Paarl Arts Hub

16/02/2026

Dankie aan Paarl Post vir die berig oor die Breytenbach Sentrum se klassieke konsertreeks en die Vivaldi-konsert wat op Sondag 15 Februarie om 16:00 in die bekende Goodnow-konsertsaal plaasvind. Om te bespreek gaan na Quicket deur op hierdie skakel te klik: https://qkt.io/ufPeZy

Charl du Plessis kom kuier ook in Wellington met sy splinternuwe solo-klaviervertoning, "All by Myself" op Sondag 8 Maart, 18:00 vir 18:30. Vir besprekings, gaan na https://qkt.io/NDqD5S

Kaartjies kan ook by die Breytenbach Sentrum gekoop word gedurende die week tussen 09:00-14:00 - slegs kontant.

16/02/2026

’n Wellingtonse konsertviolis, ’n Bulgaarse trekklavierspeler en ’n rockster-baskitaarspeler vertel die storie van Vivaldi se Vier Seisoene — die derde aflewering van die Breytenbach Klassieke Konsertreeks.

Met hierdie weergawe wou die World Café Trio Vivaldi se geliefde meesterstuk nader bring — ’n nuwe, intieme interpretasie van ’n werk wat gewoonlik deur groter ensembles uitgevoer word, sodat mense dit op hul eie voorstoep kan beleef. Petrus de Beer het vertel hoe hy in die Goodnow-saal grootgeword het, met kinderjare-herinneringe aan konserte hier en sy ma as voorsitter van die kommittee. Tussen die bewegings deur het Schalk Joubert Italiaanse sonette (in Afrikaans vertaal deur Wellingtonner dr. David de Villiers) voorgelees, terwyl Stanislav Angelov die geskiedenis en musikale taal agter die werk help oopmaak het.

Die gehoor was duidelik meegevoer — ’n herinnering dat Vivaldi in sy tyd iets van ’n rockster was. Dit is presies waarna die Breytenbach Klassieke Konsertreeks streef: intieme, persoonlike konserte wat klassieke musiek toeganklik maak, nuwe gehore kweek en bestaande idees uitdagend skeppend herbesoek.

Ons was ook bly om CPUT se 3de- en 4dejaar-musiekonderwysstudente, onder leiding van lektor en bekende orrelis dr. Devandré Boonzaaier, by die konsert te verwelkom. Hulle sal ’n resensie as deel van hul opleiding skryf.

Baie dankie aan die Rupert Musiekstigting wat die konsert moontlik gemaak het. ’n Spesiale dankie ook aan Sandra Franken vir die pragtige blommerangskikking en Conrad van The Wild Bunch Flower Farm vir die blomme. Die konsert is aangebied deur die Breytenbach Sentrum en Paarl Arts Hub, in samewerking met CPUT Wellington .

21/01/2026

Sondag, 15 Februarie om 16:00 in die Goodnow-saal
𝐃𝐢𝐞 𝐬𝐭𝐨𝐫𝐢𝐞 𝐯𝐚𝐧 𝐕𝐢𝐯𝐚𝐥𝐝𝐢 𝐬𝐞 "𝐕𝐢𝐞𝐫 𝐒𝐞𝐢𝐬𝐨𝐞𝐧𝐞"
Kaartjies: https://qkt.io/ufPeZy

Breytenbach Klassieke Konsertreeks
Paarl Arts Hub
CPUT Wellington
Visit Wellington
ENJOY DRAKENSTEIN

19/01/2026

Ons kondig met plesier die volgende twee konserte in die 𝐁𝐫𝐞𝐲𝐭𝐞𝐧𝐛𝐚𝐜𝐡 𝐊𝐥𝐚𝐬𝐬𝐢𝐞𝐤𝐞 𝐊𝐨𝐧𝐬𝐞𝐫𝐭𝐫𝐞𝐞𝐤𝐬 aan — en ook die eerste konserte vir 2026.

🎻 𝐃𝐢𝐞 𝐬𝐭𝐨𝐫𝐢𝐞 𝐯𝐚𝐧 𝐕𝐢𝐯𝐚𝐥𝐝𝐢 𝐬𝐞 𝙑𝙞𝙚𝙧 𝙎𝙚𝙞𝙨𝙤𝙚𝙣𝙚
Met Piet de Beer (viool), Stanislav Angelov (trekklavier) en Schalk Joubert (bas)
Sondag 15 Februarie 2026 om 16:00

’n Vars en toeganklike blik op Vivaldi se geliefde werk, met stories en poësie wat die musiek laat leef — ’n besonder geskikte konsert vir Valentynsdag.

Kaartjies: https://qkt.io/ufPeZy

🎹 𝐂𝐡𝐚𝐫𝐥 𝐝𝐮 𝐏𝐥𝐞𝐬𝐬𝐢𝐬: 𝗔𝗹𝗹 𝗯𝘆 𝗠𝘆𝘀𝗲𝗹𝗳
Sondag 8 Maart 2026 om 18:00 vir 18:30

’n Intieme solokonsert met die internasionaal bekroonde Steinway-pianis Charl du Plessis — en ’n seldsame kans om die Goodnow-saal se 1929 Steinway konsert-vleuelklavier in volle glorie te beleef.

Kaartjies: https://qkt.io/NDqD5S

📍 Venue: Goodnow-saal, Wellington
🎟️ Kaartjies: R100–R150 | Quicket en by die deur

Ons sien uit daarna om julle weer by die volgende konserte te verwelkom.

Charl du Plessis
Stanislav Angelov
Schalk Joubert
Paarl Arts Hub
CPUT Wellington
Visit Wellington
ENJOY DRAKENSTEIN

19/12/2025

Ons sluit die jaar af met 𝑩𝒓𝒂𝒉𝒎𝒔 𝒕𝒐 𝑩𝒍𝒖𝒆𝒔 as deel van die 2025-been van die 𝗕𝗿𝗲𝘆𝘁𝗲𝗻𝗯𝗮𝗰𝗵 𝗞𝗹𝗮𝘀𝘀𝗶𝗲𝗸𝗲 𝗞𝗼𝗻𝘀𝗲𝗿𝘁𝗿𝗲𝗲𝗸𝘀.

Vir Tertia Visser-Downie was dit ’n terugkeer na ’n plek vol herinneringe. Sy het vertel van konserte wat sy hier as kind bygewoon het, van ’n tyd toe die ruimte byna elke naweek klassieke musiek gehuisves het, en van haar deelname aan die Hennie Joubert Klavierkompetisie. Petrus Coetzee het soortgelyke herinneringe gedeel, wat die middag vir albei besonder betekenisvol gemaak het.

Die program het beweeg van klassiek tot ligter invloede, met ’n repertorium wat ruimte gelaat het vir fyn luister en speelsheid.

Die gehoor het aandagtig geluister en die kunstenaars aan die einde met ’n staande ovasie bedank.

Ons sien uit na die konserte wat in 2026 voorlê.

ENJOY DRAKENSTEIN
Visit Wellington
Go Wellington
Paarl Arts Hub

27/11/2025

17/11/2025

’𝐧 𝐎𝐧𝐯𝐞𝐫𝐠𝐞𝐞𝐭𝐥𝐢𝐤𝐞 𝐦𝐮𝐬𝐢𝐞𝐤𝐦𝐢𝐝𝐝𝐚𝐠 𝐦𝐞𝐭 𝐉𝐚𝐧𝐧𝐢𝐞 𝐝𝐮 𝐓𝐨𝐢𝐭 – ten bate van Rusoord. 🎶

Sondag was die NG Kerk Paarl-Vallei gevul met warmte, nostalgie en ongelooflike musiek toe Jannie du Toit sy vertoning 𝑂𝑝𝑝𝑖𝑒𝑘𝑖𝑡𝑎𝑎𝑟 met ons kom deel het.

Met 54 jaar se kunstenaarskap agter sy naam het Jannie weereens gewys waarom hy ’n meester van die kleinkuns en die luisterliedjie is. Sy musiek vertel stories — menslik, eerlik en deurleef — en elke lied het soos ’n klein collage van herinneringe gevoel.

’n Spesiale oomblik was toe een van ons spanlede saam met Jannie ’n lied kon doen — ’n eenvoudige, mooi gebaar van kreatiewe samewerking in ons gemeenskap.

’n Groot dankie aan:
▪️ Rusoord en Monique Petersen van NG Kerk Paarl-vallei vir die hantering van kaartjieverkope;
▪️ Lilla van der Merwe, wat die konsert én fondsinsameling geïnisieer het, en haar man Kockie vir ondersteuning met die vervoer van die kunstenaar;
▪️ NG Kerk Paarl-Vallei vir die gebruik van die kerk as venue;
▪️Paarl Post vir die artikel;
▪️ En veral aan elke konsertganger — julle bywoning en bydrae het hierdie fondsinsameling vir Rusoord moontlik gemaak.

Dit was meer as net ’n konsert — dit was ’n viering van musiek, gemeenskap en gee vir ’n goeie doel. 🌿

Jannie du Toit
Paarl-Vallei Gemeente - NGK
Rusoord Old Age Home / Ouetehuis
Paarl Post

17/11/2025

𝐁𝐑𝐀𝐇𝐌𝐒 𝐓𝐎 𝐁𝐋𝐔𝐄𝐒 – Breytenbach Klassieke Konsertreeks
Met Tertia Visser-Downie (klavier) en Petrus Coetzee (altviool).

Beide kunstenaars is oorspronklik van Wellington, en bring hul internasionale ervaring saam vir hierdie spesiale uitvoering.

Die program verbind die warmte van Brahms en Schumann met die karakter van Enesco, met enkele moderne elemente wat die repertoire verbreed — ’n ryk, boeiende klankgesprek tussen klavier en altviool wat beide intiem en energiek is.

Ons sien uit daarna om weer gehore te verwelkom in die Goodnow-saal vir hierdie tweede konsert in die Breytenbach Klassieke Konsertreeks.

📅 Sondag 7 Desember 2025
🕓 16:00
📍 Goodnow-saal, Wellington
🎟️ R100 – R150

Kaartjies beskikbaar by Quicket of by die deur.

Quicket-skakel: https://qkt.io/rYTFaP

Die 𝗕𝗿𝗲𝘆𝘁𝗲𝗻𝗯𝗮𝗰𝗵 𝗞𝗹𝗮𝘀𝘀𝗶𝗲𝗸𝗲 𝗞𝗼𝗻𝘀𝗲𝗿𝘁𝗿𝗲𝗲𝗸𝘀 bied deur die seisoen optredes deur professionele én opkomende musici met ’n verbintenis tot Wellington en die Drakenstein-vallei.

Vir meer info kontak [email protected]

Visit Wellington
Visit Paarl
Paarl Arts Hub
Paarl Post
CPUT Wellington

14/11/2025

Ons was bevoorreg om die bekendstelling van die nuwe Paarl Toerismekantoor by te woon op die hoek van Auret- en Hoofstraat — ’n opwindende inisiatief van die Drakenstein Munisipaliteit.

Cheryl Phillips, Senior Bestuurder: Ekonomiese ontwikkeling en toerisme, het met haar kenmerkende passie gepraat oor die krag van vennootskappe en hoe samewerking die fondament is vir volhoubare plaaslike ekonomiese groei.

Raadslid Laurichia van Niekerk, MMC vir toerisme, sport en rekreasie, het verder die vele bestaande samewerkings uitgelig wat Drakenstein reeds as ’n aantreklike toerismebestemming posisioneer. Sy het die gemeenskap aangemoedig om toeriste in hul eie dorp te wees — want "elke besoeker aan Paarl en die groter Drakenstein skep drie werksgeleenthede".

Verteenwoordigers van die nuwe Paarl Boutique Hotel het hul visie gedeel, terwyl Paarl Trails (Darren Herbst) hul suksesverhaal vertel het van hoe hulle Paarl en die Wynlande op die internasionale fietsrykaart plaas.

As die Breytenbach Sentrum, in vennootskap met die Paarl Arts Hub, het ons vertel van ons bydrae tot toerisme op die kreatiewe kunste-front — veral deur die Breytenbach Klassieke Konsertreeks. Hierdie reeks bring wêreldklas kunstenaars, met hul wortels in Wellington en Paarl, terug huis toe om hul internasionale ervaring in hul gemeenskap te herbelê. Ons nooi gehore om meer as net ’n konsert by te woon — om die hele Drakenstein-ervaring te kom beleef — teen toeganklike kaartjiepryse wat ruimte laat in die begroting om ons streek ten volle te ontdek.

’n Groot dank ook aan Paarl FM, wat regstreekse onderhoude vanaf die geleentheid gevoer het en die boodskap van samewerking en toerisme-ontwikkeling verder laat weerklink het.

Ons het ook die kans gehad om die pragtig opgeknapte toerismekantoor te besigtig. Baie geluk aan Chrismaré Carse, Drakenstein se senior toerismebeampte. Die ruimte is uitnodigend, stylvol en weldeurdag ingerig. Ons sien uit na voortgesette samewerking met haar ter versterking van die Drakenstein-handelsmerk en die skep van geleenthede vir die gemeenskap en plaaslike entrepreneurs.

𝘿𝙞𝙚 𝙨𝙩𝙚𝙧𝙠𝙨𝙩𝙚 𝙞𝙣𝙙𝙧𝙪𝙠 𝙫𝙖𝙣 𝙙𝙞𝙚 𝙙𝙖𝙜?
Die krag, visie en leierskap van hierdie drie merkwaardige plaaslike vroue wat Drakenstein se toerismesektor met vasberadenheid en flair vorentoe stuur. Dis inspirerend om te sien hoe hulle nuwe moontlikhede vir ons streek ontsluit — en ons is trots om deel van hierdie groeiende netwerk te wees.

Drakenstein Municipality
Paarl FM
Paarl Arts Hub
Paarl Trails
Paarl Boutique Hotel
Visit Paarl
Visit Wellington
Visit SA Winelands
Paarl Tourism

13/11/2025

Koop die Paarl Post vandag om meer te lees or die Jannie du Toit konsert komende Sondag, ten bate van Rusoord Old Age Home / Ouetehuis en die Breytenbach Klassieke Konsertreeks se opwindende seisoen wat voorlê. Beide inisiatiewe word aangebied deur Arts Hub, in samewerking met:

Paarl-Vallei Gemeente - NGK
Breytenbach Sentrum
CPUT Wellington
NG Kerk Wellington Noord - Wellington Noord Geloofsgemeenskap

Saam skep. Saam werk. Saam droom.
Co-create. Co-lab. Co-inspire.

11/11/2025

🎶 ’𝐧 𝐒𝐩𝐞𝐬𝐢𝐚𝐥𝐞 𝐦𝐮𝐬𝐢𝐞𝐤𝐦𝐢𝐝𝐝𝐚𝐠 𝐭𝐞𝐧 𝐛𝐚𝐭𝐞 𝐯𝐚𝐧 𝐑𝐮𝐬𝐨𝐨𝐫𝐝! 🎶

Die legendariese 𝐉𝐚𝐧𝐧𝐢𝐞 𝐝𝐮 𝐓𝐨𝐢𝐭 bring sy geliefde program 𝘖𝘱𝘱𝘪𝘦𝘬𝘪𝘵𝘢𝘢𝘳 na die Paarl op Sondag 16 November 2025 om 16:00

Met net sy kitaar en ’n skatkis vol stories en liedjies, deel Jannie 24 van sy gunsteling komposisies – van 𝘋𝘳𝘪𝘦𝘶𝘶𝘳 𝘪𝘯 𝘥𝘪𝘦 𝘮𝘰̂𝘳𝘦 en 𝘓𝘪𝘦𝘥𝘫𝘪𝘦 𝘷𝘪𝘳 𝘫𝘰𝘶 tot nuwe werk wat sy musiekreis oor dekades weerspieël.

Hierdie vertoning ondersteun Rusoord, wat met sorg en toewyding vir bejaardes in ons gemeenskap omgee. 💛
Jou bydrae d.m.v. jou bywoning, maak ’n werklike verskil!

🎟️ Kaartjies: R200 p.p.
📞 Besprekings by Rusoord: 021 872 1982
📍 NG Kerk Paarl-Vallei, Hoofstraat, Paarl

Aangebied deur Paarl Arts Hub, Rusoord Old Age Home / Ouetehuis en Paarl-Vallei Gemeente - NGK

Vir navrae stuur 'n e-pos aan [email protected].