Vumbalegusha

03/05/2021

Le mfundo enomsila isebenzela abatheni kanti?
Ngabatheni aba bame ezindleleni baphethe ama(cardboard)anombhalo othi"help me to find a job I'm the graduate of..."
Kambe abanye babizelwa ezikolweni bazokhuthaza abafundi
Basuke babenyembezana kuba abayazi ukuba bazothi ibaluleke ngantoni imfundo
Kuba nabo bafunde bade bayityekeza kodwa bajika nelanga akho msebenzi bawufumanayo

28/02/2021

Intlungu endityayo ayincedwa nangumthandazo💔💔

18/04/2020

Nal'ubambo lwam

Ntliziyo yam nank'ugxa wakho
Lena inzwakazi nzolala kunye ngengubo yothando kude kuyovalwa
Sithandwa sam nzokubethela intaka ekushiyayo ecula kamnandi ecul'ingoma yothando

Chim chosi ndimfumen'umlingani
Kudala ndihlatywa ngamagade
Kula mageduka ndifunana nothando
Xa kuthwa"iyakuze ine nasentlango"akuxokwa

Ebendiphandlile ndimfumene
Qho xa ndimbona ndimncumela ngolo ncumo lika nokutsho
Sithandwa Sam phakamisa isandla sasekunene phambili kwale ntyhikityha yabantu bakubone kuba ndine gugu neqhayiya kuba ndiyazidla ngawe

10/01/2020

Namhlanje kuzalwa uVumbalegusha
Happy birthday to me

01/01/2020

Happy new year kuninonke niwonwabele lo nyaka uyokozela iintsikelelo ezihamba namathamsanqa

03/12/2019

25/07/2019

NDIM'OZAZIYO

Lona umzimba ubhondibhondi
Ugcwel'iizivubeko ngeziivubeko zeentlungu
Ukufixiza noku xhwininikaya
Amehlo abenyembezana mhla namalanga yinto yam leyo
Iingxaki zam ndizithwele ngesifuba
Ndizibhutyubhutyuza ngokwam
Ndibe yintlinini ndizivalele kwelo nqugwala ndihlala kulo
Xa ndisezimokolweni ibangathi ziyandibona ziyangokongezeleleka
Xa ndibhaqwe ngabantwana ndisikha kwiinyembezi zabo ndiye ndizibone ndimayamayaza ndifike ndiyebeyebeza ndizulisa

NDIM'OZAZIYO
Ndisola ukungabikho sihle
Esasandla sasiqhawula inkabi kamama
Mhla ndandibelekwa kuba
Kwasona sasithwele iingxaki de sanqoma mna lo mhla ndandikhala ndigaleleka kulo mhlaba unengxaki zawo nengxingongowo

NDIM'OZAZIYO
Ndinguzazi yedwa ndityatyulwa ziingcinga
Ziyandingcikiva zindithele chu ukundiphicotha
Ezentsokolo ziyandongamela zingumqobo endleleni
Ziintsolo ngentsolo ziyandisolisa
Neliso endilozela ngalo linesisolo kodwa alinasisombululo sisulungekileyo
Qha intliziyo iy'iqhaqheka ziingcika zobuhlungu
Ikrazukile idlaka-dlaka ilidlavu
Negazi alisahambi kakuhle emzimbeni
Kuba le ntliziyo ayisenzi msebenzi wayo
Yayekayo yajika yaba sisilonda esigcwele ububofu
Kuba ithwixwa ziingxaki ngeengxaki

NDIM'OZAZIYO
Inene ndakuyicel'ivuthiwe nangona ndingayazi ukuba ndakuliphiwa nguban'ichiza lo kunyanga le ntlungu
Kuba ndililolo
Akwaba lo wayendizele wayelidlolo
Ngendiyingudluma ngoku apho ndandisuka khona
Kuba ngoku kwilizwe lo konwaba
Ndiyintseng'ibhekwa ndibambele abo basaqhayisayo basadlalisa ngeentlungu
Kuba befuna ukuva le nto kuthwa yintlungu ukuba injani incasa yayo
NDIM'OZAZIYO

03/07/2019

Ndingumoni ndibizeleni abakwantsasana

Ndisisaphula mthetho kuba
Umthetho ndiwophulile
Ndamthembisa ndathi ndakufa naye
Kanti ndithi ndifuna ukumshwama ogqiba ndithi chasi ndixel'ithamsanqa
Ndatsalwa kukumila kuye kanti
Ndimnyolukele ndifuna nje ukumkhukhuza ohlutha kwam nguye ndimjonge nje
Athi endililela ndibe ndisithi
Ndakhuliswa ngentlonipho xa ndihluthi
icephe kwakuthwa mandilibeke entla

Ndibizeleni abakwantsasana
Ndimoshile ndithathe ubuntombi bakhe
Ndamnika ubujose ogqiba ndathi chase
Ndamshiya nesimokamoka ogqiba ndajonga kude
Ndathi"ayi ndim ndedwa ebetyela kwesasitya simdaka kutheni kusithwa singcoliswe ndim nje?"
Wayesithi endililela ndithi"awuliligazi ulil'amanz'anetyiwa"

Ndisisophula mthetho ndibizeleni abakwantsasana
Kunzima eyosondlo andiyazi
Eyokophul'ibele zange bayinuke
Kodwa wona umntwana
Ngumceph'ucandiwe ucandelw'ekhaya
Nalapho zange ndidinge mazwi
Kuba ndathi wonke umntu uyafana
umntwana wayephela kubhinty'ingcinga zimngcikiva wade wasithath'isigqibo
Sokuba makahlangane nentambo
Phambili kokuba azibulale washiya incwadi ethi"dear Aphiwe umntwana ngowakho inokuba uzalihoya xa ndingekho secaleni kwakho emveni kwento eninzi endiphulukene nayo ngenxa yakho iphupha lam lobuGqirha latshabalala mhla senz'umntwana"
Ndibizeleni abakwantsasana bazondibamba kuba ndisisaphula mthetho

28/06/2019

Ungaphoswa ngulo mdyadala ungaka