Toyota Stellenbosch Woordfees

05/09/2026

KINDERFEES | KLEIN MENSE, GROOT STORIES
Teater is nie net vir grootmense nie. Dit is belangrik dat kinders van jongs af die magie van ’n lewendige verhoog ervaar – om stories saam te beleef, hul verbeelding te prikkel en nuwe wêrelde te ontdek.

By die Toyota Stellenbosch Woordfees se Kinderfees wag daar ’n wêreld van stories, musiek, teater en avontuur vir jong feesgangers. Van Zonkie en die laaste boomhuis en Stinkie, los uit! tot Pieter en die Wolf: op orrel, Kaskenades! en meer.

Bring die kleingoed, kies ’n storie en maak van teater ’n feesherinnering wat lank bly.
3–11 OKTOBER 2026 | STELLENBOSCH

Kry die volledige Kinderfeesprogram en kies jou volgende avontuur:https://woordfees.co.za/feeskategoriee/kinderfees/

05/09/2026

Tyd vir lekker feesnuus saam met Netwerk24

Darkroom Contemporary se opspraakwekkende dansproduksie autoplay bied vanjaar by die Toyota Stellenbosch Woordfees ’n eiesoortige blik op die mens se verhouding tot kunsmatige intelligensie. Dis net een van vele produksies wat jy by dié fees kan sien.

04/09/2026

RSG/ATKV-VIERKANT
Stories, musiek en mense – die RSG/ATKV-vierkant is ’n kuierplek waar die fees se hart klop.

Van 3 – 10 Oktober is daar daagliks storietyd vir jong lesers met Lalla Lees, plus vertonings deur geliefde kunstenaars soos Jak de Priester, Anna Davel, Joshua na die Reën en vele meer.

Kom luister, kuier en ontmoet bekende RSG-stemme soos Martelize Brink, Christelle Webb-Joubert, Carla Mackenzie, Gustav Greyling, Renske Jacobs en Suzanne Paxton.

Sien program aanlyn: https://woordfees.co.za/rsg-atkv-vierkant/

03/09/2026

Die TYD loop vinnig! Nog net een maand, dan fees ons saam!
Kaartjies vlieg, so beplan jou feesprogram en onthou om jou Toyota-pendeldienskaartjies betyds op Quicket te kry.

Toyota Stellenbosch Woordfees 2026, 3–11 Oktober

02/09/2026

MoneyMoves | Geld-gesprekke wat saak maak

Hoe neem jy beter geldbesluite met meer insig en selfvertroue? Paul Roux en Ingrid Klückow maak finansiële onderwerpe prakties, relevant en verstaanbaar vir die regte lewe.
Kom leer wat jou volgende geldskuif kan wees.

Drie gesprekke by die Toyota Stellenbosch Woordfees:
8 OKTOBER | 13:00
Waar om te belê: SA vs. die buiteland
9 OKTOBER | 13:00
Hoe om belastingvry af te tree
10 OKTOBER | 13:00
Die kuns van beskerm en bou

60 min | EasyEquities Skrywerskamer
Gratis | Bespreek jou plek aanlyn op Quicket

01/09/2026

Netwerk24: Die onderhoud met Mia Spies

Vyf inspirerende Suid-Afrikaners. Vyf unieke stories. En baie vrae.
Mia Spies gesels met Geordin Hill-Lewis, Michiel le Roux, Frank Opperman, prof. Deresh Ramjugernath en dr. Elna Rudolph oor hul stories, loopbane, perspektiewe en die dinge wat saak maak.

5–9 Oktober | 16:00 | Gratis
📍 Netwerk24-diskoerstent | Agter die US Museum
Bespreek jou plek op Quicket.

31/08/2026

DISKOERS: GESPREKKE WAT SAAK MAAK
Van teater en wetenskap tot finansies, politiek en die stories van Stellenbosch – die Diskoers-program bring mense, gedagtes en aktuele gesprekke bymekaar.

Ontdek ’n uiteenlopende reeks gesprekke by die Netwerk24-diskoerstent, RSG/ATKV-vierkant, Studentediskoers, Science Café, Stellenbosch-dorpsgesprekke en meer.

Van die Teatergesprekke oor uithalers op die Spier Toneel-program en die EasyEquities finansiële gespreksreeks, tot Naggesprekke met Kabous Meiring, Netwerk24: Die Onderhoud met Mia Spies en die Netwerk24-gespreksreeks – daar is iets vir elke nuuskierige agie.

Die meeste Diskoers-items is GRATIS, maar plekke is beperk. Bespreek jou plek vooraf by Quicket om teleurstelling te voorkom.

3 – 11 Okt 2026📍 Stellenbosch
Die tyd het aangebreek. Kies jou gesprek en kom praat, luister en dink saam.

31/08/2026

KOM KLINK ’N GLASIE BY DIE WOORDFEES-STRAATSOIRÉE!

By hierdie spesiale straatmakietie wat jaarliks gehou word, kan jy jou verlustig in ’n keurspel van kosstalletjies, druiwegenot, musiek, goeie wynversnitte en Bolandse gasvryheid. Kom skink ’n glasie op die kunste en goeie wyn en geniet ’n aand saam met vriende in die hartjie van Stellenbosch. Dit is ’n hoogtepunt vir jonk en oud!

10 Okt | 18:00 | Ryneveldstraat
Kaartjies by Quicket.

Wynglas en 12 wynproekoepons ingesluit
Geen toegang vir onder 18’s nie.

30/08/2026

Velddraf met Woorde is om die draai!

Kom draf, stap of japtrap deur die pragtige Dornier-wynlandgoed met ’n woord in plaas van ’n resiesnommer en ’n spekboompie as medalje.

Sondag 11 Oktober | Dornier-wynlandgoed, Stellenbosch
10 km Vastrap: 08:00 | R200
5 km Japtrap: 08:15 | R150
100 m WAT-eeuloop: 09:15 | R50

Geen amptelike tye nie – net lekker draf, woorde en feespret!
Pryse, geluktrekkings en tot R3 000 se EasyEquities-beleggingspryse is op die spel.
Kom skop stof op. Kom draf met woorde.

Kaartjies by Quicket: https://www.quicket.co.za/events/380468-velddraf-met-woorde/?preview=t #/
——
Velddraf met Woorde is just around the corner!
Run, walk or jog through the beautiful Dornier W**e Estate with a word instead of a race number and a spekboom tree as your medal.

Sunday 11 October | Dornier W**e Estate, Stellenbosch
10 km Vastrap: 08:00 | R200
5 km Japtrap: 08:15 | R150
100 m WAT-eeuloop: 09:15 | R50

No official times – just a fun morning of running, words and festival spirit!
Prizes, lucky draws and EasyEquities investment prizes of up to R3 000 are up for grabs.

29/08/2026

TWEE DAE OM TE GAAN!
Droom groot. Pitch groter.

Het jy ’n droom-teaterproduksie wat jy glo op die verhoog hoort? The Perfect Pitch by die Toyota Stellenbosch Woordfees gee jou vyf minute om jou idee aan topbeleggers en bedryfsleiers te pitch – met ’n kans op tot R1 miljoen se ontwikkelingsfinansiering.

⏰ Inskrywings sluit 30 Augustus 2026.

Moenie jou kans laat verbygaan nie. Dien jou inskrywing op ons webwerf in – skakel: https://woordfees.co.za/the-perfect-pitch/
——
TWO DAYS TO GO!
Dream big. Pitch bigger.

Have a dream theatre production you believe belongs on stage? The Perfect Pitch at the Toyota Stellenbosch Woordfees gives you five minutes to pitch your idea to leading investors and industry leaders – with a chance to secure up to R1 million in development funding.

⏰ Applications close 30 August 2026.

Don’t miss your chance. Submit your application on our website – link:https://woordfees.co.za/en/the-perfect-pitch/


EasyEquities Pieter Toerien Productions NATi