Genade Gawe

19/04/2025

29/01/2025

Hierdie tyd van die jaar is hierdie twee weke vir my die moeilikste want dis die week wat my pa verjaar en presies n week daarna oorlede is.
Hy sou Vrydag 51 geraak het..
Die res van die jaar is ook moeilik want dis nog n kleinkind se verjaarsdag wat verby gaan, nog n Vadersdag, nog n Kersfees nog n nuwe mylpaal..

Tyd is vir niemand belowe nie.
Só maak seker jy gee genoeg aandag, lag een of tweekeer te veel, neem elke oomblik van die natuur, soos die reuk van reën, Vars gesnyde gras of hout op die vuur, in.
Lê en kyk na die ritme van 'n geliefde se asemhaling of staar na die kunswerk wat jou kind is. Stop alles wat jy doen wanneer daai handjie aan jou klere trek of jy 'n miljoenkeer mamma Mamma Mamma Mamma hoor. Neem dit in al is dit vir jou so klein en sinneloos, neem dit net in. Wees present..

Ons is so gou om te sê dat tyd en liefde verniet is, maar dan bestee ons dit in onnodighede dinge. Wat dit dan eintlik maar baie duur maak..
Tyd is eintlik duur.. want jy het net soveel daarvan en jy het geen idee wanneer daardie uurglas gaan uitloop nie.

Boonop al hierdie, leef in eindelose dankbaarheid dat jy wel tyd het om al hierdie dinge te kan doen.

Tyd
Jou ure voel soos dae
wanneer dit aansienlik moeilik gaan
Of is soms net té kort
Wanneer ons sperdatums moet haal
Jy vlieg weer wanneer
geniet is op die spel
Jy sloer kruip om
wanneer ons in vergadering sit en sekondes af tel
Jy hou 'n resies
wanneer ons rustig om 'n vuur sit en reminisce
Of as ons uit eindelik 'n bietjie stop en kyk na ons kinders, nou groot, en ons hulle klein mis
Jy hardloop soms vir ons té gou uit
op 'n geliefde of kennis
En laat ons weer in ons voetstappe stop
En fokus op dit wat werklik belangrik is
God is genadig en gee jou verniet
Maar in werklikheid is jy maar eintlik prysloos en peperduur

Liewe Here

Dankie dat ons kon opstaan en asemhaal om nog n dag die voorreg te hê om ons voetspore op aarde te los. Mag ons elke druppel van tyd goed bestee. Mag ons stop om dinge, mense en die natuur om ons te bewonder. Mag ons in oorvloed tyd in ons kinders en ons mense druk. En opreg dankbaar wees vir alles wat U uit genade vir ons gee.
Ons vra hierdie dinge nie omdat ons dit verdien nie, maar slegs uit n groot en heilige naam
Amen

14/01/2025

Dis die begin van ons nuwe jaar en party van ons is dalk optimisties en ander pesimisties, want dis alles van voor af.. Na gister se vergaderings en die loer na die jaarprogram voel van ons ons kort alweer vakansie.. My eie glas is darem half vol en nie half leeg nie. Alle grappies op ‘n stokkie..

Ons almal het gisteraand ons alarm gestel met die gedagte dat ons gaan opstaan…
Dit kan soms as hoop gesien word, maar meeste van ons verwag more oggend gaan daardie alarm af, vroeg.. en dan sug ons om op te staan en ons reg te kry vir die dag.

Ons vergeet sooo gou dat ons onverdiend nog ‘n jaar, nog ‘n maand, nog ‘n dag kry van die Here af.
Hierdie dinge word so vinnig as vanselfsprekend gesien- soos om
Om op te staan
Te loop na jou badkamer met bene wat werk
Die ketel te kan aansit met hande wat werk
Jou kinders wakker te maak wat gesond is
Jou middagete te pak want jy kan dit nog in Januworry bekostig
Jou vrou te help goed dra na haar kar of die kar te kan uittrek want jy het 4 wiele om van A na B te kom
En vele ander dinge

Toe ek in die hospitaal was met breinvliesontsteking het die woorde "I get to" verskriklik uitgestaan.
En van daar af probeer ek elke liewe dag so opstaan.
I get to wake up and take a breath
I get to wake up my loved ones
I get to go to work
I get to mark books
I get to drive home safely
I get to clean my house
I get to experience adventures or spend time with loved ones, friends and family
I get to....

Wanneer ons kies om só na dinge kyk is ons konstant dankbaar en ervaar mens al hierdie basiese dinge vir die seëninge wat dit werklik is. Mens voel gelukkiger en vervul om elke takie te verrig.
Tyd is nie vir ons belowe nie, ons word slegs herinner dat God ons genadig is en vir ons hierdie tyd op aarde leen.
Ek onthou nog, net toe ek net begin werk het, het Meneer Wepener een oggend iets in die personeelkamer gesê wat my oë laat rek het en my yskoud gelos het..
“Jy sal nooit ooit weer so jonk wees soos wat jy vandag is nie..”

Maak seker dat jy elke oomblik en druppel van tyd in dankbaarheid leef.. en dat jy eintlik werklik moeite doen om te "leef"
Jy weet nooit wanneer jou lewenskaart se limiet oorskry word en dit gaan "decline" nie.
Die belangrikste van alles is dat jy ook só na aan God lewe dat dit jou onsterflik gaan maak, jou liggaam gaan dalk dood, maar jou siel hou aan voortleef in die hemel.

Ek het ‘n kort gediggie geskryf vir 2025:

Mag ons in 2025 alles vier
Mag ons lag, dans en speel
Vergeet van alles materialisties en duur
Mag ons minder op sosiale media wees
En meer sosiaal
Vergeet van ons foon
En fisies sit en inneem elke mylpaal
Mag ons meer tyd he vir ander, insluitende onsself
Mag ons meer avonture tussen lyne lees
En braaf genoeg wees om ván dit uit te leef
Mag ons terugkeer na God en Hom loof en prys
Mag ons meer gesprekke met Hom voer
Mag ons vra dat Hy ons die pad wys
Mag ons struikelblokke gebruik om 'n sterk fondament te bou
Mag ons drukkies van ander net ekstra bietjie langer hou
Mag ons alles vanselfsprekend, deur nuwe oë sien
En besef dat dit net geleen is, en nie noodwendig wat ons verdien
Mag 2025 ons jaar wees
Waar ons groei in alle aspekte van die lewe en ook in gees

Dis jou keuse hoe jy na die begin van 2025 kyk
Ughhh, 'n nuwe jaar alles van voor af.
Of Wow, 'n nuwe jaar met alles van vooraf en soveel geleenthede wat wag

Liewe Here

Baie dankie dat ons vanoggend kon opstaan, dat ons asemhaal dat ons die voorreg het om al hierdie dinge wat ons so vanselfsprekend vat te kan doen.
Here, gee ons nuwe oë om in dankbaarheid alles om ons te kan raaksien.
Liewe Heer, ons vra ook dat U ons asseblief vurige passievolle krag en energie sal gee om 2025 ons jaar te maak.
Gee ons wysheid en leiding om ook so goeie rolmodelle vir die kinders te wees asook geduld om met moeilike ouers te werk.
Ons is so ongelooflik dankbaar vir alles wat U vir ons doen.
Ons vra hierdie dinge nie omdat ons dit verdien nie maar enkel en alleen uit U genade.
Amen

05/12/2024

Soms voel ons ons ouers het ons skade aangedoen
Soveel dinge verkeerd
Soveel dinge wat hulle kon verbeter
Maar ons kyk uit 'n "jy is my superhero" oogpunt
En vergeet hulle is net mens
Ons vergeet dat meeste van hulle deel van hulle kinder lewe spandeer het om ons te leer ken
En ja, ons het nie gevra om hier te wees nie, God het besluit
Maar nes ons groot geraak het, moes hulle ook
Niemand word met 'n manual gebore nie..
En soms d**k ons jis, as ons groot is gaan ons hulle foute vermy.. maar elkeen is anders
Elke kind is uniek
My eerste reël vir Liam werk definitief nie met sussie nie.
Ons moet leer om steeds deur superhero goggles te kyk.. nes ons moet glo soos 'n kind
My hart breek vir wanneer die laaste "raas" in Liampie se oë verander in haat.. of swaar gevoelens..
Wanneer hy vergeet en dit verloor om soos 'n kind te vergewe.. ❤️
Ek probeer my bes met wat ek het en nou juis en nou eers verstaan ek my ouers en hulle dinge so goed. Nou is ek dankbaar, nou is ek van voor af onvoorwaardelik lief

27/11/2024

Ek was vanoggend die skottelgoed vir die miljoenste keer.. Maar hierdiekeer dankbaar. Nie net het ek dit om te was en só baie nie, want my huis is vol asems❤️ Maar dit het my weer maak besef dat nes hierdie bakkie al 100de kere vuil was en ek dit weer skoon moes maak.. So is dit ook met die Here. Elke keer is ons skoon en dan maak sekere dinge wat ons doen ons weer vuil of selfs wanneer ons gebruik word dat ons moeg en vuil word.. Sal die Here elke keer geduldig en vol liefde, ons van kop tot toon weer skoon was ❤️

16/11/2024

Dankbaarheid maak 'n bitter situasie soet proe. Gryp jou lepel dankbaarheid en voeg dit by jou situasie

14/11/2024

Die waarskynlikheid dat almal sal verstaan wat ek bedoel is een tot 'n miljoen. En alhoewel ek ged**k het ek hierdie kan doen en die uitkoms kan maak vlam vat.. het ek net weer besef. Hoe en wat ek d**k nie vir almal is nie. En só ook het die Here ons elkeen spesiaal gemaak, het ons elkeen gelos het met talente. Iets dieper wat net sekere mense sal agterkom wanneer hul nés met die Bybel, moeite sal doen om die betekenis te soek.

My woorde is as volg, maar my definisie is:
Soos die ritme van ons hartklop op en af loop
So volg ons die Here.
Soms van die pad, soms weer op
Maar die een wat die begeer, wie die Here op die ou einde volg..Bereik só die hemel