VLU-Prisma

10/03/2026

Dit is met diepe leedwese dat ons kennis geneem het van die afsterwe van Trix Parsons.

Sy was ’n besondere VLU-dame wat die Prisma-tak die afgelope ses jaar met groot toewyding, liefde en omgee gelei het. Haar bydrae en betrokkenheid in haar tak sowel as streek sal met waardering onthou word.

Ons innige meegevoel gaan aan Johnny, haar kinders en al haar geliefdes in hierdie tyd van verlies.

Mag julle krag, troos en berusting vind in die dae wat voorlê.

24/03/2025

Tak vergadering Maart 2025
Voorsitter Trix Parsons wens Alle Tak lede geluk Na die Tak uitstekend gevaar het by die jaarlikse konferensie.

Ons Tema is Landbou en Tuinbou. Anita Els was sameroepster. Sy het met ons inligting gedeel oor ons bome van die Jaar asook die persoonlikheid van die Jaar.

Die kompetisie tafel was vol die dames was weer besig. Ons is so trots op Elke Dame Se ywerigheid Om deel te neem aan Tak kompetisies sowel as konferensie kompetisies.

April maand besoek Matlosana Animal Shelter die Tak. Ons maak komberse en kos bymekaar. As enige iemand n bydrae wil lewer is julle Welkom Om ons te Kontak
Skakelbeampte Leandri 072 797 2278.

12/03/2025

NWVLU Sonneblomstreek 30ste Konferensie

Aan elke Prisma Dame
Dankie Vir jou as vrou, dankie Vir elkeen se bydrae tot ons gemeenskap en tak. Prisma julle was vandag uitsonderlik.

Dankie Vir die heerlike samesyn.
Baie geluk met elkeen se uitsonderlike prestasies. Julle harde werk help ons bou aan ons Tak.

Kom ons woeker hierdie jaar!
Julle maak ons trots

12/03/2025

Sonneblom Streek konferensie 2025

Baie dankie Leeuhart tak - VLU Vir julle hartlike gasvryheid.
Baie geluk met 'n puik konferensie dag.
Julle tafels was keurig gedek en die eetgoed was heerlik. Prisma het die dag geniet saam julle.

Dankie Vir Al julle moeite en insette.

Ons Sien uit konferensie 2026.

Prismagroete

05/03/2025

Mini Inligtingsdag 18 Februarie
Heerlike samesyn terwyl ons leer

05/03/2025

Mini Inligtingsdag 18 Februarie
Aanbieders Jeanné Slabbert , Inneke Bakker, Elize Oosthuizen, Shannon Duploy, Kinny Ysel

Dankie Vir julle Kennis en moeite

19/02/2025

Prisma Tak Hou 'n Mini Inligtingsdag.

'n VLU Dame word Nie afgeskrik deur koue en nattigheid Nie. Ons is dankbaar Vir Elke druppel reën wat ons gekry het.

Namens Prisma wil ons baie dankie sê aan elke aanbieder wat die oggend moontlik gemaak het. Julle Kennis, vaardigheid en moeite word opreg waardeer.

Aan elke Tak wat die oggend Saam ons Kom deurbring het, dankie ons het lekker gekuier.

Ons hoop dat Elke Dame Nou die motivering sal hê Om die kompetisie artikels Vir 2025/2026 met ywer aan te Pak sodat die beoordeelaar tafels tjok en Blok vol sal wees.

Prisma Groete

19/02/2025

17/02/2025

*Prisma Bestuur 2025*

Voor vlnr: Annetjie Janse van Rensburg (Sekretaresse), Trix Parsons( Voorsitter), Jeanne Slabbert (Beoordeelaar sameroepster)
Agter vlnr: Marlene Grobler (Visie Voorsitter & Tesourier) , Annette Harmse (Addisiomele lid), Anita Els (Addisiomele lid) , Leandri Erasmus (Skakelbeampte)

Die Jaar is weer in volle spoed. Met Januarie se vergadering agter die rug waarin baie besluite en admin gedoen is, sien ons uit na ons Februarie Tak vergadering. Dit is 'n Tak vergadering met n kinkel.

Ons vertel julle Woensdag Meer van Februarie.

Prisma Groete

26/06/2024

PRISMA - Kinderdag
25 Junie 2024

Dit was 'n oggend vol kunstige pret en plesier. Met 'n groep besonderse kinders het die VLU dames sommer weer jonk van gees gevoel. Met Tercia aan stuur van sake is daar vele projekte aangepak.
Dit kon natuurlik nie gebeur het sonder die hulp van VLU dames nie. Hulle het help knip en plak en bystand gegee waar nodig.

Die kombuis dames het hard gewerk aan die maak van lekker hamburgers om te verseker na so besige dag vir iets te ete. Watter kind sal Dan nou nee sê vir n hamburger?

Dit was 'n leersame oggend.
Ons hoop om volgende jaar weer so lekker kunstige oggend te kan aanbied.

Tot n volgende keer

Prisma groete

26/06/2024

Junie Maand Vergadering
Sameroepster Marlene Grobler
Gasvrouens: Magda Saaiman ,Annette Harmse, Jeannie Slabbert, Leandri Erasmus
Tema: Kunste en Handvlyt

Wat 'n lieflike oggend. Die sameroepster en haar gasvrouens het ons behoorlik bederf.

Eerstens het ons besoekers gehad wat die saal met die mooiste klanke betower het.
Ulindi en Danika Mocke is een van ons eie lede se Klein dogters. Danika het vir ons die viool gespeel waarna Ulindi vir ons die Chello gespeel het. Beide instrumente is nie maklik nie maar die 2 Jong dames kan maar. Ons is trots op hulle talente en wens hulle alle sterkte toe vir die toekoms.

Daarna het Jeannie Slabbert vir ons vertel oor Julie maand se tak kompetisie: Kreatiewe verf op papier sonder kwas of pallet. Dames ons hoop die kreatiewe denke vloei en Dat ons sommer baie inskrywings ontvang.

Nog een van ons lede se kleinkinders het ons kennis kom verbreed rakende fotografie. Shannon Du Plooy het aan ons kom verduidelik hoe om hoë standaard fotos op ons fone te neem. Die dames kon self na vore gaan waar hulle fotos kon neem van objekte wat Shannon geplaas het. Waarna hulle raad kon vra. Ek is seker almal het iets geleer.

En natuurlik vir afsluiting is die dames bederf met heerlike Aartappel- en groentesop.

Dit was voorwaar 'n opwindende vergadering.

Dankie aan die Sameroepster en haar gasvrouens.

Prisma Groete