu ainge andiondongera zvese nenguva diki diki ndakavarairwa zvangu . Relationship yangu naAmmara yaidadisa zvekuti vazhinji munharaunda mataigara vaitotiyemura asi zvinonzi pane chakanaka satan hachishaye mazano kuti zvese izvozvo zviende mudondo ,ndizvo zvainge zvaitika pakati pangu naAmmara .Kuti ndinyatsofunga kuti rudo rwedu ndiko kupera kwarwo zvaindirambira asi kufunga kuti ndingazvigadzirisa sei paitove nenyaya huru chaiyo .Dai ndaikwanisa kudzosera nguva kumashure ndaidzosera zvangu ndorega kuita mistake yandakaita nekuti ndaisaona hupenyu huchizonyatsoenderera mberi zvakanaka pasina Ammara ,pamwana uyu ndipo painge pagara mwoyo wangu uye watodzika midzi zvekufunga kuti ndingaita move on kutokanganwa Ammara zvaitova zviroto hazvo .
Kubva musi wandakadzingwa na amai vaAmmara pamba pavo ndakangokwanisa kuenda kubasa ndokunoudza Brian uyo ainge ari one of the best lawyer pa company yangu kuti ndaida kumboenda out kwekanguva kakati kuti ndimbonorefresher .Ndaiziva hangu kuti chero ndisipo zvese zvaifamba zvakanaka nekuti Brian ndaivimba naye sezvo ari iye akambosara akamira necompany yangu pandakambopondwa nana Ruvimbo paye.
Ndaiswera ndakazvivharira mumba plan chaiyo ndainge ndisina nekuti wangu aisimbondipa maadvice panyaya dzerudo ainge andibuka saka panguva iyi yaitove one man for himself .
Kuti ndidzokere kumba kwana Ammara ndaitotya amai vake kupfuura zvimwe zvese saka kwaisatoendeka baa uku Ammara ainge na kundiblocker asi aisadaira macalls kana kupindura mamessages angu sezvandainge ndambomuitawo .Apa ndipo pandainge ndave kupihwa taste ye mushonga wangu manje pandaimbomuignore ndaizvitora simple asi ndakazomanzwa marwadzo azvo , situation yandainge ndiri dzimwe nguva inodikanwa muhupenyu nekuti ndakava nechidzidzo chekusatora zvinhu zvese zvese for granted .Dzimweni dzenguva zvinhu zvese zvikangokufambira nyore nyore unofunga kuti hupenyu hwakapfava kwazvo asi ukadzidza neimwe nzira inorwadza ndipo paunoona kuti hupenyu hausi hwekungoti chero zvazvaita bhurugwa rebenzi .
Pakapera masvondo matatu chaiwo ndakazvivharira apa kudya chaiko ndaisadya zvine musoro nekuti kana appetite chaiyo ndainge ndisina,kugeza ndaisageza kana zvino ganda rainge roita kufunuka funuka kunge makwati ehove .Ndainge ndangosara nemusoro bhangu chete kunge munhu ane kwashi uku mabhurugwa ndainge ndadonha kubva mu 32 kuenda mu 28 chaimo ndainge ndoonda zvebasa chaizvo zvekuti aindiona aitondinzwira tsitsi.
Wekuturira zvaindiremera ndainge ndisina nemhaka yekuti ndaisada kuti vana mhamha vazive kuti ndiyo yandainge ndapindana nayo iyi uyezve nemadiro avaiita kuti ndiroore Ammara zvaisaita kuti ndivaudze kunze kwekungoti ndigadzirise zvinhu bedzi.Ndakatozoona kuti ndikaramba ndakati gozo mumba hapana chinobuda ndaizogona kungomuka ndakaoma ndaitofanira kuita semurume kutsvaga solution ndopedza zvandakatanga .Apa ndainge ndisisina choice kunze kwekufonera mukoma vangu baba Charmaine pamwe vaigona kuuya kuzondibatsira kana kundipawo ma advice ndowana way forward,ndakatora phone yangu ndokuvapinzira call.

📞📞📞📞

Him : *"Eh chikomana ko kusabatika kwakanaka here?".*

Me : *"Murisei zvenyu mukoma arisei hake Charmie na gulez".*

Him : *"Varibho zvavo urisei zvako".*

Me : *"To be honest I'm not fine mukoma ndakapindana nema1 chaiwo uye handisi kuziva kuti ndozvigadzirisa sei".*

Him : *"Ma1 eyii futi younger?".*

Handina kuda kutomborova imbwa ndakaviga bonza ndakabva ndangodedemura nyaya yangu sezvazviri nemo nemo ,chakasara ipapo chaitove nemidzimu yacho .

Him : *"Ndakunzwa mufanami eeh zvinonzi kumedza bhonzo kutemba huro yako so unfortunately handina chandokwanisa kukubatsira nacho hanty watove ne 27 years here ,yeah ndiko kukura kwacho ikoko saka dzidzira kugadzirisa mamistakes ako wega ,chakaita kuti uporonge ndicho chichakupa simba rekuti ugadzirise ukanzwa kurwadza kwazvo haufe wakapamha same mistake zvekare ,if you really love that girl as you claim you better stand up and be strong like a man right!! byee tozotaura kana wagadzirisa zvinhu zvako".*

Pakarepo phone yakabva yakatwa ndikasara ndotaura ndega zvino munhu wandainge ndakatarisira kuti anogona kundibatsira ainge andivharira kunze saka ndakasara ndisina kana imwe option kunze kwekutomira semurume ndogadzirisa nyaya dzangu .
Kuswera ndakagara mumba feeling sorry for myself kwaisatombosandura zvinhu ,ndakafunga zvangu kudzokera kumba kwana Ammara uye ndaive netarisiro yekuti hasha dzaamai vake dzainge dzaderera pamwe taigona kunzwanana .
Ndakapinda mubathroom ndokukwakwanura zvimakwati zvandainge ndava nazvo zvekusageza ,ndichipedza ndakanovhundunyura muwardrobe mangu kutsvaga mbatya dzaindikwana nekuti nekudzikira kwandainge ndaita zhinji hembe dzangu dzainge dzatova hombe ,ndakangowanawo kamutodo nekat shirt ndokupfeka zvangu ndichibva ndabuda zvangu .
Ndiro raitove zuva rekutanga kubuda panze pamasvondo matatu ainge apfuura ,ndakapinda mumota mangu ndokunanga kwana Ammie ,ndichisvika ndakavhurirwa gedhe nekahanzvadzi ka Ammara ndichibva ndapinda ndikaona amai vake vakagara pasi pekamugwavha kaive padhuze negedhe .

Her : _"Oh ndiwe wakamutuma handiti?"._

Vakadaro vachisimuka pavaive vakagara vachiuya kudhuze neni ,ipapo ndakatorasika zvangu kutoshaya kuti ndiani wandiri kunzi ndakatuma .

Me : _"Eeeh makasimba here mhamha?"._

Her : _"Pindura mubvunzo wangu ndati ndiwe wakamutuma here?"._

Me : _"Uhmm ndati rasikei mhamha"._

Her : _"Kasikana kako zvee kaAshley kawakatuma nezuro kuti kauye kuzotaura ngano pano kuti uwane masvikiro "._

Me : _"With all due respect I'm sorry mhamha handina munhu wandakatuma ini ndatongouya kuzo......."._

Her : _"Kuzodii hanty takawirirana kuti handichada kuona tsoka yako pano here usanyepere kuramba zvauri kuziva muri kutoda kuita mwana wangu bhora re..........."._

Havana kuzokwanisa kupedzisa kutaura zvavaida kutaura takangoerekana Ammara abuda mumba ari bara achisvikondijambira achindimbundira ,nemhaka yekuonda kwandainge ndaita ndakatombodzedzereka ndichitoda kudonha ndakazongowanawo kabalance kuti ndisadonhe.
Ndakashaya kana neremuromo nekushamiswa nezvandainge ndichiona izvi ukuwo amai vaAmmie vainge vakatongovhurawo ziso kuratidza kuti zvakatovashamisawo..........................

*AMMARA*

Her : _"Ashley asvika pano nhasi makuseni uchangobuda paya"._

Ndimhamha vaitaura neni pandakasvika kumba ndichiti ndiri kubva kutherapy session izvo kwani ndaitonyepa zvangu ndainge ndatoswera zvangu ndiri mutown ndichitoita window shopping zvangu.

Me : _"Hoo anga achidei ?"._

Ndakabvunza zvangu ndichinyepera kushamisika asi ndichiziva hangu nyaya yaivepo .

Her : _"Hameno zvaanga achitaura hanzi hee zvavakaita na Daniel yaive fault yake chii chii hameno handina kumbozviteerera kana kuzviisa mumusoro ini"._

Me : _"Saka mamuudza kuti chii ?"._

Her : _"Ndatongomuudza chokwadi kuti you are doing just fine zvese zvakaitika yangova history "._

Me : _"But it's not true mhamha"._

Her : _"Ukuzama kutii manje ?"._

Me : _"Kutaura chokwadi I'm not doing fine mhamha ,like seriously l can't move on ,zvimatherapy izvi hazvisi kushanda Daniel ndomuda mhamha ,he is the love of my life and l can't live without him"._

Her : _"Unopenga here iwe ?ukunyatsonzwa zvauri kutaura ipapa ,after all he has done to you woti hee hee uchiri kumuda ,unoidii pfambi iyoyo huh?"._

Me : _"But it wasn't his fault mhamha dai pasina Ashley akatora advantage yekuti pfungwa dzaDaniel dzaisava pamwe chete l believe dai pasina zvese zvakaitika izvi"._

Her : _"Oh don't tell me kuti ukutobeliever ngano dzaAshley kaa,dai aikuda chaizvo dai asina kumborara neshamwari yako ,aitofanira kuzvicontroller asi akatadza"._

Me : _"I know mhamha asi chandinoziva ndechekuti Daniel anondida uye ini ndinomudawo ,munhu wese anoitawo mamistakes hakuna munhu angazviti ari perfect so l think l must give him a SECOND CHANCE because hazviite kuti relationship yatakavaka for so long yongoparara just like that ?no hazvigoni kuti nditenderere satan kutonga hupenyu "._

Her : _"Heyaa asi handioni segood idea iyoyo ,shiri ine muririro wayo haiuregi"._

Me : _"Zvakangoitika kamwe chete wani mhamha kubva ndichitanga kudanana naye !"._

Her : _"Kana zviriizvo zvawada ita zvako ndange ndichingoda kukuprotector kuitira kuti mangwana usazosangane nezvakadai zvekare"._

Ndichipedza kutaura namhamha ndakabva ndapinda zvangu mumba chero hazvo ndakaona kuti havana kufara panyaya yatainge tataura asi hapana zvandaikwanisa kuita nekuti kubva zvandakataura na Ashie ndakanyatsoona kuti Daniel ndomudisisa kwete zvekufungira zvese zvandaiita izvo kwaitova kupedza nguva kuswereroteya nzou neriva.
Ndakambofunga kumufonera kana kumuisira message asi ndakangosiya ndokusara netarisiro yekuti achauya pamba chete ,ndaida kungomumbundira pandongomuona ndomuudza madiro andaimuita no matter what happened .
Sezvineiwo minamato yangu yakanzwikwa ,zuva rinotevera ndaitove mumba zvangu ndichisuka mandiro ndipo pandakanzwa kutaura panze mhamha vachikwidza voice , ndokubuda mukitchen mandaisuka ndikaenda kunodongorera nepawindow remusitting room ndichida kuona kuti aive ani ndipo pandakaona ari Daniel .
Ndakabuda mumba ndiri chahwiriri ndichisvikomujambira ndokunyatsomumbundira zvekuti ndakaita sendichaputitsa mwana wevanhu.

Me : _"I miss you Dee"._

Ndiwo mashoko akatanga kubuda mumukanwa mangu iwayo ndakamumbundira kudaro .Ndakatozomusiya mushure memaminitsi angaita maviri chaiwo ndainyatsonzwa mwoyo wangu uchiita kutamba jikinya nemufaro ,uku ropawo richitamba mbakumba mutsinga kubva kuruboshwe ,kurudyi nepakati pemwoyo chaipo .Mhamha vainge vakangomira vakatarisa havana kana kumboti bufu zvavo .

Him : _"Uhmmm...l ...l know kuti zvandakaita handina kodzero yekuregererwa asi kutaura chokwadi it was just a terrible mistake ,I'm really sorry nekukurwadzisa kwandakaita Ammie kwete iwe wega asi namhamha vako zvekare ,ndinoziva hangu kuti zvinogona kuita sezvinonzi ndaizviitisa asi kwete handizivi kuti ndainge ndapindwa nei but l promise handife ndakapamha mistake yakadaro zvekare ,ndinongoshuvira kuti muwane nzvimbo mumwoyo yenyu yekundiregererawo and l promise to love and respect you Ammara ,you don't deserve zvese zvakaitika izvi ,from the bottom of my heart I'm really sorry !!"._

Akatozopedza kutaura misodzi yazara mumatama ndipo pandakaona kuti zvechokwadiwo mashoko aaitaura aibva pakati kati pemwoyo wake.Ini ndainge ndatomuregerera kare ndatove ready kumupa SECOND CHANCE asi handizive kuti mhamha vaifungei zvavo nekuti havana kana kumbotaura vakangofamba vachipinda zvavo mumba.
Chandaiziva ndechekuti vaizomuregerera zvavo apa vaingoda nguva yavo chete .

Him : _"I'm sorry Ammie "._

Me : _"Ndakuregerera Dee"._

Him : _"Wow so does that mean I'm getting another chance ?"._

Me : _"Obviously why not ?"._

Ndakazosara ndopedza kutaura ndatonyamurwa kare ,mwana wevanhu akafara zvake ,infact takafara .Ndipo pandakangozvionera ndega kuti rudo ibofu mushure mezvese zvakaitika ndakakwanisa kungoregerera Daniel.......................................

End of Chapter 42

Keep Your Comments Posted!!!!
Tobatana muchikamu chinotevera!!!!

🙏🏽🙏🏽🙏🏽🙏🏽

28/04/2020

SECOND CHANCE ❣️

STORY BY DANIEL (KING THA DON)

+27610216686

CHAPTER 41

*ASHLEY*

Dzimweni dzenguva mukurarama vanhu tinozvinetsa uye kuzvitambisira nguva nekuvavarira zvisi zvedu .Pamwe pacho unenge uchitonyatsoona kuti izvi hazvisi zvangu asi unoramba wakaomesa dzoro kuvavarira kuti zviite ,hongu kushingirira pachinhu chaunoda uye chaunoshuvira kuva nacho hakuna kushata asi vamwe vedu tinozoda zvevamwe mhedzisiro yacho tozozhamba zvekare .
Ini ndaiziva uye nekunyatsoona kuti Daniel na Ammara vaidanana zvakanyanya uye zvaingoratidza kuti zvainge zvakatarwa kuti vaviri ava vanofanira kuva vose nekuti ndainge ndazama zvikiribidi zvakawanda kuti nditore munhu asi pazvikiribidi zvese izvozvo hapana chakashanda nekuti mukomana aive waAmmara kwete wangu .Ndakanyatsozovhurika meso ndikaona kuti zverudo hazvidiwe magic asi zvinozviita zvega ,zviya zvatinoita zvekuseducer varume hazvishande zviya nekuti zvinongogumira pamubhedha chete ,unongoshandurwa shandurwa basi kunge nyama iri pabraai kana munhu apedza newe okukavira kure nemhaka yekuti ipfungwa chete dzinenge dzangonakirwa nemuviri wako waunenge uchiburitsa panze asi mwoyo unenge usina kudyira baa.Ndizvo zvaivepo pakati pangu naDaniel ,ndakangoitwa chidhori chekufadza nyama yake asi mumwoyo make chaimo aida Ammara.
Ukuwo nedzungu randakaita pandakafunga kuti zvimwe ndawana mukana ndakatomisa Craig ndichida kufocuser nerelationship itsva ko ndaizivei kuti ndiri kusiya munhu wangu ndichipindana nemunhu weumwe munhu.
Apa ndakadzidza chidzidzo chekuti rudo rwekuseducer munhu rwakangofanana nechikafu chepanhamo hapana paunombofara kunyangwe chikafu chacho chichinaka zvinengei nekuti mumashure memazuva mashoma zvinenge zvatodhakwa.
Pasina kana kumbopera masvondo maviri ndainge ndotodzingwa kunge imbwa ,zvakandirwadza hangu asi ndaisava newekupomera ndini ndainge ndazviparira ndega saka yainzi ndomene yaichemedze .
Ndakademba chandainge ndarambira Craig ndichienda kwandisingadiwe zvino ndaizodzokera ndichitii manje ,semunhu aiziva kuti ndaidiwa ndakangobva kubva kwana Daniel ndakananga kwana Craig ndichida kunokumbira SECOND CHANCE asi ndakatosvikawo munhu akatodyawo nduru achindiudza kuti ndidzokere kuna Daniel wandairara naye .
Kuti ndizive kuti akaziva sei zvakandinetsa nekuti pandakamumisa handina kumbomuudza kuti ndawana zvitsva ,ndakatozongofunga kuti zvimwe nguva yese iyi aitondistalker zvake ini ndiri murima.
Ndakatoita zvekudzingwa futi ndikabvapo ndangopusa pusa kunge zibaba remasvosve apa ndainge ndisisina kana doubt zvaitongoratidza zvega kuti hapachisina nekuti hapana kana tsananguro yaaida kunzwa kubva kwandiri ,ndainge ndatozviuraira relationship yangu nekuda zvisi zvangu .
Zuva iri rakaita kunge nightmare kwandiri ,ndakati ndichisvika kumba ndichivhura WhatsApp yangu ndokuwana paine message yainge yabva kuna Ammara yakanzi..... *I thought you were my bestfriend always taking you as my closest sister ndisingazive kuti uri nyoka chaiyo inoruma nechaisingadye ,after all these years tichitamba tese pamwe chete nekuvaka a strong bond how can you betray me like that ? you really know how much l loved Daniel but you choose to sleep with him without even thinking how l will feel if l find out !!uri shamwari rudzii ine mwoyo wakaoma kudaro ? maybe ndine chandakakutadzira ndisingazive but l think l have paid enough you can take the guy he is now all yours ,ndakutanga hupenyu hutsva ,ndongotenda nenguva yatakaspender tiri mafriends and all the memories good or bad l greatly appreciate everything ,l didn't think our friendship will end just like this but l have no choice l want to start a new life so as you , don't bother yourself calling or texting me because l will never ever change my mind , hushamwari hwedu hwaperera pano ,l forgive on everything you have done to me now you can enjoy your new relationship l give you my blessings* ,ndichipedza kuverenga message iyi ndakabva ndangosvava kunge munyemba warohwa nezuva ,pakarepo ndakabva ndangoibata kuti Ammara ndiye akationa muoffice maDaniel ndiye akazoudza Craig zvese .l felt so bad ,Ammara ainge asina kumbonditadzira kubva tichitanga tese ,she was always loyal and caring ,she didn't deserve zvese zvandainge ndamuitira,chokwadi ndainge ndatouraya relationship yemunhu nenguva diki diki.Aitove makomborero kuve neshamwari inenge Ammara asi neruchiva ndakarasikirwa nemunhu wandaivimba naye pane zvese infact I lost everything nezuva rimwe chete basi.
Kuna Ammara ndaisatombodeserver imwe chance yekuita friend yake zvekare nekuti ainge atombondipa imwe chance and l ruined it saka l can hardly believe kuti hushamwari hwedu hapasisina uye kuna Daniel yaitove no go area but sezvo ndirini ndainge ndauraya relationship yevaviri ava ndaizozama nepandaigona kuti vadzokerane ,sekuziva kwangu vaviri ava vaidanana chaizvo zvekuti rudo rwavo rwaisafanira kupararira ipapa ,ndaitofanira kugadzirisa mistake yangu handizive kuti sei but l was going to do whatever it takes.

Parizvino munhu wandaitarisira kuti angandipa SECOND CHANCE ndiCraig asi chakandishamisa ndechekuti kubva musi uyu handina kana kuzombomuona ,kumba kwake ndaienda ndichiwana asiko ukuwo phone yake yainge isisaite .Chero mukoma vake vaisatozivawo kuti aripi ,maybe kunyangarika kwaakaita it was my fault hameno .........

*AMMARA*

Ndaifunga kuti zvandainge ndasangana nazvo ndaigona kuzvikunda ndega kusvika pakuzvikanganwa ndisina wandaudza asi Mwari vakazounza imwe nzira yakaita kuti zvibude pachena .Sekuona kwangu ndiri ndega handaikwanisa kutaura naDaniel sezvakaitwa naamai vangu ,vakanyatsoburitsa mafacts chaiwo andaisafunga uyezve support yavo ndiyo chete yandaida panguva iyoyo .
Daniel ndaimuda zvekuti kumuona achidonhedza misodzi mushure mekunge ndatsanangura nyaya yaive yaitika zvaitondirwadza asi zvaainge andiitira zvainge zvakapfurikidza ndaisatoona ndichizokwanisa kumuregerera ,ruvengo ndirwo rwainge rwazara mandiri .
Kunzwisa tsitsi kwake kwakashaya basa nekuti mhamha vaitovewo pahasha hapana kana chimwe chete chavaida kunzwa kubva kwaari .
Takazoenda zvedu kumapurisa kunoisa case yedu ,shungu dzangu dzaitoda kutoona Craig achienda kujeri straight uye ndaive nechivimbo chekuti achasvikirwa nemapurisa akavarairwa nekuti iye pachake aifunga kuti ndaisazoenda kumapurisa ,dai pasina kuti ndainge ndaiswa pakona kuti ndizodure kwandainge ndarara pamwe ndaisatozoenda kumapurisa kwacho .
Mushure mekutorwa statement ,ndakazoongororwa ropa zvikaoneka kuti drug rainge richirimo ndainge ndanwiswa coffee yakaiswa bronco nemasleeping tablets.
Sezvo ndaisaziva address yepamba pana Craig ,takaenda tese nemapurisa kunovaratidza paaigara asi takasvika pamba pasina munhu semunhu aigara ega hapana wataikwanisa kubvunza kuti tizive kuti ainge abuda achiendepi.
Namhamha takadzokera zvedu kumba mapurisa ndiwo aizotifonera kana vachinge vamuona .
Ndainge ndotarisira kutanga hupenyu hutsva ,it was going to be hard kuti ndikanganwe nezva Daniel nemadiro andaimuita asi ndainge ndisisina option ainge andirwadzisa uye mhamha vainge vatoratidza kuti havachatombode kumuona futi ,saka kumupa SECOND CHANCE kwaitenge kwakaoma sekugocha mvura chaiko.
Kana ari saAshie wangu uyu ndakangomuisira message yaimufanira ndichibva ndasiyana naye ,she had betrayed me far too long saka ndakanyatsoona kuti uyu hushamwari ndehwekunyangirana bedzi saka zvainge zvakaisvonaka kuti tingoenda separate ways zvedu .I blocked her kumacalls ,WhatsApp zvese nematext messages ndaisada kumbonzwa kana anything about her .

Yainge iri nguva yakaomesesa yehupenyu hwangu ,chero hazvo mhamha vaindisimbisawo nekundipa comfort asi zvakangooma hazvo kukanganwa munhu waunodisisa ,apa image yekungomuona akarara nebestfriend yangu yaingouya mumusoro each and every time,kozotiwo iyi yekubatwa chibharo zvekare ndaigara ingori misodzi pamatama chete .
Apa panyaya ya Craig mapurisa haana kana kumbopa feed back takatozoenda papera 4 days vakatiudza kuti munhu aisawanikwa zvichida ainge atotiza nyaya yake asi vakati vaizoramba vachimutsvaga kusvika vamuwana ,ndakangotiwo hameno kubatwa kana kusabatwa hazvidzose humhandara hwangu asi ndaingonamata kuti nerimwe zuva zvichamuwana ,ko mhosva hairove zvee.
Kubasa ndakatora leave ye 3 months ndainyatsoda nguva chaiyo yekurohwa nemhepo kusvika ndakanganwa ,mazuva akafamba asi hapana chakachinja zvaitoita kunge zvakaitika nezuro so ndakazodecider kunoona therapist.Nyaya yaivepo yaingova yekuti l hated Daniel zvakanyanyisa asi mwoyo wangu wainge uchiri kumuda apa ndaisaziva kuti ndodii ,so kuna therapist ndaida kubatsirwa kuti kumuda ikoko kupere ndoita move on nelife yangu .Ndakatanga matherapy session angu pasina kana week ndainge ndotonzwawo zviri nani ,rimwe zuva ndakatoti ndichibva kusession yangu ndakati regai ndipinde zvangu maMasamvu ndaida kutenga hangu chisausage nechingwa ndoenda kumba .
Ndakapinda zvangu ndokutora trolley yangu ,ndikabva ndatanga kufamba ndichienda kudivi raive nezvandaida ,ndichifamba kudaro ndakangoerekana ndabata pabendekete ,ndakatovhunduka ndichitarisa ndichida kuona kuti aive ani ndiye dhuma dhuma maziso na Ashley.

Me : _"Oh ndiwe ? ndingakubatsira nei?"._

Ndakatongotanga nemubvunzo chete nekuti ndainge ndisina kana nguva naye ,ndakatosvotwa nekuti ndaitofunga kuti umwewo munhu kwete Ashley ,hongu ndamuregerera asi ndaive ndisisina chekuita naye .

Her : _"Yes hun ndini zvangu urisei zvako "._

Me : _"Ndiribhoo"._

Ndakabva ndatotendeuka zvangu ndokutofamba ndichienderera mberi nezvandaiita .

Her : _"Can we talk Ammie"._

Me : _"Sorry l don't think we have something in common to talk about so nguva handina zvangu"._

Her : _"Shaa I'm really really sorry pane zvese zvakaitika it's all my fault so...."._

Me : _"Ey sisi l know it's your fault hapana need yekuda kutsanangura nekuti hapana chinombosanduka so just leave me alone please because l don't want to cause an scene here,thanks"._

Ndakatanga kufamba zvekare pakarepo akabva andibata hembe yangu achindidhonza .

Her : _"If you don't want to cause any scene then just hear what l want to say or else hande tinotaura panze"._

Me : _"Iwe ndati siyana neni mhani "._

Her : _"l seduced him imhosva yangu iyoyo nditori pano kutoda kugadzirisa zvinhu uye handisi kuzoenda kusvika ndataura zvandiri kutaura newe either totaurira muno maMasamvu vanhu vachinzwa or kuenda pedu tega zviri kwauri nekuti handisi kana kumbonyara"._

Ndakatoona kuti munhu aitove paserious chaipo apa ndakatoona kuti vamwe amai vainge vachitoona zvaiitika infact vaitonzwa zvataitotaura ,ndakazongosiya katrolley ndokubuda ,kana zvandaida kutenga ndakatotadza . Ashley akanzunzutira ari mugotsi mangu kusvika tasvika paive nemota yangu .

Me : _"Inzwai ka mainini handina basa nekunzwa zvamuri kuda kutaura kana chii zvacho nekuti izvozvo zvese hazvife zvakadzosa humhandara hwangu manzwa saka siyanai neni ,I'm doing just fine wakawana zvawaida saka kwandiri ukudei?".

Her : _"Kudzosa humhandara hwako? what do you dear mean I'm lost ?"._

Me : _"I don't owe you any explanation sisi asi ndiri kungokumbirawo kuti muchisiyana neni moita zvehupenyu hwenyu ini ndomhanya nehwangu ok !!"._

Her : _"I really know l messed up bigtime uye handitombotarisire kuti undiregerere you have all the rights to hate me Ammie ,zuva nezuva l regret zvandakaita nekuti ndakarwadzisa mwoyo yevanhu vakawanda ,it was not my intention but raingova godo chete rakaita kuti zvisvike pakudai ,kutaura chokwadi Daniel ndakamuda kubva musi wekutanga wandakamuona ndisati ndave kuziva kuti anoda iwewe ,pandakazoziva ndakaita godo rakanyanyisa kusvika pakukuvhara vhara kuti usadanane naDaniel uye kuzonyepa zvekare kuti uri mulesbian ndaitarisira kuti ndidiwe ndirini asi hazvina kuita sekudaro , ndakaramba ndakavavarira chete mazuva ataienda out aya ndichipeka zvihembe zvipfupi nekuita sei asi nemhaka yekuti Daniel aikudisisa haana kana kumbondiona kusvika musi uya wawaramba engagement ring ,l could tell kuti mukomana akarwadziwa zvekuti akaenda kumba kwake achirwadziwa zvisingaiti ini zuva rinotevera ndipo pandakatorawo mukana wekunyatsomuseducer sezvo munhu pfungwa dzake dzaisava pamwe chete ndipo paakazowira pamuteyo wangu ,l believe kuti musi wandakaona mota yako panze ndichibuda muoffice maDaniel ndiwo musi wawakatibata uye kubva zuva iroro mukomana akatanga kugebha gebha ,mangwana acho achibva atondidzinga pamba pake ,ipapo pandakazorealizer kuti munhu uyu haana kumbobvira andida aingoda iwewe chete ,I'm really sorry dear ndaitoshandiswawo nasatan ndaisafanira kuita godo rakadaro ini ndichinyatsoziva kuti munhu uyu ndeweshamwari yangu yepamwoyo ,we have been together since long , through thick and thin ,you were the only person wandaisheya naye masecrets angu ese ,l shouldn't have done that to you ,you are such a good and kind hearted person and l don't deserve to be your friend anymore ,but all l wish right now ndechekuti iwe naDaniel mudzokerane nekuti you really meant to be together ,l will not rest until wamupa a SECOND CHANCE ,mhosva haisi yake ndeyangu ,imi rudo rwenyu rwakabatanidzwa naMwari saka usape satan mukana wekukuparadzanisai"._

Ndakangoramba ndakaudyura maziso kana mhinduro chaiyo ndakaishaya .Ipapo Ashley akabva angoburitsa phone yake ndokundivhurira message yaainge akanyorerwa na Daniel ,ronda randaiti ndaizama kurapa rakabva raparwa zvekare kusara rakati nyena sechimbwamupengo .
Ndakanyatsonzwa kuti Daniel ndaimudisa asika kuti ndimupe SECOND CHANCE hazvaigona ,ndaiurawa zvee na amai vangu apa zvino ndainge ndave pakamanikana .

Her : _"Don't worry dea l know you still love Daniel too much asi nemhaka yekuti zvese zvakaitika zviri kuzivikanwa namhamha vako uye havachada kuona Daniel sekureva kwavakaita asi ndiri kukuudza izvezvi kuti ndini ndiri kuzvigadzirisa zvese zvandataura apa ndizvo zvimwe chetezvo zvandichaudza mhamha vako "._

Haana zvimwe zvaakazotaura akabva angondibhabhaisa achibva aenda hake ini ndokusara ndakangoti tumbi pamota ,pfungwa dzichivhiringidzana mudehenya imomo ...............................................

End of Chapter 41

Keep Your Comments Posted!!!!
Tobatana muchikamu chinotevera!!!!

🙏🏽🙏🏽🙏🏽🙏🏽

Address

Harare

Telephone

+27610216686

Website

http://kingthadon.co.zw/

Alerts

Be the first to know and let us send you an email when D Mbundire AKA King Tha Don Stories posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to D Mbundire AKA King Tha Don Stories:

D Mbundire AKA King Tha Don Stories