Ufundo lwencwadi

Ufundo lwencwadi Akhonto emgapha kwesixhosa maxhosa

06/03/2026

Novel / Drama ?

31/07/2024

Shout out to my newest followers! Excited to have you onboard! Mamiya Vezi, Onaleruna Zamanzotho Swaphen

24/06/2024

Siphiwe(Novel)

Part17

Wayesele enyusa ilizwi u Sandile kucaca ukuba ngumntu onomsindo kwaye okulambeleyo ukufumana u Sindisiwe.

“Khululeka nyana , oku ukwenzileyo namhlanje kuninzi kwaye ndiyazingca ngawe. Ngoku madoda hambanophumla nizoqhubeleka nokukhangela ngomso. Ningothuki ke kubona ubuso obutsha apha phakathi kwethu kuba nisazobubona.Lo ngu Banele unyana wam ozokubanguye oniphetheyo kwezinyanga zizayo kukhona nje okuncinci esisakulungisayo ngaphambi koko".Yawavala ngalawo ingosi yachitheka intlanganiso. Bathe xabehamba amanye amadoda ukwathwa uSandile ashiyeke.

Inkosi yamdibanisa no Banele isithi kuBanele afunde kuSandile kwaye yeyona ndoda ekufuneke eyibeke ecaleni kwakhe ayithembe njengoko izonceda kwinto ezininzi asokuphatha.Saxhawulana esisibini kwabe kukuqala kwaso uvana oko.

Yamkhulula inkosi uSandile ukuba ayokulala ngomso angahambi namadoda ayokukhangela uzokuhamba naye kuyokulotyolwa uBanele ukuze abengowasebukhosini ngokwasesikweni.Uphume nge moto ke uSandile xa efika apho wayefihlakhona intloko ungqale ngqo kwigumbi wayevalele kulo u Ntando .

24/06/2024

Siphiwe(Novel)

Part16

Ngohlobo owayesele entantazela ngalo uSindisiwe wayesele esithi ufuna ukuhamba kwalapho kuba bangabuya nanini kwaye naye uzobasengxakini. “Hlisa amaphapha mntwana wam akusoze babuye, uSandile ndimxelele kwanto nangona enomsindo nje uthe uzokwenza yonke into esemandleni akhe ukuba ungafumaneki. Ulithemba ke kokwenu nawe uyazi ndiyakuthembisa akusoze bazokujonga apha komele uhlale ixeshana apha side siyazi ukuba sizothini".

Noko lamazwi amhlisa ixhala uSindisiwe noxa wayesakholelwa ukuba uNtando soze ayiyeke nje lanto idlulileyo kodwa wakhetha ukubeka ithemba lakhe ku Mamiya.Abuyile amadoda ebeyokuzingela uSindisiwe ebukhosini kodwa into eyakwanqisayo kukuba uSandile wabuya ehamba yedwa.

Bayokungena kwenye yamagumbi yasebukhosini ababethi babambe kuyo intlanganiso abasebenzi kunye neNkosi. “Ndathi uqaphela bendingakhuphanga madoda mangaka apha , aniphelelanga uphi uNtando!!?" Yabuza ibucaphuka inkosi kodwa ke athi amanye amadoda inokuba nguSandile onophendula kuba bebehambe kunye.

“Kuyinyani oku kuthethwa ngalamadoda Nkosi yam, ndiye ndayalela into yokuba sohlukane singahambi sonke ndaze mna ndahamba kunye no Ntando kodwa ndiqaphele nto kuye ngoku sikhangelayo ndaze ndamhlaba ngemibuzo waphethe sele evuma ukuba uyabandakanyeka ekulahlekeni kuka Sindisiwe" Yonwabela ukuva inkosi ukuba ukhona umkhondo okhoyo kodwa owayesele ekungxamele ukuva kukuba uphelelephi kengoku uNtando.“Ndikuthandela ubanelihlo elibukhali Sandile, ndikubeke nje ngomacala wam ndikubekiswe kukuthemba. Ngoku ulisephi elimenemene lingenamqolo kufuneka liphendulile". Itsho imbamba isandla inkosi u Sandile.

“Sithe xasisendleleni ebuyayo kuba ndifuna umzisa kuwe Nkosi yam azoziphendulela s**a wazijula emotweni ngexa ihambayo engaqaphelanga ukuba singaseliweni, uye wayowela ezantsi Nkosi yam ndithetha nje nawe ngoku akasaphefumli kulomhlaba okundixaphukisileyo lento uyenze engekandiniki ulwazi olwaneleyo!".

24/06/2024

Siphiwe(Novel)

Part 15

“Uyayichama into oko ubuphume ngokuya udibene nam sendiphuma masisose sihambe , Mama masivalelise sizokuphinde sibonane xasidibana" watsho uSandile esonga unina . “Nam ndivalelisile mama ndiyobe sendikubulisela ekhaya xandigodukile, ngesihlala ukuba bekukho ixesha noko inoba sisithukuthezi ukuhlala wedwa kulomzi , phofu ndingazigqibeli usahlala wedwa?" Wabuza uNtando kucaca uba unesikrokro kodwa wathi engekaphenduli wabe eyihleka lonto uBanele ephendula ngokwakhe uba unina uhlala yedwa ebenohlala nabani angabe esamcingela kwezonto sele emdala kangaka. Bahleka emveni koko bahamba.

USandile watsalela amanye amadoda nawo ayephumile eyokhangela uSindisiwe ukuba basingisele ebukhosini bazoqhubeka nokukhangela ngakusa. Nabo ke babesele bebuyela emva noNtando.Emveni kwethutyana uNtando ethule wade wazincama wathetha.“Inkosi isiyalele kakuhle ukuba singaxelelimntu ngokuduka kuka Sindisiwe kodwa wena uvele wafika waqhabalaka k*mama wakho?".Banele“Ngxe mfowam ngokungaqale ndithethe nawe kodwa ndiyakuthembisa isalukazi sam soze siyithi vuu nakubani ndimthembile.Subanaxhala akhonto yonakeleyo le yintlalisenzeka wena funda k*m sekukudala ndiyenza lento , abona abantu abazofumana uSindisiwe sithi kodwa siyaludinga uncede ngak*mbi k*mntu onjengaye osele enamava kwaye uyazi ukus**a noluhlala lendawo". Khange awanambithe kakuhle tuu ango uNtado use waqhubeka emdubula ngeminye imibuzo. “Banele yintoni le umama wakho ebesifihlela yona kulandlu ebeyivala ngoku sifikayo?".Uthe engekaphenduli uSandile wabe emisa imoto ecaleni ekhala ngomchamo.Naye ke uNtando wasele ekhala kuba kaloku babeziminca nango dlomdlayo. Uthe esazimamele enjalo uNtando weva ngomva womkhono wekati entloko wayokuwa.

Phambi kokuba alale uMamiya wayokukroba uSindisiwe owafike esahleli nowathi wathatha ixesha ukuba amvulele.Wabuza uMamiya ukuba kusebusuku na yintoni engamlalisiyo.Wamxelela u Sindisiwe ukuba kukho umntu ofike wanqonqoza kwigumbi lakhe kodwa khange amvulele.

24/06/2024

Siphiwe(Novel)

Part14

“Ndonwabile mntanam qha kukothuka nje uyayazi ukuba andikhululeki xa abantu behamba ebusuku" watsho ebaqhubela exandeni uMamiya kuba wayesele efuna kusukwe kwasecaleni kwalandlu.

Wabenzela into yokuphunga xabeqibohlala phantsi emveni koko baqalisa uncokola.“Besithi masingene sibulise kuba sesilapha noko nam besendinayo indawo yokukhumbula kuyaphithizele ebukhosini ngoku umntu akafumani nethuba loke azovakatsha".Aba ngamazwi amnandi ke ango ku Mamiya ukwazi ukuba unyana wakhe uyamcinga noxa wayeye athumele imali rhoqo xakuphela inyanga kodwa yena uMamiya wayeye onwabe kakhulu xa ezizele ngokwakhe buqu.“Ohw ndiyabona ukuba nixakekile bantwana bam , ngoku khaniysho umo wenu". Waphendula ngoku khawuleza u Ntando“Hayi mama besidlula nje kukhona into ebekuca....". Wamqhawulwa esathetha u Sandile kuba wayembona ufuna ukuthetha amampunge.“Sikhangela uSindisiwe mama umntwana weNkosi ulahlekile oko ebegqityelwe ekuseni akukhange umbone?". Wathi eqiba ubuza uSandile wabe ethwe ntsho ngamehlo nguNtando.

“USindisiwe ingathi yintombi endala nje ulahleka njani?".Saqale sajongana esisibini ngaphambi kokuba uBanele aphendule.“Libali elide eli kodwa endikucela kuwe ukuba lento iphelele phakathi kwethu ak*melanga ifike ezindlebeni zabahlali".Bathi besancokola wacela ukhonjwa ubuhlanti uNtando kuba wayefuna ukuyokoyamisa.Ubashiye bencokola ke uthe esoyamile enjalo weva unomyayi ekhala kulandlu bekuphuma kuyo uMamiya ngexa bebefika into eyamxakayo kukuba lonomyayi indlela owayekhala ngawo uwuqhelile. Khange kubekudala acikwe engabanjwanga lonomyayi wathi sokugqiba uNtando wasondela kulandlu wavika emnyango wanqonqoza kodwa khange kubekho mntu uphendulayo.Kodwa khange ayeke waqhubeka nokunqonqoza de waphendula u Sindisiwe ebuza ngubani.

Kwaba ngumangaliso oko kuNtando kuba elilizwi wayeliqhelile.Uthe engekaphenduli ba ngubani kwabe kuphuma uMamiya no Sandile exandeni bekhaphana wakhaleza wabahlangabeza.

24/06/2024

Siphiwe (Novel)

Part13

Wayothukile uMamiya ukubona uSindisiwe kulamihlaba ngokuhlwa.“Molweni mama, ukuba ubuyazi ukuba kuthe kanti andingomafungwashe. Kuninzi okwenzekayo undibona nje ndisendlelen efudukayo kulelali yenu"

Wayesele embonile ke uMamiya ukuba uphethe imithwala kodwa enye into awayiqaphelayo kukuba uzithwele. Ngoko ke zange akwazi uk*myeka ahambe ngobusuku wathi makayokulala kwakhe amxoxele kakuhle ngokwenzekayo.Waba nemithandabuzo u Sindisiwe kuba esithi akafuni k*mfaka engxakini kuba xa enofunyanwa kwaMamiya naye angabasebungozini.Zange afune noyiva keleyo uMamiya ntonje wathi akanok*myeka ahambe yedwa ngelaxesha ekubeni ezithwele.Bathe basokufika endlini uMamiya wamsikela umkhupha owayewuphekile wamenzele ne tea.Ngexa aphungayo ke uyewamxoxela ngako konke okwenzekayo nangoko yamothusa naye lento u Mamiya.

Uye wamkhapha wayok*mkhombisa igumbi amlungiselele lona.“Uzolala apha ke intsukwana ude uyazi ukuba uzophuma apha ubheke ngaphi,ndiyakuthembisa akukhonto ezokwenzeka kuwe ndixela nakwisana lwakho na" wayezama kangangoko uMamiya ukuvuselela ithemba lika Sindisiwe kodwa bathe besancokola njalo beva kukhonkotha izinja.Uthe xa ekroba u Mamiya ngunyana wakhe uSandile ehamba nenye yamadoda ayesebenza ebukhosini uNtando owayekufuna ngamandla ukuzibonakalisa ubukho nokuthembeka kwakhe enkosini kuba ejonge isihlalo sika Sandile.
“Nanko u MaGcwanini wam omhle, uyaphila ntomb'endala" ubulise eseza uSandile egcwele luncumo lokubona unina .

Njengoko wayekrobe ngentloko emnyango uMamiya waphuma ngesivinini kwelogumbi wavala umnyango ngokukhawuleza bengekafiki. Ibakhwanqisile kele uSandile noNtando ukuba wavala xabesiza bezibyza ukuba ufihla ntoni njengoko yayingabantu abakhangelayo. “Molweni bantwana bam , nibekwa yintoni apha ebusuku" waphendula esothukile uMamiya kodwa wazama ukuzibamba. “Tyhin mama wandibuza lonto awonwabanga ukundibona na".Watsho emonga uSandile.

24/06/2024

Siphiwe(Novel)

Part12

Wayesengeva nangendlebe uSindisiwe ngalomzumzu s**a wasothula phezulu esofelweyo.“Undibhanxile Banele ndakuthemba ndakuthanda ndakuvulela intliziyo yam wakhetha udlala ngayo.Oko andinokuphika kodwa ukuba ucinguba uzokuphinda futhi ukhe phantsi, lomntana akayindawo andikhathali nokuba awukho empilweni yakhe ndizakuzikhulisela.Wena hlala ke lapha ubeyiloNkosi ndingayaziyo ukuba izobaphatha njani abantu belali ingakwazi unakekela usapho lwayo" wathi sokubhodla ango uSindisiwe waphuma endlini wamshiya apho u Banele.

Wabuyela endlin enkulu u Banele nalapho uthe xa engena yabe imbuza inkosi ukuba umshiyephi u Sindisiwe.“Uxolo Nkosiyam bendithi ubuyele apha endlin enkulu kuba mna undishiye sisathetha".Kwathunyelwa ukuba ajongwe endlin yakhe nakwezinye izindlu kodwa nqi ubonwa , okwaqatshelwayo ukuba ikhona enye yebhegi zakhe zempahla engekhoyo kwaye iwadrophu ayisagcwelanga.Inkosi yabiza uSandile njengoko wayelithemba lasebukhosini kwaye sele kuyiminyaka esebenza khona.Yamyalela ukuba athathe amadoda athile awathembileyo kuyokufunwa uSindisiwe.

Nanganjalo kwakunzima oku kuba kaloku ek*mkhangeleni kwabo kwakufuneka bangabacaciseli abahlali ukuba abamazi uSindisiwe ukuba uphi. Oku kwakuzokwangqisa abahlali kuba babezofuna isizathu zokuba ade abe uyabaleka seso sazizanywa kangangoko ukuba singaziwa.Kuye kwacaba liyatshona ilanga oSandile babuya nembade zezikhova.

Zange ibezindaba ezimnandi ke ezo kwindlebe zeNkosi.Yalalela uSandile ukuba baqhubeke bakhangele nasebusuku bazophinde babambe enye intlangano ngakusa ukuba kuzokwenziwa njani ngenkqubela phambile.USindiswa wayesabhadula kulomathafa aseTenetyani ukubonwa kwakhe nguMamiya owayesukocholachola inkuni.UMamiya wabona ubuso abuqhelileyo nanjengoko wayenganqabanga ebukhosini kuba unyana wakhe uSandile wayesebenza khona.“Nokuba kuthiwa andiboni kodwa ngumafungwashe ikwalilo nephelo lenkosi eli.Mntanan ufuna ntoni apha ngelixesha awulahlekanga kodwa?"

24/06/2024

Siphiwe(Novel)

Part 11

Ngoko ke esisibini sona sanyanzeliswa ukuba sikuchithe oku besikuzama kubengathi akuzange babonana ngaphambile.

Wayiva yonke lento u Sindisiwe kodwa wabanombuzo omnye ukuba kuzothiwani ngomtwana lo amthweleyo.Wathi uyise ayikho enye indlela kuzonyanzeleka kuzanywe angabikho. Waphambana waligeza uSindisiwe esithi asoze athathe umphefumlo wonntwana wakhe ngenxa yabo kunokuse kubonwe enye indlela

“Iyandothusa ukuba inga ngu tata ondizalayo lo unothetha lento.Tyhin! Andiyazi noba yingugo okanye uqalwa yimpambano kodwa endiyaziyo akhonto ezokwenziwa umntwaneni wethu" Utsho ephakama uSindisiwe enengxoxo noBanele bucala ewayengahlomli nakancinci kulentetha kucaca ukuba ukude ngokwe ngcinga.Yamkhwanqisa kele uSindisiwe kuba kwase kwangathi nguye yedwa umntu ozidinayo ngalento.Wasondela kuBenele owayeme ngasefestileni wafika wambamba izandla.“Ndiyayazi lixesha elinzima eli kuthi sithandwa sam kodwa ukuthula akuzunceda nto. Mna bendicebisa ukuba sifumane iqhinga lokuphuma kulento nokuba sibalekile mna nawe kwakunye no..." Wamqhawulwa esathetha u Banele.

“Tyhin Sindisiwe uyaziva?,usenesibindi sokundibiza sithandwa sakho akubavanga abantu abadala xabethetha. Uyayazi kudala ndafuna ukwazi abazali bam ngoku xandimfumanayo ufuna ndibaleke? Khona uthi ndizowushiya nabani umhlaba wobawokazi xandibalekayo kuzokhokhela bani?" . Lwamothusa u Sindisiwe olutshintsho kuBanele wabonakala esehla inyembezi kuba khange awulindele lomnqa.Waphelelwa ngamazwi kucaca ukuba udanile kwaye uphoxekile ukuba umntu ebezimisele uk*mtshata uthetha oluhlobo“Yhini Banele ungandijikela oluhlobo?".

“Uxolo Sindisiwe kodwa awujikelwa ndim,mna ndiyindoda kwaye ndiyiNkosana andinokwazi ubaleka ingxaki zam ndizohlala apha ndijongane nazo.Sindisiwe ndingubhuti wakho ayikho into esingayijika apha. Ngoko ukubakho kwalomntwana emhlabeni kuzozisa ingxaki ezinintsi.Zama ukuxolisa intliziyo yakho usikhuphe esisisu siphume kuyo yonke lento".

23/06/2024

Siphiwe(Novel)

Part10

Kuye kwacaca ukuba esisibini siyazana sadibana emdlalweni wamahashi kuTsolo kwiminyaka yamashumi amabini anesibhozo eyadlulayo, uTata ka Sindisiwe engekabekwa ukuba abeyinkosi kuba uyise wayesatya amazimba.Noxa inkosi yayisele itshatile nje ngalanyaka kodwa kucaba yathi ukuphumela bandle yazibhaqa ivuka ebhedini nomama ka Banele uNokuzola owayesele engasekho emhlabeni.Oko ke kwabamemiphumele ingu Banele, ewe uBanele ngumntwana wenkosi ukutsho ukhulelise udade wakhe.

UMama ka Banele azenge ayixelele inkosi ukuba yamenza nzima kuba wayesithi akazukwazi ukwazisa kokwabo ukuba ukhuleliswe yindoda etshatileyo.Kodwa lonke elibali uVusumzi wayelazi yiyo nalento ebonakale eminxana asokubona ukuba utata kaSandile nguNkosiyabo owayekwanguye noTata kaBanele.Zange kukhwazi ke ukuqhutyekwa nelobolo ntonje kwase kwavela imfihlo.Lamasapho omabini aseke yazi inyala ajongene nalo baze bafikelela esigqibweni sokuba lento ihlale phakathi kwabo kude kuvele iqhinga lokuyiphelisa.

Kwinkosi yayizindabantle-mbi ezi kuyo kuba kaloku kwasele kukudala ifuna unyana iphila naphantsi kwe ngcinezelelo zamaphakathi noxa ke unyana lo wayo evela sele ekhulelise kwa intombi yakhe. Nanganjalo uBanele wayengazi nokuba onwabe kuba ade wazi omnye wabazali bakhe okanye alile kuba engazi ukuba yonke lento ibabekaphi nesithandwa sakhe uSindisiwe. Yena ke uSindisiwe kwakungekho nanye into eyayimonwabisa yabazindaba ezimbi ezi ezamkhathaza kakhulu kuba ebesele emthanda inene uBanele.Ukuba bekungaya ngokwakhe bekungase kuqhutyelekwe nelobola ingahoywa indawo yokuba ngubhuti wakhe.

Ngeshwa nangebhadi lonto yayingenokwazi ukwenziwa kuba kaloku kuyekwacaca ukuba u Banele yinkosana kwaye kuzokunyanzeleka abeyinkosi elandelayo.emveni kwethuba kuxoxwa ngesisobululo salengxaki kwade kwafikelela ekubeni umphakathi aziswe ukuba inkosi inonyana wangaphandle.Inkosi izoyokulobola unyana wayo konyawuza imenze uSophitsho ukuze abengowasebukhosini ngokwasesikweni.

23/06/2024

Siphiwe(Novel)

Part9

Njengoko yayisele ingafuni nova inkosi kodwa unkosikazi wayo uNokulunga wazama umehlisa esithi mabazibaze beve ukuba umntwana uthini.“Ndithembe Tata bendifuna unixelela qha kwas**a kwehla enkulu into endingakhange ndiyilindele nam, ndiye ndafumanisa ukuba ndinzima kwaye sendinenyangana ndikhulelwe.Yothuka yoma inkosi ingenakwamagama wabe uNokulunga kucaca ukuba kwakusele kukudala eyiqaphele lento kodwa wayengafuni ivele ngaye.Nalapho ke athe wayihoya ngokwakhe lemeko ecebisa inkosi ukuba kujongwe inkqubela phambile kuba okwenzekile sekwenzekile.

Wanda ke uSindisiwe ngencoko yakhe ebaxelela ngoBanele kwaye ebaxelela ngokuzimisela kwakhe malunga nokulobola.Kwaye kwacaca ba alikho elinye iqhinga ngaphandle kokuba esisibini silobolane ngokukhawuleza.Ifikile ke ileta ebukhosini is**a ko Nyawuza ibika umhla abazimisele ukufika ngawo.Esi siduko zange sibesitsha endlebeni zenkosi kodwa wakhetha ukungayinaki lonto Kuba esithi noko banintsi oNyawuza.

Lwafika usuku lelobolo kwabe kulungisiwe ebukhosini kulindelwe indwendwe.“Madiba,yem yem, sophitsho, uvele bambentsele,Uzondwa ozondwa zintshaba ezingasoze zimenze nto. Sikhulekile ekhaya" emveni kwethutyana kwavela amadoda amathathu asondela esangweni.“Nafundekela kwamasango oDiba ekuseni kangaka anilahlekanga?" Wabuza u Mongezi owayelama uInkosi. “Asilahlekanga bawo sithunywe ngunyana othe ekuhamba hambeni kwakhe wanti ntla ngentyatyambo phakathi kwiyadi zoMadiba.Imphandle kangangoko uzive enemingqweno yokuyikha ngoko ke silapha nje sigcawu sinoboya sizocela imvume yokuba siyikhe letyatyambo" Lowo yayinguNyawuza omkhulu uVusumzi owayezalwa nomama ka Sandile. Noxa kwathatha ixesha ukuba bavulelwe kodwa bade babavulela Kuba kaloku oNyawuza babengamaciko.

Yathi isothi ntla ngoVusumzi inkosi yathuka yaphantse ukuwa kuba kaloku yabona ubuso ebaziyo.Bathi bengekachophi naphantsi wabe uVusumzi empampatha ipokotho ekhangela ingqawe yakhe yesifuba ekwakucacuba ubindekile ngongathi ngumntu lo obona umhlola.

Address

Mpindweni
Umtata

Telephone

+27832250817

Website

Alerts

Be the first to know and let us send you an email when Ufundo lwencwadi posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Ufundo lwencwadi:

Shortcuts

Share

Category