Ek het op 'n plaas groot geword in die Delareyville distrik. Ek is 'n opgewekte en vrolike mens, omdat ek glo en weet dat ek deur enige moeilike omstandighede deur 'n Hoër Hand opgetel en gedra word. Daarom is Jesaja 40 : 31 my elke dag se bestaans vers. "Die wat op die Here vertrou, kry nuwe krag. Hulle hardloop en raak nie moeg nie. Hulle loop en raak nie afgemat nie". Elke skildery word opgedra
aan my Skepper, omdat Hy my met 'n talent geseën het wat ek elke keer gebruik om my liefde vir kinders en diere op skilderdoek uit te beeld. Daarom dan die arend en hart op my logo, Annemie's Art from the heart. 'n Arend vlieg hoog, ver bo die storms van die lewe en elke skildery doen ek met 'n passie en liefde uit my hart. Ek doen ook graag portretstudies en ander op aanvraag. Ek leef my uit in my skilderwerk, omdat ek my geheel en al oorgee aan elke skildery wat ek doen en elke oomblik daarvan geniet. Ek loof die Here vir die talent en geleentheid wat Hy my gegee het om dit wat vir my lekker is, met oorgawe te kan doen.
