28/07/2023
Makgarebe🧍♀️
Le botse le bo tsogela masogana,
Ba go lebelela ga ba sa supa,
Dikobo le a swanela eke dirokwetswe mmeleng,
Nko ke lenono ya senoinoi.
O sepela boka khudu,
O benyabenya boka naledi marung,
Wena senoinoi,
O bjale ka phikoko,
Nonyana ya go kganya mebala.
O mmasebotsana makgarebe,
Wena lekgarebe,
Wena mosetsana,
Wena mme,
Wena motswadi,
Moswara thipa ka la bogale.
Wena mo laitetsa leswiswi,
O se gadimisa lapa,
Ka wena lefase le a duma,
Ina la gago ke gold and silver
Segadimela lefase.
Lena makgarebe.
