Mbali the poet

Mbali the poet Poet
https://www.facebook.com/profile.php?id=100094682040474
0634241569

05/09/2025

NDIKUTHANDILE

Ndikuthandile ntombazan'entle
Ndikuthandile gqiyazana lakwaXhosa
Ntombi kanants'intliziy'ithathekile
Suku ndiqala ukubona ndakuthandabuza
Ndakuthandabuzel'ubuhle bakho

Ndicela ndiceng'uthando lwakho mihla nezolo
Wandibhebhetha undibhekelisela kude
Kuba ndiyindod'omXhos'andincami
Ndacela ndiceng'uthando mihla nezolo

Suke ndabona ngawe uvalek'amehlo luthando
Ndatsho ndathi kugqityiwe
Uyathandeka mntan'exhego
Uyathandeka ntombi kanantsi

Ndakuthandabuza de ndazijul'ijacu
Amehl'avaleka luthando nak*m
Ndakuthanda ngaphandle kokuthandabuza
Inen'uthando lwam lolwenyani

mbali

05/09/2025

MAKHULU

Makhulu uthando lwakho yimfihlo yemfihlakalo
Bubele bakho bona yintabalala
Wawundifunqul'unditeketis'ebuntwaneni
Undibize ngezibizo zonk'ezichuk*mis'intliziyo
Undibize ngezibizo zonk'ezimyoli de ndincume

Namhla ndakhala wawuqaqanjelwa
Ndaqabuka ndade ndangaka ndikolo yolo
Ndaphapha ndiphazam'imihla nezolo
Kub'ungemnt'ungadinwa wasolok'umdilungisa

Makhul'usikhulisa ngesandl'esinobubele
Wasinyamezela namhla sikukruna
Wasiqoqosh'usiqondis'okulungileyo
Wasicaphulel'amav'obom bakho

Namhl'undibeth'andikhali kuba ndith'usandiqeqesha
Makhul'uyingcing'ecingayo
Makhulu wavuk'ulal'ukhulisa thina
Kuba namhla kunzim'ekhaya
Azange ndikuv'usithi sendeyele

mbali

26/08/2025

NDIMTHANDILE

Ndimthandile ndizinikele
Ndamthanda sel'endenz'unopopi
Yathathek'intliziyo yam nguye
Yathathek'intliziyo bubuyena bakhe

Lwalumnand'uthando lweth'ekuqaleni
Sisaqal'uthandana kwak*mnandi
Ndandizijul'ijacu ngokubangowakhe
Ndandizingomba isifuba ngokubangowakhe

Oww! lwalumnand'uthando lweth'ekuqalen
Sithembisan'umtshato nabantwana
Suk'iliso lakhe lancamathela komnye
Kwaqala kwabakh'ukungavani phakathi kwethu

Saqala saxabenel'izint'ezincinci
Yadandathek'intliziyo ndisombon'engasandithandi
Yadandathek'intliziyo ndisombon'engandicacelanga
Kaloku ndandimthanda ngokuzinikeleyo

Ndandiba ndimfune'umaqondana
Kanti yen'uyazaz'ulind'ongcono
Ndikhumbula minazan'ithile
Endixelel'indlel'andithanda ngayo
Ndandimthanda

Mbali the poet

26/08/2025

Unje ngenyang'esibhakabhaken'uyakhanyisa
Unje ngelanga liphum'eMpuma langa mfana kanantsi,
Uyakhazimla
Obobuhle bakho buqhakazileyo bungaqhelekanga,
Bundenza ndifun'utshintsh'usiko lakwaXhosa
Ndizenz'indoda koluthando

Elo lizwi lakho limnandi njengomcul'odumileyo
Iyeza lokupholis'amanxeb'entliziywen yam nguwe
Inen'ogqirha balincamile kudala belikhangela babuye nemband'esikhova

Khawundivumele ndikuthande
Ndingakuniki elenyama negazi ndikunike elomphefumlo lona uthando
Intliziy'ingachulumanca xa unondinik'ithuba lokuthanda
Kudala ndizibambil'iintloni zidlala ngam
Namhlanje ndizincamile kalok'usan'olungakhaliyo lufel'embelekweni

Inene ukuba lityala ukuthanda wena makagwebe umantyi ndinetyala
Makasiphose kwesimnyam'isitshixo saseziseleni
Sithandwa sam makagwebe umantyi

Ndicela njengembong'undincumele xa ndikwenzela lombongo
Uthando lwakho luyandiphilisa
Sithandwa sam usisibane sendlela yam

mbali the poet

12/08/2025

Intliziy'idad'emafutheni lulonwabo

Intliziy'idad'emafutheni lulonwabo
Intliziy'ibeth'ibuyelel'esifubeni yimincili
Uncumo lujik'ezindlebeni kukuchazeka
Lama kancinc'igazi kukothuka

Izidlel'ungafunga zityebile luncumo
Maweth'ithathekil'intliziyo yam
Ndicing'umaqondana sendiwufumene
Amabhabhathan'aphum'engena kwesam isisu njengentak'endlwaneni

Intliziy'idad'emafutheni lulonwabo
Ijacu ndizijulile ndazinikezela koluthando
Ulonwabo laza lungxamile njengembalek'ephum'emagqabini
Uncumo lujik'ezindlebeni kukuchazeka
Yachazek'intliziyo de yalibal'ibikhe yakhathazeka

Yachazek'intliziyo ndawubon'umoy'upholile
Waphol'umoya ingqondo yazinza nzulu kulonwabo lwam
Ijacu ndizijulile ndazinikezela koluthando
Amabhabhathan'aquq'ebuyelela kwesam isisu
njengekat'aph'ithe yafumana khon'ibisi
Intliziy'idad'emafutheni lulonwabo

Mbali

07/08/2025

ISIKHALO SENKEDAMA

Ndibhala lencwadi ndinesilond'entliziyweni yam
Ndibhala lencwadi ndibuxheleka ngaphakathi

Mna ndililolo int'engento
Kaloku bona bakheth'undishiya ndodwa
Bandishiya ndodwa kulomhlab'uneentshaba
Vele zona ziyavuya xa zindibona ndingenanto

Bandishiyile bacinga ndizothini?
Mama,tata sabelani!
Sabelani bazali bam
Yhiini na aninasazela,
Sondibona ndingento kulomhlaba?

Yhiini na aninasazela,
Sondibona ndingqunga,
Ndikhangel'indawo yozimela?

Yhiini na aninasazela,
Sondibona Ndikhangel'intw'esiwa phantsi kwempumlo?

Ndiceleleni nam indaw'emazulwini
Noko kudala ndinyalasa
Ndikhangel'intw'engaziwayo
Noko kudala ndivuyis'iintshaba

Mandipheze noko ziyachiphiz'iinyembezi

Mbali

02/08/2025

MAMA

Mama kuthiwa liduduma lidlule,
Kodwa k*m ingathi lisanyalaza
Lisanyalaza lisagqekreza
Kukh'inxeb'elingasoze liphole
Inxeba elinzulu

Yhiini! nozala
Wawundiziselani kulomhlab'umagad'ahlabayo,
Kant'uzojik'undishiye?
Wandishiya ndodwa kulamarhamncwa eli lizwe
Kobububi bomhlaba

Mama ndithetha nawe
Mama!mama?
I curse the day I arrived kulomhlaba
Mama kuthi xa kufika kany'inyanga yomama
Kuvuk'isilonda ndiziv'iintlungu zongabinamama

mbali

26/07/2025

USISHIYILE

uhambo lwakho lusothusile
Intliziyo zashiyeka zibuhlungu
Ewe kona besiyibon'ingulo yakho
Kodwa khange siyilindele indlela ohambe ngayo

Uhambe msinya nyana kanantsi
Bendifun'usibone xa siphumelela
Bendifun'usibone xa sithwel'izidanga
Bendifun'ubon'imbewu yakho x'ikhula

Walishiy'inxeb'elingasoze liphole kule yam Intliziyo
Intliziyo zinxunguphel'igazi liyaphalala
Usishiyile ndod'end'enesidima
Isidim'esihamba nothando nentlonipho

Yhiin'ubungenondilinda ndiqabuke?
Ndizofuman'umfanekiso ngqondweni wakho
Kalok'uhambe ndiselul'ingqond'ingekabhadli

Uhambo lwakho lusishiye nemibuzo
Imibuz'edinga wen'uqobo
Isingqala sihlel'entliziyweni yam
Iinyembezi sezifana nengxangxas'emehlwen am

Sesimana sizikhumba ngezinto owawuzenza
Nangona singasenaw'umfanekiso ngqondweni wakho
Kalok'ingqondo zazingekakwaz'ubamba
Usishiyile

Mbali

26/07/2025

NEVER FORGET WHO YOU ARE

It's not about how you are raised
It's about how you carry yourself out there
The way you carry yourself,
Has nothing to do with how well you are raised

Do you know why ?
Do you want to know why?
They raised you well
You involved yourself,
With people that have no future

You started to forget where you come from You started to forget how you are raised
Never forget who you are
Never forget where you come
You started to be concerned with thing that do no matter

You can never hide yourself from the world
You just need to hide the world from you
Never forget where you come from

Mbali

21/07/2025

UBUDODA BANAMHLANJE

Izinto zamandulo zamoshakala mhla, utamkhul'ekhab'ibhekile
Wanabel'uqaqa kant'uhamba nesidima samadoda
Solus'amakhwenkw'ahamb'abhek'entabeni
Sacing'azobuy'engamadoda kanti sizikhanda, ngenyhek'etyeni

Wabuy'umntu entabeni
Sakhangela isidima
Sakhangela ubudoda
Sabuya nembande'skhova
Suke sabhaq'inkwenkw'endodeni

Kaloku solus'inkwenkwe siyis'entabeni
Sacing'izabay'indoda
Suke kwabuy'indod'engeyondoda
Aphelil'amadod'esizukulwana sikaPhalo
Aphelil'amadod'akwaXhosa
Tamkhulu buya konakele kwaXhosa

Sibolusa kuba sincekelel'usiko lobawo
Sibolusa kuba sifuna umntu kuthiwe yindoda
Ewe kon'ubudoda baphela ngonyaka katamkhulu
Ewe kon'ubudoda banamhlanje abunasidima
Izinto zamandulo zamoshakala mhla, utamkhul'ekhab'ibhekile

Mbali

21/07/2025

I WONDER

I wonder if it is worth it
I wonder if our love is worth it
I wonder if the tears I've cried are worth it

I wonder if the love we have shared is worth it
But the main question is "is it worth my wonderings?"
I always wonder because I do not know if they are all worth it

Our love is rare
Our love is not easy to find
Is our love worth my happiness?oh I'm confused

I wonder if our love is worth all the heart breaks
The love we share is what people are wishing to have
Is it worth it?I'm just wondering

The love we share makes us the happiest people
I wonder if it is worth all the happiness
I wonder if it is worth all the tears

Mbali imbongi yosiba

Address

Oxford Street Newvalle
Queenstown
9402

Website

Alerts

Be the first to know and let us send you an email when Mbali the poet posts news and promotions. Your email address will not be used for any other purpose, and you can unsubscribe at any time.

Shortcuts

Share

Category