Orania Kunsteraad - OKeR

12/06/2026

08/06/2026

OKeR het onlangs, tydens 'n Kunsklub-byeenkoms, Christiaan en Salmah du Preez bedank vir hul reuse bydrae. Dié paartjie was pryswenners in die Ora I-reeks Kunskompetisie. Christiaan se kunswerke verskyn op die nuwe Ora-reeks, terwyl Salmah se kunswerke vir 'n alternatiewe reeks aangewend word. Hulle het van hul oorspronklike kunswerke aangebied om ten bate van OKeR verkoop te word.
Anje Boshoff het hul bedank en gesê: "Dit is wonderlik om mense te hê wat ook waardeer wat óns waardeer en ook só dit vir ons moontlik maak om aan te gaan daarmee."
Anje het twee bottels OKeR-wyn aan hul oorhandig, nl. "Sweef" en "Droom".

27/05/2026

Kom geniet 'n heerlike aand!
* Filmmusiek deur Orania Kunsteraad - OKeR-orkes en ander plaaslike musikante/sangers.
* Pizza
* Wyn
Datum: Vrydag 29 Mei
Tyd: 18:30
Plek: Duquesne
Kaartjies: R150
Beperkte aantal kaartjies beskikbaar by Duquesne.
Die funksie word spesifiek vir volwassenes aangebied. Indien kinders o/16 saamkom, is die koste R75 per kind - bespreek asb. vooraf.
OKeR-lid, dra jou OKeR-lapelwapen en betaal slegs halfprys.
Kontak Stansia Rens vir meer inligting: 072 279 9106

22/05/2026

Salmah en Christiaan du Preez se liefde vir kuns is diep verweef met hul geloof, hul huwelik en hul gesinslewe. Albei glo dat kreatiwiteit ’n gawe van God is — iets wat nie net geskep word met hande nie, maar ook met hart en siel.

Salmah, gebore Naudé, het grootgeword in ’n groot huisgesin van agt kinders in Worcester. Van kleins af het sy die vreugde ervaar om iets met haar eie hande te kan skep. Vir haar is kuns meer as net verf op ’n doek — dit is ’n herinnering aan die Here wat haar ook met Sy hande geskep het. Vandag is sy getroud met Christiaan, ’n apteker en mede-kunstenaar, en saam maak hulle hul dogtertjie, Amelia Esther, groot.

Christiaan, wat in Pretoria gebore is, vertel dat sy liefde vir kuns reeds in die kleuterskool begin het toe hy trots was op ’n eenvoudige ingekleurde wurm. Daardie klein oomblik het die saad geplant vir ’n lewenslange passie vir teken en skilder. Soos Salmah, glo hy sy talent kom slegs van God af.

Kuns speel vandag ’n besondere rol in hul huwelik. Interessant genoeg noem Salmah haar man as haar gunsteling kunstenaar, terwyl Christiaan op sy b***t háár as sy gunsteling kunstenaar beskryf. Hierdie wedersydse bewondering weerspieël iets van hul verhouding — twee mense wat nie net hul lewe deel nie, maar ook hul kreatiewe wêreld.

Albei werk hoofsaaklik met olieverf, maar elkeen bring hul eie unieke styl en voorkeur na die doek. Salmah hou van pienk, omdat dit vir haar vroulikheid verteenwoordig, terwyl Christiaan aardse kleure verkies soos geeloker, gebrande siena en Payne’s grey. Waar Salmah vreugde vind in die manier waarop kleure saamvloei en meng, geniet Christiaan die uitdaging daarvan om die unieke eienskappe van gesigte en diere vas te vang.

Portrette lê na aan albei se harte. Vir Christiaan is elke gesig uniek en vol karakter, terwyl Salmah eenvoudig geniet om mense deur kuns tot lewe te bring. Selfs hul tydverdryf weerspieël hul waardes — Salmah ontspan deur te skilder, terwyl Christiaan die meeste waarde heg aan familietyd.

Ten spyte van hul talent bly hul benadering tot kuns nederig en opreg. Salmah glo mens moet skilder bloot vir die genot daarvan, terwyl Christiaan jong kunstenaars aanmoedig om met verskillende mediums te eksperimenteer en nie bang te wees vir foute nie. Saam vertel hul storie van geloof, liefde, familie en die besondere manier waarop kuns twee mense nader aan mekaar — én nader aan hul Skepper — kan bring.

19/05/2026

Lê die kunste jou ook na aan die hart?
Stuur 'n e-pos na [email protected] om betrokke te raak by Orania Kunsteraad - OKeR. Dankie aan al ons borge, lede en ondersteuners! ⭐️

19/05/2026

Laaste foto's van OKeR se Ora-toneel, voordat die gordyn finaal sak. Die ligte doof, maar die herinneringe bly voortleef!
Weereens dankie aan Orania Sakekamer, elke toneelspeler, komiteelid en borg.

Fotokrediet: Cherise Barnard Photography

Wys Jou Vleis
Orania Oewerhotel & Spa
Die Koekie Monster
Die Wynhuis
Roelien de Klerk Juwele
Knapsak
Grootrivier Boudienste
Avstrooi Argitekte
Ora Ligte Staal
Schutte Prokureurs

Hou die spasie dop vir OKeR se volgende projekte.

18/05/2026

Bittereinderdag, waar ons terug d**k aan die bittere prys wat vroue en kinders in konsentrasiekampe betaal het.

Kom herdenk die dag saam by Doornbult-konsentrasiekamp.
- 30 Mei 2026
- 09:00
- Onthou om kontant saam te bring.
- Bring jou kampstoel saam.

15/05/2026

Roelien de Klerk Juwele ondersteun die kunste!

Baie dankie vir jul betrokkenheid by OKeR. Jul borgskap is vir ons 'n ware juweel!

Roelien ontvang haar besigheid se bordjie van Orania Kunsteraad - OKeR-verteenwoordigers,
Anje en Leoni.

15/05/2026

Hoeksteenlegging van die Kaalvoetkinderkubus

U word vriendelik uitgenooi na die geleentheid.

DATUM: 16 Mei 2026
TYD: 16:30
PLEK: Gemeenskapsaal

Kaalvoet…as dit moet