28/08/2026
At Attic Atelier✨
Drie sonderlinge stemme smee kragte en besing die bron van lewe, Asem, van hoek tot kant.
Digkuns, boekbekendstellings vir digkuns, vars toonsettings en oorspronklike musiek gekombineerd met passie, humor, deernis en liefde.
Petronel Baard bring die kuns van Stef Kruger en Hannes Visser meesterlik saam in 'n produksie wat nie alleen hulle digkuns en musiek deel nie, maar ook temas van "Asem" ondersoek in beide se werk en in Baard se eie toonsettings van onder andere Visser se werk.
Kom geniet 'n aand van keurig voorbereide kultuur, sang, woordkuns en musiek wanneer die Lang Vrou en haar vriende jou bekoor met egte harte en woorde vol Lewe.
Agtergrond:
Na die sukses van "Asemhaal" wat Petronel en Hannes Visser by die Prins Albert Leesfees in 2024 opgevoer het, "Verdubbel hulle nou die Geluk" (soos Petronel en Stef se jarelange vertoning bekendstaan) in "Asem".
Dié produksie is gebore by die opening van die eerste Despatch Boekmakietie en was so besonders dat hulle dit verder wil vat.
Al die emosies is teenwoordig, lekker lag, goeie huil en as jy jou piekniekmandjie en vriende bring, gaan dit nog 'n aand wees om te onthou by die lieflike Attic Atelier in George.
Bespreek hier of WhatsApp Petronel by 082 737 8416.
Kaartjies vanaf R200 en daar is kroeg fasiliteite beskikbaar.
Adem Asem saam met ons, so lank ons dit het om te lewe.
https://www.quicket.co.za/events/392044-asem/
Attic Atelier George Hannes Visser Stef Kruger Stef Kruger Fanpage Stef Kruger - DIE LEGENDE Verdubbel die Geluk Lang Vrou Produksies
