Hessekwa Jeug Musiekfees

16/06/2026

Jeugdag 2026

Vandag vier ons die krag en potensiaal van ons jongmense. Jeugdag herinner ons daaraan dat jongmense nie net die leiers van môre is nie, maar reeds vandag 'n verskil maak in hul gemeenskappe.

As Hessekwa Jeugmusiekfees is ons trots daarop om in jongmense te belê en geleenthede vir groei en ontwikkeling te skep. Hierdie jaar het ons 'n waardevolle vennootskap met Artscape Theatre Centre gevorm en jongmense die geleentheid gebied om die Loopbaandag by te woon. Hier kon hulle meer leer oor die kreatiewe bedryf en die verskeie loopbaanmoontlikhede wat die kunste bied.

Ons glo dat blootstelling, opleiding en inspirasie die sleutel is om drome in werklikheid te omskep. Mag elke jongmens vandag weet dat hul stem saak maak, hul talente waardevol is en hul toekoms vol moontlikhede is.

Gelukkige Jeugdag aan al ons jongmense! Hou aan droom, leer en streef na groter hoogtes. Die toekoms behoort aan julle.

🌟🎶✨

05/06/2026

Artscape se eerste Loopbaandag:

Verken Jou Toekoms in die Kreatiewe Bedryf. Artscape nooi jeugdiges uit om die opwindende loopbaanmoontlikhede te ontdek wat teater tot lewe bring – van uitvoerende kunste en verhoogbestuur tot beligting, klank, bemarking en kunsadministrasie.

Hierdie Loopbaandag vorm deel van Artscape se 55ste bestaansjaarvieringe en weerspieël hul sterk verbintenis tot jeugontwikkeling. Dit eer ook 'n kragtige nalatenskap. Terwyl ons nader beweeg aan Jeugdag op 16 Junie en die 50ste herdenking van die 1976-Soweto-opstand, word ons herinner aan die jongmense van daardie generasie wat opgestaan het vir gelyke geleenthede en die reg op onderwys.

Vandag dra ons daardie gees voort – vir die jeug van 1976 én vir die jeug van vandag.
Ons is trots daarop dat Artscape een van die Hessekwa Jeugmusiekfees se gewaardeerde vennote is. Deur hierdie vennootskap skep ons saam geleenthede vir jongmense om hul talente te ontwikkel, nuwe moontlikhede te ontdek en hul drome in die kreatiewe bedryf na te jaag.

Vir die jeug van 1976. Vir die jeug van vandag. Vir die leiers van môre. 🎭✨

10/05/2026

Gelukkige Moedersdag:

29/04/2026

Stap in jou toekoms by die Artscape Teater se Loopbaandag 🎭✨

Sluit op 6 Junie by ons aan vir ’n inspirerende dag wat ontwerp is om deure oop te maak vir jong kreatiewe jeugstemme. Of is jy passievol oor optredes op die verhoog, werk agter die skerms, of loopbane in kunsbestuur wil verken – dit is jou kans om te ontdek wat moontlik is.

🎬 Ontmoet bedryfsprofessionele
🎤 Verken loopbaanpaaie in die kunste
🎨 Neem deel aan interaktiewe uitstallings
🎓 Kry insig in kreatiewe industrieë
Wees deel van die volgende generasie wat die toekoms van die kunste vorm.

📅 6 Junie
📍 Artscape Theatre Centre

Moenie hierdie geleentheid misloop om jou passie in ’n beroep te omskep nie.

27/04/2026

Vryheidsdag 2026

Vandag vier ons nie net ons vryheid – ons onthou ook die prys wat daarvoor betaal is.
As jeug dra ons die verantwoordelikheid om daardie vryheid te beskerm, te bou en te leef.

By die Hessekwa Jeugmusiekfees glo ons in ’n toekoms waar elke jongmens ’n stem het, geleenthede kry en hoop ervaar.

Vryheid beteken niks as ons dit nie gebruik om ander op te lig.

06/04/2026

Suidoosterfees 2026

Only a few days left to enter!

Don’t miss your chance to be part of the Suidoosterfees Talent Search 2026.

Enter before the closing date: https://suidoosterfees.com/project/talentsoektog-2026-reels-en-inskrywingsvorm-talent-search-2026-rules-and-entry-form/

03/04/2026

Geseënde Paasfees!

30/01/2026

30/01/2026

“Ek is hier om jou huis toe te neem
“Ek is hier om jou te troos”

Soos die impak van hierdie gedig, sal die gedagte en natalenskap van dr. Diana Ferrus ons vir lank bybly. Die Hessekwa Jeugmusiekfees betreur saam met haar familie en die Suid-Afrikaanse skrywersgemeenskap haar afsterwe vroeër vandag. As bekroonde skrywer, aktivis, akademikus, filantroop en familievriend, was Diana ’n geliefde baanbreker wie se woorde betekenisvolle krag gedra het. Haar gedig, “Vir Sarah Baartman”, het vir Sarah Baartman huis toe gebring. Diana was vir jare aan die Universiteit van Wes-Kaapland verbonde en het verhale en boeke soos ‘Die Kind’ en ‘The boy who loved to dance’ gepubliseer. In 2022 het sy ’n ere-doktorsgraad van die Universiteit Stellenbosch ontvang vir die gebruik van haar skryfwerk om in te lig, te bemagtig en ’n stem aan ander te gee, en vir haar toewyding aan die ontwikkeling van ’n nuwe generasie skrywers.

’n Boom het geval. Ons groet ’n legende, en betuig ons innige meegevoel aan haar familie en uitgebreid

12/01/2026

Aan al ons onderwysers – welkom terug. Dankie vir julle onbaatsugtige toewyding, geduld en passie. Julle is die ruggraat van ons skole en gemeenskappe.

Aan ons matrieks – sterkte met julle uitslae. Onthou, julle uitslae bepaal nie julle waarde of julle toekoms nie. Elke einde is ook ’n nuwe begin. Glo in julleself en stap met moed die volgende hoofstuk binne.