Wemmershoek Geloftefees

09/01/2026

'n Voorlaaier is ’n geweer wat, onder andere, tydens die Groot Trek gebruik is en wat by die bek van die loop gelaai is. Dit was die Voortrekkers se vernaamste wapen. Elke man het waarskynlik 'n voorlaaier of twee besit en daarsonder sou dit vir hom moeilik gewees het om te oorleef. Dit is nie net gebruik om vleis in die pot te sit nie, maar ook vir verdediging in tye van gevaar.

Benewens die standaard-enkelloopvoorlaaiers het sommige Voortrekkermans ook dubbelloopgewere gehad. Elke loop was met sy eie pan en vuursteen toegerus. Andries Pretorius het so ’n dubbelloopvoorlaaier besit en tydens die Slag van Bloedrivier gebruik. Hy word inderdaad met daardie geweer in sy hand as een van die vier hoekwagte van die Voortrekkermonument in Pretoria uitgebeeld.
Tydens die afgelope Wemmershoek Geloftefees, het verskeie mans en kinders, die geleentheid gekry om met voorlaaier gewere en pistole te skiet. Indien jy ook 'n kans wil staan om jou skoot af te trek, maak seker dat jy by 2026 se fees is.

18/12/2025

Musiek laat jou d**k, voel en onthou. Dit bring mense bymekaar. Om saam te sing skep ’n gevoel van samehorigheid — wat dan beter om dit in jou taal te doen. Net soos verlede jaar, het die Broers ons weer op die vooraand van Geloftedag laat verenig in ons taal.

17/12/2025

Die Afrikaanse Volkspele het in omstandighede en by geleenthede ontstaan waar gemeenskappe en gesinne gelukkig bymekaar was. Volkspele is ‘n uiting van blydskap. In dankbaarheid het Wemmershoek Geloftefees dan ook 15 Desember afgeskop met viering van ons kultuur. Baie dankie aan Tygerberg- en Brandwaglaer wat vir ons kom vertoon het.

15/12/2025

Prof. Dorothea van Zyl gaan die Gelofte vir ons voorlees.
Dorothea van Zyl het groot geword op Graaff-Reinet in die Oos-Kaap. Na skool studeer sy letterkunde aan die universiteite van Stellenbosch en Utrecht. Prof Dorothea van Zyl het doseer aan die Departement van Afrikaans en Nederlands by die Universiteit van Stellenbosch tot haar aftrede.
As voormalige direkteur van die Stellenbosch Woordfees, waarvan sy die stigter was, en die projek Woorde Open Wêrelde het sy ’n leidende rol gespeel in die bevordering van letterkunde, kuns en kultuur by skole, universiteite en in die gemeenskap. Sy was ook voorsitter van die Suider-Afrikaanse Vereniging vir Neerlandistiek wat noue samewerking tussen Suid-Afrika en die Nederlande bevorder.
Haar verdere betrokkenheid by taal en kultuur sluit ondere andere die Trust van die Anglo-Boereoorlog monument in die Paarl en die Sentrum vir Nederland en Vlaandere (SASNEV) in.
Deur haar akademiese loopbaan publiseer sy heelwat artikels. Een van die besondere eerbewyse wat sy vir haar werk ontvang is die ANV Nederlandiaprys in 2014
Deesdae, as emeritus professor, geniet sy haar aftrede saam met haar man prof Wium van Zyl, ook ’n afgetrede professor in Afrikaans en Nederlands maar tree steeds gereeld op as geleentheidspreker.

15/12/2025

Ontmoet Ds Faani Engelbrecht, prediker en sangleier van ons Geloftefees. Hy is gebore en getoë in Bellville. Matrikuleer in 1989 aan Hoërskool Bellville. Hy was Hoofleierswag in die Voortrekkers, Oom Vossie Kommando. Diensplig in die Suid-Afrikaanse Weermag Kerkkoor en Konsertgroep (Die Kanaries). Grade BA (Teologie), BA Hons (Ou Nabye Oosterse Studies) en BD. aan die US. Predikant in Hoopstad, Goodwoodpark en in Alg Sinodale Diens met opdrag Kerkmusiek, musiekuitgewer by Bybel-Media Kerkmusiek, NG KERK Uitgewers En Flam. Nou predikant in Melkbosstrand - fokus op gesinsbediening en musiek.

14/12/2025

15 Desember om 19:30
Kom leef ons kultuur
Inligting op aanlyn vorm
https://forms.gle/1EupykmPE7NtgeNu8
Kaartjies ook by hek beskikbaar
Bring kampstoele as jy wil, kosstalletjies beskikbaar
Bring warm klere en/of kombers, kan koel raak
'Sien jul spoedig...

14/12/2025

Met die Geloftedag-viering op Wemmershoek, Voortrekker kampterrein, word ons feesrede gelewer deur Daniël Lötter. Daniël Lötter is 'n Afrikaanse skrywer en akademikus. Hy is gebore op Fraserburg in die Noord-Kaap en het gematrikuleer aan Hoërskool Outeniqua in die Suid-Kaap. Na skool studeer hy in die teologie en raak betrokke in die Uitsaaiwese.

Hy werk as programopsteller, nuusredakteur en aktualiteitshoof by Suid-Kaap Stereo voor hy in 2000 oorsee verhuis. In Londen raak hy betrokke in die radio- en televisiebedryf. Hy werk ook in Nederland en Denemarke. Oorsee studeer hy ook verder.

In 2006 keer hy terug na Suid-Afrika en is sedertdien ’n Paarliet verbonde aan die TVET-kollege in die Kaapse wynlande as programbestuurder: Vaardigheidsontwikkelingsprogramme.

Sedert 1998 is Daniël betrokke by Arbeidsgenot en die Langehoven Gedenkfonds en vanaf 2022 ook by die Breytenbach Sentrum.

In 2020 verskyn sy eerste boek, ’n bundel sketse oor die Karoo en sy mense. Daarna volg 2 boeke oor opspraakwekkende moordsake, 3 boeke oor spoke, legendes en rare karakters en in 2024 verskyn Bloubloed,’n boek oor koninklikes met bande in Suid-Afrika.
Waar die lammers nie suip nie is ’n aangrypende verhaal wat afspeel in ’n afgeleë Karoo-plaasdorp en draai om die tragiese gebeure van die Kersnaweek van 1977, waar ’n gruwelike insident die gemeenskap diep skud

03/12/2025

15 Desember om 19:30
Inligting op aanlyn vorm
https://forms.gle/1EupykmPE7NtgeNu8

18/11/2025

14/11/2025

Kaapland Voortrekkers en AfriForum Wes-Kaap span weer saam om vanjaar die derde Wemmershoek Geloftefees in die Wes-Kaap aan te bied en jy word uitgenooi om saam met ons te kuier wanneer ons die Bloedrivier Gelofte onthou, herdenk en vier.

Waar: Wemmershoek Voortrekkerkampterrein buite die Paarl
Wanneer: 15-16 Desember 2025

Ander instansies neem ook deel en dra by tot ’n interessante program met iets vir die hele gesin. Dankie aan die volgende instansies wat betrokke is: Tygerberg en Brandwag Volkspelelaers en die Kanonniersvereniging van Suid-Afrika.

Die bekende Kaapse sangtrio, Die Broers, bied Maandagaand ’n opelugkonsert aan om ook Afrikaans 100 te vier. Dit beloof om ’n heerlike saamsing belewenis te wees.

Ons onthou
Wemmershoek Geloftefees-program

Maandag, 15 Desember
18:30 – 19:15 Volkspele
19:30 – 22:00 Opelug Afrifees met Die Broers – Kom vier jou kultuur met ‘n keurspel van Afrikaanse liedjies

Dinsdag, 16 Desember

09:00 Aankoms
09:30 Vooraf sang
10:00 Geloftediens: ds. Faani Engelbrecht
Voorhou van die Gelofte: Prof. Dorothea van Zyl
11:00 Feesrede: Daniël Lötter
11:45 Klipstapeling
12:15 Afvuur van kanon
12:30 Sweepslaandemonstrasie
* Kollekte tydens die diens is ten bate van die Wemmershoek-Geloftefeesfonds
** Bring gerus eie kampstoel vir Geloftediens

Na afloop van verrigtinge, verkeer gesellig onder die dennebome. Kosstalletjies sal beskikbaar wees tydens die Geloftefees.

Kom bly oor op Wemmershoek
Oorweeg gerus ’n lekker wegbreek met jou gesin. Bespreek ’n kamer op die Wemmershoek-kampterrein. Hier in die Boland tussen die berge wat Franschhoek en Paarl omring, waar Franse Hugenote gevestig het en Voortrekkers soos Piet Retief en Sarel Cilliers hul eerste lewensjare deurgebring het, kan jy onder die dennebome ontspan en laataand om ’n kampvuur kuier.

Koste:
Oornagpakket: R160 per persoon
 Oornag Maandagaand – selfversorgend (bring eie beddegoed)
 Toegang tot Maandag en Dinsdag se program
 Die Broers-opelugkonsert

Slegs Die Broers opelugkonsert: R80 per persoon

Geloftedag-verrigtinge: Gratis

Vir die doeleindes van logistieke reëlings en beplanning dui asseblief jou bywoning aan by die skakel en merk die gepaste opsie daarop. Skryf in by:

Ons onthou die Gelofte, kom vier saam! Kaapland Voortrekkers en AfriForum Wes-Kaap span weer saam om vanjaar die derde Wemmershoek Geloftefees in die Wes-Kaap aan te bied en jy word uitgenooi om saam met ons te kuier wanneer ons die Bloedrivier Gelofte onthou, herdenk en vier. Waar: Wemmershoek Voor...