01/06/2026
Follow the Baba Juju Confessions channel on WhatsApp: https://whatsapp.com/channel/0029VafjkIfGehEEXQldHW0m
Muna 2017 ndichishanda pane imwe company muGweru ndakasangana neumwe muchinda ainzi Tapera, we became friends zvekutosvika pakugara tese muimba imwechete. Tapera was a cool guy aive asina basa nezvakawanda. Hushamwari hwedu kwakasvika pachinhanho chekuti mkomana akatanga kundiudza ma secrets, makuriro ake aakaita kubva achizvarwa, mkomana aive akakurira munhamo, upenyu hwainge hwakaoma, sometimes aiti achitaura nhoroondo yake taizopedzisira tochema.
Inini ndaive nemisikanzwa chaiyo yemhando yepamusoro asi nekuda kwamkoma Tapera ndakachinja maitiro kunge Morgan, mkoma vaigara vachinditsiura especially panyaya dzechechete, wainzwa voti... "mfana wangu dzikama, zvenyika izvi hazviperi unongofa ukasiya zviripo"
Kurara mumba week yese kwaindinetsa, ndaitowana zuva rimwe kana maviri andairara ndisipo tozongosangana kubasa namkoma, zvechihure ndaiva ndoita kunge Thomas Chizhanje vakadzi vacho ndichinyurura mboma kunge Robert Junior.
Rimwe zuva Tapera akatanga kundirondedzera achiiti iye amai vake vakashaika ari mudiki uye baba vake haana kugara avaziva, aitaura zvakare achiti ane hanzvadzi yake yaimutevera asi aive asingazivi kwairi achiti parufu rwamai vavo hanzvadzi iyoyo yakatorwa neumwewo munhu asiri hama mushure mekunge vana sekuru varamba kumuchengeta vachiti haana utano uye hatigari nevana vechiChewa mumusha.
Iyewo aiti akazosara achichengetwa neshamwari yamama vake mushure mekunge vana sekuru varamba kumuchengeta nechikonzero chimwecho chekuti baba vavo vaibva Malawi. Shamwari yamai vake iya yakazoshaikawo Tapera ave grade 7, vanhu vakasara pamba paya vakazoti kuna Tapera.... " munhu aikuchengeta pano haasisipo, wochitongoona kuti wodii neupenyu hwako". Kubva ipapo mkomana akabva apinda munyika achizama kutsvaka kuti orarama sei kusvikawo azokura.............. "Yasaiva nyore kusvika pandiri pano, upenyu hwaive hwakaoma bamnn",.... wainzwa vodaro zvavo mkoma, ipapo waibva waziva kuti mashoko ari kutevera inhoroondo nerairo dzemazvirokwazvo.
Umwe musi ndakazodirwa mbama zvekutorasa mweya namkoma mushure mekunge ndatambira mari ndokutengera chimwe chisikana chandaidanana nacho phone. Hameno kuti mkoma vakaiwana sei phone iyoyo pandaive ndakaiviga pamwe nemaruva , ndakati ndichipinda mumba ndikanzwa zvonzi.... " mama wakavatumira mari yesugar here zvawava kutengera ana Sophia maphone", nguva idzodzo ziso rangu rakamhanya nemba yose ndokusanganidzana nephone iya pamwe nemaruva zviri pamugomo pamusoro pacho paine ka note kaive kakanzi... "Sophie i love you like a banana without makanda".
Mkoma havana kuzondipa nguva yekubatanidza vakabva vatondikwapaidza vachiti...... " dai amai vangu inini vari vapenyu ndichivaitira madanha". Handina kutsamwa nazvo nekuti ndaiziva zvaishuvirwa namkoma mukati meupenyu hwangu.
Takazoti tave muna August mkoma vakadeposita stand yavo muGweru imomo ndokuzoipedzisa mwedzi waitevera vachiti... "mfana wangu handidi vana vandichazvara vagozorarama upenyu hwandakararama, rega ndimbovagadzirira nhaka".
Kuzobvawo ipapo imba yakabva yatanga kuvakwa zvishoma nezvishoma, iniwo nekusaziva sometimes ndaitoseka mkoma ndichiti... munotanga kuvaka imba musina kana bhebhi one zvaro.
Muna November mkoma vakabva vajumha mari mushure mekunge vabuda vari off kuenda kumakomba. Mari yavakawana ikoko yakakwanisa kupedza imba yavo pachizosarawo zvidiki diki asi yainge yotogarika zvekuti takabva tatobuda mumba matairoja kuenda kunogara ikoko.
Kubva zvatatanga kugara muimba iyoyo mkoma vaimuka keseni vachirondedzera hope dzakasiyana siyana, sometimes ndaizovamutsa vachiita noise vari kuhope, rimwe zuva mushure mekuvamutsa vakabva vagara vakazembera headboard zvikanzi... "thanx bamnn dai usipo ndaifira kuhope chete, imba iyoyi yatoisa upenyu hwangu pakaoma, ndiri kurota vanhu vachindirwisa". Ndakabvunza mkoma ndikati... "vanhu vacho ndivanani chaizvo", mkoma vakamboramba kutaura asi vakazopedzisira vandiudza kuti.. "ndiri kurota sekuru vachiti ndipe mapaper eimba iyoyo"
Zvinhu zvacho zvinorwadza kurondedzera, pasina kana mwedzi mitatu mkoma vakabva vatanga kurwara zvekusaziva kuti vairwara nei. Semunhu akatanga kurwara ari pabasa vakabva vamhanyiswa ku hospital,asi inini semunhu aiziva zvaiitika, kuenda kuchipatara kwaive kupedza nguva, zvamukoma zvaitoda chivanhu kana kuti chechi.
Manager wekubasa kwedu akazonditi... "hona mwanangu, iwe ndiwe unoziva nezva Tapera, hurwere uhu hwave kuda hama dzake chaidzo isu vatorwa hatingazvigoni pari kuda chivanhu apa".
Iniwo semunhu aibata paimbotaura mkoma Tapera nhoroondo dzavo ndakabva ndaudza manager kuti ndinokwanisa kuenda kwaMurehwa kumba kwasekuru vamkoma. Ndinopa kuenda kuna mdhara Makanje, vakabudisa mari muhomwe mavo kuti ndikwire kuenda nekudzoka kwaMurewa kuya. Zvechokwadi ndakapinda mubhazi ndokuenda, ndaburuka ikoko ndakatangawo kubvunza ma directions kusvika ndasvika pamba.
Ndakashamiswa nezvandakaona ipapo, pamba pacho pairatidza kuti hapadyiwe junk, paive pakavakwa zvemhando yepamusoro, paine zvirugwi pachiitwa ma projects akasiyana siyana. Ndichifamba kuenda kuchivanze ndakadeedzera tisvikewo kanenge katatu asi handina akadaira zvisinei nekuti sekuru vaTapera vaive vagere havo pamumvuri vakanditarisa vachinwa tea yavo. Ndakazvisimbisa ndikati pamwe havanzwe ndokuramba ndichifamba.
Ndakasvika ndokutumba ndichikwazisa sekuru ziso rangu riri kundiro yaive izera chiropa. Sekuru vaya vakabva vandidzvokora neziso raityisa ndikanzwa voti.... "saka iwe ndiwe wakangwara zvekuuya pano kuzondiudza nezvaTapera?", sekuri vaya vakasimuka ndokufamba vachipinda mumba ndokudzoka ikoko vakabata katsvimbo nechova, ndichona izvi ndakatya, pfungwa dzangu dzichiti chava chii chakuitika. Sukuru vakabva vagara pacheya yavo ndokunditendeka netsvimbo iya ndikambonzwa dzangu, ndakasimuka ndichida kutiza wanikwe makumbo haasisina simba. Nezwi riri pasi pasi ndakanzwa sekuru voti.... "kana une hanya neupenyu hwako buda mukati menyaya dzaTapera". Nguva idzodzo vakabva vandisikiza nechova ndokuzonzwa voti.... "ndokunzwira urombo, kana ndada zvangu unodzokera Gweru njere dzadambuka".
Nguva idzodzo ndaiva ndati ziii ndichinyatsonzwa kuti apa ndasvika pamuzinda chaiwo wevanhu vanoshereketa. Ndakabva ndanzi... "simuka ubude mumusha mangu, handidi kukuona pano zvekare"
Ndakabva ndangoti kwanyanu ndokutanga kumhanya ndichibuda gedhi, ndakatanga kufamba ndakananga kuroad kwaikwirwa motikari, ndiri munzira muya ndakabva ndaona umwe mkomana aiva agere zvake akafudza zvipfuwo, ndave kupfuura paari akabva atanga kurira nendimi, ndakamira ndakamutarisa ndichiti pamwe ari kuita majokes. Pandakaona oyerera misodzi ndakabva ndave nechokwadi nezvaiitika. Achipedza ndimi dziya ndakanzwa oti..... "mondiregerera zvishoma baba, ndiri kuona muchifamba makananga nzvimbo ye Midlands ndichireva Gweru" ndakabva ndagutsurira musoro ndikati... "hongu"
"Ndiri kuoneswa hurwere, ndabvunza baba ndikati sei, atadzeiko mwana uyo". Mkomana uya akabva amboti ziii ndokuzonzwa oti... regai ndikuitirei munyengetero baba, mugone kusvika kwamuri kuenda nyama nemweya zviri pamwe nekuti ndiri kuona njodzi mkati memugwagwa, ndiri kuona makatakudzwa mhepo irorema"
Munamato uchipedza kuitwa ndakabva ndaisawo michinjikwa mitatu, ndave kufamba kubva pamukomana uya ndakanzwa oti..." ndine hurombo".
Ndakamira ndokumubvunza kuti... "muchirevei mambo wangu" zvikanzi.... "chitori chiporofita chakazara ichocho"
Ndakazobva ipapo pfungwa dzangu dzaremerwa, ndaive ndisingazvibvumi kuti mkoma Tapera vangave vatoshaika, Ndichisvika pa road ndakabva ndakwira truck raienda Bulawawo. Ndakatanga kubaya phone yangu ndichizama kutsvaka zvingandivaraidza, nguva idzodzo ndakabva ndatanga kufunga hanzvadzi yamkoma Tapera ndichiti kana kuri kuti mkoma vashaya or kuti vazoshaya, hanzvadzi yavo ichaziva sei.
Semunhu aive pa Facebook imwe pfungwa yakanditi imbomutsvaka pamwe unomuwana, ndakabva ndasecha zita randakambonzwa namkoma pachibva pabuda vanhu hobho vaishandisa zita iroro zvese ne surname, ndakatanga kubaya ma profile dzimare ndisvike pane umwe wandakaona kuti chero zvodii uyu ndiye chete.
Ndakabva ndokanda massage ndokutodairwa, takatanga kutaura ndichimubvunza kana aiziva munhu anonzi Tapera Anthony Mwale. Musikana uya akabva apindura achiti... "Yes he is my brother", akabva atanga kurondedzerawo zvaaiziva panhoroondo yeupenyu hwavo. Zvisina kupedza nguva ndakabva ndatomuudza ipapo ipapo kuti mkoma Tapera vaive panhovo.
She didn't believe it ndakanzwa oti... "mwana wamai vangu wati ndidiiko chaizvo, makore mangani ndichikutsvaga, zvino ndokuwaniswa nekuda kwehurwere here? ", achipedza kudemba ndakanzwa oti... "chindipai number dzenyu tikwanise kutaura zvakanaka, kana ndikafamba mushe mangwana kuseni ndinenge ndasvika". Ndakabva ndamupa # dzangu ndokutanga kutaura paWhatsapp. Ndakazosara ndosvika Gweru iye ave kutodarika Polokwane.
Gweru kuya ndakawana dzangova nyaya, mkoma Tapera vaive vatoshaika , Manager Makanje semunhu wandaive ndapa feedback aive angomirira kudzoka kwangu asi iye haana kumbondiudza kuti mkomana ainge atotisiya.
"Hero basa mwanangu mkoma wako azorora, manje nezvawakanosangana nazvo uko handizivi kuti toita sei?", vanodaro Mr Makanje vachiratidza kupererwa.
"Regai timirire Angelica ndinofungidzira kuti atova pa border kutaura kuno, ari kubva South Africa"
"Angelica ndiani?"
Nguva yandakaudza Mr Makanje kuti Angelica ihanzvadzi yaTapera shasha yakatura befu kunge munhu adzurwa chitsinga, ndakanzwa voti... "at least"
Kunze koedza ndakanzwa phone yangu yarira, Angelica aive asvika mutown, ndakabva ndamusendera location ndokuchovha mota akananga kumba, ndakazonzwa bhero rorira shasha yaiva yatomira pagedhi, pamba taingove vashoma shoma nemamwe machinda ekubasa. Hongu taichema mkoma Tapera asi izvozvo hazvikutadzisi kuona chakanaka, body viewing dzaiitwa ne team rekubasa kwangu ndakanyatsoona kuti zvavari kuona ndizvo zvandiri kuonawo, Angelica ne friend yake vainge vakatakura kurema.
Inini ndaive ndatove part of the family takatorana nevasikana ndokuenda parutivi ndokutanga kuzuwa nyaya dzose kubva pazvakatanga kusvika ndizoenda kwaMurewa nezvakanoitika ikoko. Ndichipedza kutsanangura ndakabva ndabvunza Ange kuti... "zvino toita sei nemamiriro akaita nyaya, zvanga zvakadii titenge guva toradzika mkomana ozorora zvake torega kunetsana nezvakawanda". Angelica akabva aseka zvake ndikanzwa oti... "mkomana anoradzikwa kwaMurewa kumba kwasekuru, zvese zvavari kutaura ndezvekupenga, sekuru vakajaidzwa manje this time vairasa, munhu wavauraya uyu vachimuuraira imba yeke, guva tiri kuzonorichera pachivanze pavo chaipo"
Ndakambozama kuonesa musikana but airatidza kusatya zvachose. Musi iwowo ndakazoswera ndichifamba ne girls tichigadzirisa paperwork.
Takazobuda mutown zvinhu zvese zvarongeka, mota inotakura chitunha yaive yatovapo, takarara ndokuzofuma kuseni mota dzoenda kwaMurewa. Takazosvika kuya zuva rorereka. Sekuru vakashamiswa vachiona mota dzichipinda mumusha nechitunha, Angelica ndiye aive mberi ne Benz yake.
Sekuru vakambozama kumira pakati penzira vachi blocker mota asi Angelica akaramba kukwatiswa, ndakaona musikana owedzera mafuta akananga sekuru vake, kule pavakaona kuti hapasi kuitwa zvekuseka vakabva vasvetuka vachipinda mumunda ukuwo mota dzakabva dzatopinda muchivanze zvine style.
Mabudiro akaita Angelica mumota aiita kunge presidential guard, ukuwo friend yake yaive padivi isinganyenami vachipa vakomana ma sign ekuti coffin ngaribudiswe ripinde mu kitchen.
Vakomana vekubasa vaive vatochaja kudhara, serious yaive ne girls yaida kungotevedzera chete. . Mbuya va Tapera vakabva vamira pa door vachiti "hapana bhokisi rinopinda mumba mangu", ndakazongonzwa voridza mhere vachimuka kubhenji kwavaive vawira, vainge varegedzerwa mbama neumwe muchinda aive supervisor wedu.
Coffin richiiswa seri kwegoni sekuru vaTapera vaibuda ku bedroom vari bara vakabata katsvimbo kavo nechova uku mumusoro vaune ngundu vachiita kunge sekuru Tasvu.
Angelica achivaona akabva aseka zvikanzi... "kwete nhasi sekuru imbomirai drama"
Kule vakabva vatanga kupopota vachiti..." mwana waVongai usade kundiyedza masimba unofa usina kurwara", nguva idzodzo ndakanzwa friend ya Angelica yobvunza ichiti... "what is he saying". Angelica akabva amuudza nechirungu zvaitaurwa nasekuru.
Ayanda paakangonzwa kuti witchcraft ndakanzwa oridza tsamwa achivhara sekuru nembama ndikaona kule vachidonha dzibwa rakasviba kuti ndooo dzibwa rebute.
Mbuya vaive vamira kugedhi vachiita pamba pavo pekudongorera kunge pari kubviswa chikwambo natsikamutanda. Sekuru vari muvhu kudaro vakazama kusimudza tsvimbo yavo kutendeka Ayanda asi hapana chakaitika
Angelica akabva atanga kuseka ukuwo Ayanda aipa sekuru sign iya yekwa John Cena achindeyesa ruoko kumeso kwake, achipedza kudoro akabva awira sekuru negokora pachifuva. Mbuya vachiona izvi vakabva varidza mhere vachidzika nemukoto vachiti... "murume wangu ouraiwa", ukuwo sekuru vaive vongogomera vachiti.... "chiregai kudero vazukuru munondiuraya", Angelica aitosheedzera zvake kuti.... "ifai hamuna basa, mwana wamauraya anga ane mhosva yei, makatiramba pakafa mama asi nhasi uno morwadziwa nezvidoko zvatawanawo"
Nguva diki diki vanhu vaive vazara pamba vachida kunzwisisa kuti chii chiri kuitika, vamwe vevanhu vaivepo aive sekuru munin'ina waKule vaTapera pamwe nemhuri yake.
Ndakazonzwa umwe mkomana osheedzera kuti.... " mdhara taimbokuudzai kuti tiri kubata imimi matiri kufamba umu, mukatimhan'arira kwavashe muchiti ndapumhiwa huroyi, konhasi zvomotakwa kudai nemuzukuru mukai munomhan'ara tione"
Munin'ina wasekuru aive akati ziii zvake ndokuzoona odana Angelica parutivi hameno zvavakataurirana ikoko. Sekuru vaTapera kuti vamuke pavaive zvainge zvotorema, munin'ina wavo ndiye akatozochingamidza vanhu vainge vazara pamba achivaudza kuti.... "pano pamusha tatove nemariro, mwana waVongai uya Tapera akashaika atouya arimo mumba umo"
Sekuru vakazosimudzwa vonogadzikwa mumba mavo vachitadza kana kumira. Pasina nguva takaona pamba pasvika mota yaive tinted ndokubuda machinda four. Nguva idzodzo ndakaona vanhu ve village vachikwenyana kuchingonzi.... "vakomana vauya, pano pakutoita hondo"
Vainge vari vana vasekuru vaive vafonerwa nagogo vachiziviswa kuti mumusha maita mabhinya.
Shasha dzakabuda dzichizvikakata, ndokunzwa umwe oti... "Ari kupi Angelica, iwe usada kutijairira wanzwa, endai munonetsa kumusha kwenyu kuMalawi" Angelica akaramba akati ziii zvake , akabva afamba ndokuzevezera Ayanda, ndokuzoona Ayanda ofamba kuenda kumota.
Asvika kumota kuya akabva avhura madoor kwakubva agara zveke, hatina kuziva kuti vaive varonga kuti kudii.
To be continued
