Breytenbach Sentrum

23/10/2026

23/10/2026

Die 𝗕𝗿𝗲𝘆𝘁𝗲𝗻𝗯𝗮𝗰𝗵 𝗞𝗹𝗮𝘀𝘀𝗶𝗲𝗸𝗲 𝗞𝗼𝗻𝘀𝗲𝗿𝘁𝗿𝗲𝗲𝗸𝘀 skop sy 2027-seisoen af met Sergei Prokofiëf se geliefde musikale sprokie 𝐏𝐢𝐞𝐭𝐞𝐫 𝐞𝐧 𝐝𝐢𝐞 𝐰𝐨𝐥𝐟: 𝐎𝐩 𝐨𝐫𝐫𝐞𝐥 — ’n gesinsvriendelike konsert wat oud én jonk nader aan klassieke musiek bring.

Die veelbekroonde orrelis Winand Grundling en die aktrise en stemkunstenaar Susanne Beyers, bring hierdie verhaal tot lewe in ’n unieke verwerking vir pyporrel, met die Afrikaanse teks deur Philip de Vos.

Prokofiëf het Pieter en die wolf geskryf om kinders op ’n prettige manier aan die klanke van orkesinstrumente bekend te stel. Elke karakter word deur ’n spesifieke instrument uitgebeeld: die voëltjie deur die fluit, die eend deur die hobo, die kat deur die klarinet en die wolf deur die horings. Só ontdek jong luisteraars hoe instrumente se verskillende klanke en musikale temas karakters voorstel en die verhaal help vertel.

Hierdie konsert is juis ’n geleentheid vir kinders om die orrel van naderby te ervaar en die indrukwekkende instrument in die ruimte van die kerk te hoor. Die Toringkerk se orrel is aan die voorkant van die kerk geleë, wat gehoorlede ’n besonderse kans bied om die instrument en sy klank van nader te beleef.

’n Spesiale woord van dank aan die Toringkerk, wat as venuevennoot saam met die aanbieders werk om hierdie konsert moontlik te maak. Hoewel die meeste konserte in Wellington plaasvind, help sulke samewerkings om die Breytenbach Klassieke Konsertreeks ook na ander dele van die Drakensteinvallei uit te brei.

📅 Sondag 15 November 2026
🕓 16:00
📍 Toringkerk, Paarl
🎟️ Kaartjies: R100–R150, beskikbaar op Quicket https://qkt.io/F4sUfC en by die deur.

Bring oud en jonk vir ’n heerlike Sondagmiddag van storie, musiek en ontdekking!

Die volledige program vir die 2027-seisoen word binnekort aangekondig.

Die 𝗕𝗿𝗲𝘆𝘁𝗲𝗻𝗯𝗮𝗰𝗵 𝗞𝗹𝗮𝘀𝘀𝗶𝗲𝗸𝗲 𝗞𝗼𝗻𝘀𝗲𝗿𝘁𝗿𝗲𝗲𝗸𝘀 word aangebied deur die Breytenbach Sentrum, in samewerking met Paarl Arts Hub

23/10/2026

𝗔𝗥𝗧𝗦𝗖𝗔𝗣𝗘 𝗦𝗘 𝗣𝗟𝗔𝗧𝗧𝗘𝗟𝗔𝗡𝗗𝗦𝗘-𝗨𝗜𝗧𝗥𝗘𝗜𝗞𝗣𝗥𝗢𝗚𝗥𝗔𝗠: 𝗗𝗔𝗚 𝟮

Dag twee van Artscape se Plattelandse-uitreikprogram het hoërskole, senior klubs en ander gemeenskapsorganisasies bymekaargebring vir ’n program wat uitvoerende kunste én loopbaangeleenthede belig het.

Benewens die konsert was daar ook ’n loopbaanuitstalling en inligtingsessie. Liam Cookson, hoof van klank by Artscape, het meer vertel oor klank en beligting in die teaterwese, terwyl Namhla Kalipa, Artscape se senior verhoogbestuurder, die gehoor ingelig het oor die rol van verhoogbestuur.

’𝗻 𝗕𝗲𝘀𝗼𝗻𝗱𝗲𝗿𝘀𝗲 𝘁𝘂𝗶𝘀𝗸𝗼𝗺𝘀: Marlene le Roux, uitvoerende hoof van Artscape, en Basil Appollis, die program se artistieke direkteur, kom albei oorspronklik van Wellington. Namhla Kalipa is van Mbekweni. Deur hul kennis en ervaring met jongmense en gemeenskappe te deel, gee hulle iets terug aan die omgewings waar hulle vandaan kom en help hulle om toegang tot die uitvoerende kunste uit te brei.

Hierdie week het Artscape se wonderlike program in Wellington altesaam 2 000 mense bereik.

Vanaand sluit die program af met 𝗞𝘂𝗻𝘀𝘁𝗿𝗲𝗳𝗳𝗲𝗿𝘀 𝟮𝟬𝟮𝟲, ’n gala-konsert met plaaslike kunstenaars en Artscape se geselskappe.

Die uitreikprogram en konsert word aangebied deur Artscape in samewerking met die Breytenbach Sentrum, CPUT Wellington en Drakenstein Municipality.

🎟️ Kaartjies is by Quicket (https://qkt.io/vhb1dm), by die Breytenbach Sentrum tydens kantoorure én vanaand by die deur beskikbaar. Ons sien jou daar!

22/10/2026

𝗔𝗥𝗧𝗦𝗖𝗔𝗣𝗘 𝗦𝗘 𝗣𝗟𝗔𝗧𝗧𝗘𝗟𝗔𝗡𝗗𝗦𝗘-𝗨𝗜𝗧𝗥𝗘𝗜𝗞𝗣𝗥𝗢𝗚𝗥𝗔𝗠: 𝗗𝗔𝗚 𝟭
Wat ’n wonderlike eerste dag in Wellington! 🎭

Sowat 700 mense het die twee konserte bygewoon, met laerskoolleerders, CPUT-studente, Sunfield en plaaslike senior klubs in die gehoor.

Marlene le Roux, uitvoerende hoof van Artscape, het almal verwelkom en die program bekendgestel. Niel Rademan en Zanne Stapelberg het die verrigtinge met operahoogtepunte geopen en die gehoor op ’n musikale reis deur die verskillende kunsvorme geneem wat Artscape bied.

Van ballet deur die Cape Town City Ballet en kontemporêre dans deur Andile Aubrey Vellum tot tradisionele musiek en dans deur Women Unite, die Kaapstadse Filharmoniese Jeugorkes se strykersensemble en die energieke Zip Zap-sirkuskunstenaars — daar was iets vir almal!

Die energie in die saal was aansteeklik. Die gehoor het opgestaan, saamgesing en gedans!

Baie dankie aan Artscape, CPUT Wellington en Drakenstein Municipality vir die samewerking en vir die geleentheid om hierdie besondere program van uitvoerende kunste na Wellington te bring.

Vandag vind die laaste van die gratis konserte plaas, met hoërskole as ons gaste. Môreaand kan die publiek uitsien na die gala-konsert 𝐊𝐮𝐧𝐬𝐭𝐫𝐞𝐟𝐟𝐞𝐫𝐬 𝟐𝟎𝟐𝟔, waar plaaslike kunstenaars saam met Artscape se geselskappe optree.

Het jy nog nie jou kaartjie gekoop nie? Bespreek by Quicket of koop jou kaartjie gedurende kantoorure by die Breytenbach Sentrum. https://www.quicket.co.za/events/384882-kunstreffers-2026-artscape-community-concert-wellington/?ref=organiser-profile #/

21/10/2026

As deel van 𝐖𝐞𝐞𝐤 𝐯𝐚𝐧 𝐡𝐞𝐭 𝐍𝐞𝐝𝐞𝐫𝐥𝐚𝐧𝐝𝐬 𝟐𝟎𝟐𝟔 is ’n gratis werkswinkel oor die vertaling van Nederlandse poësie na Afrikaans op Saterdag 17 Oktober by die Breytenbach Sentrum aangebied.

Karin Benjamin-Van Lierop het die deelnemers aan die hand van talle voorbeelde touwys gemaak oor die vertaalproses en die slaggate uitgewys wat vertalers kan teëkom. Sy het ook die verskillende fases van die proses verduidelik.

Daarna het sy die deelnemers begelei terwyl hulle in groepe aan hul eie Afrikaanse vertalings van die Nederlandse digter Lucebert se gedig 𝑟𝑜𝑜𝑠 gewerk het. Die oorspronklike gedig is later die oggend in die Digterstuin van die Breytenbach Sentrum onthul.

Die werkswinkel is bygewoon deur studente van die Departmente Afrikaans en Nederlands van die Universiteit van Kaapstad, Stellenbosch Universiteit en die Universiteit van Wes-Kaapland, asook ander belangstellendes.

Nicolas Vandeviver, Adjunk-verteenwoordiger van Vlaandere in Suider-Afrika, het in sy toespraak verwys na vanjaar se tema, Taal in beweging, en hoe taal voortdurend ontwikkel deur nuwe kennismakings tussen mense, migrasie, kreatiwiteit en die uitruil van gedagtes.

Die Konsul-generaal van België in Kaapstad, Nicolas Fierens Gevaert, en dr. Marni Bonthuys van die Universiteit van Wes-Kaapland was ook teenwoordig.

Die oggend is afgesluit met pizza en ’n woordkuns- en musiekoptrede deur Bibi Slippers en Jantjie Krog.

Die geleentheid is aangebied deur die Vlaamse Verteenwoordiging in Suid-Afrika, in samewerking met die Suider-Afrikaanse Vereniging vir Neerlandistiek (SAVN) en die Breytenbach Sentrum.

Ons sien uit daarna om Week van het Nederlands jaarliks by die Breytenbach Sentrum te vier.

Flanders Southern Africa
Departement Afrikaans en Nederlands - US
Stellenbosch University
University of Cape Town
The University of the Western Cape
Consulate General of Belgium in Cape Town
Embassy of Belgium in Pretoria
Die ATKV Bôrdienghuis Teater
Haudio

21/10/2026

13 interns van die Elevation Programme sit hierdie week ’n hand by met die voorbereidings vir Artscape se Plattelandse-uitreikprogram in Wellington.

Die program, in samewerking met die Breytenbach Sentrum, CPUT Wellington en Drakenstein Municipality, bring ballet, klassieke musiek, opera, sirkus en meer na Wellington.

Laerskole geniet vandag gratis konserte, terwyl hoërskole Donderdag kan uitsien na konserte en ’n loopbaanuitstalling in die uitvoerende kunste kan besoek. Vrydagaand sluit die week af met ’n gala-konsert met plaaslike kunstenaars uit die Drakenstein-vallei en Artscape se geselskappe.

🎟️ Kaartjies vir die gala-konsert: R55 per persoon, ter viering van Artscape se 55ste bestaansjaar.

Quicket skakel: https://qkt.io/vhb1dm
Kaartjies kan ook by die Breytenbach Sentrum gekoop word.

20/10/2026

Tuinwerk in die Digterstuin, 'n koele lafenis en sieraad van die Breytenbach Sentrum, is nou 'n raps makliker danksy die skenking van 'n nuwe kruiwa en ander tuingereedskap vanaf JNT Metal Hardware in Wellington. Dis aan sentrumpersoneel André Terblanché en Jessica Ruiters oorhandig deur Jacques Jordaan, eienaar van JNT Metal & Hardware, en takbestuurder Irene Kritzinger.
Borgskappe en vennootskappe soos hierdie maak dit vir nie-winsgewende gemeenskapsprojekte soos die Breytenbach Sentum moontlik om te bly groei tot 'n ruimte vir die kunste in die breë. Baie dankie vir jul ondersteuning!

19/10/2026

Paarliet Celeste Slabber-Loriston se vierde boek, "Staan op vir die Six", speel te midde van 'n bende-oorlog in die denkbeeldige woonbuurt die Six af.
Dis geïnspireer deur 'n gelyknamige musiekblyspel wat in 2006 by New Orleans Sekondêr opgevoer is
Celeste Slabber-Loriston. The writer. het dit geskryf nadat sy destyds as dramajuffrou by die skool uitgetree het.

Sy het daaroor by die Breyten Boekklub gesels met joernalis Jo-Ann Floris.

Die boek word deur Tafelberg en Jonathan Ball Publishers beskryf as 'n "intens-gestileerde weergawe van die klassieke Romeo en Juliet-verhaal".