Idea për themelimin e një akademie lindi nga këto rrethana:
• ndikimi i dinamikës së përditshme në shëndetin mendor
• ndikimi i teknologjisë në shëndetin fizik
• mungesa e një trupi profesional të baletit
Nisur nga kjo, qëllimi afatshkurtër i akademisë sonë është krijimi i një hapësire të zhveshur nga paragjykimet dhe dallimet gjinore, racore, fetare, sociale, ekonomike, etj. ku pjesëmarrësit ka
në mundësi ta shprehin veten lirshëm dhe të bëhen pjesë e përçimit të mesazheve delikate sociale në shoqërinë bashkëkohore, kurse qëllimi afatgjatë është themelimi i një trupi profesional të baletit në Prizren. Aktivitetet kryesore të organizatës përfshijnë organizimin e punëtorive dhe trajnimeve, mbajtjen e kurseve, zhvillimin e hulumtimeve dhe publikimin e tyre, krijimin e shfaqjeve, marrjen pjesë në aktivitete të tjera të organizuara në nivel lokal dhe shtetëror, etj. si dhe bashkëpunimin me organizatat e institucionet e fushës së kulturës, sportit dhe edukimit
Akademia ofron një larmi kërcimesh për të gjitha grupmoshat mbi 3 vjeç:
• Balet klasik (bazuar në metodën e Vaganovës)
• Kërcim kontemporan
• Kërcim modern (hip-hop, jazz, burlesque, country)
Nga ana tjetër, për të rriturit ofrohen:
• Zumba (e përkryer për të hequr stresin e ditës)
• Pilates (e përkryer për shëndetin fizik dhe për gratë shtatzëna)
• Tango (për çifte)
• Waltz (për çifte)
Ne besojmë që suksesi është i paevitueshëm aty ku punohet me pasion prandaj dhe motoja jonë është
“bëje me pasion ose hiq”
Luljeta Braha - LULU
Koreografe dhe balerinë e lindur në Prizren ka mbaruar shkollën e ulët dhe të mesme në shkollën e muzikës “Lorenc Antoni” dega balet në Prizren kurse studimet bachelor dhe master i ka përfunduar në Universitetin e Arteve, Fakulteti i Artit Skenik – lëmia Koreografi në Tiranë. Në vitin 2014 ajo fillon punën e saj si mësimdhënëse e baletit në dy shkolla: shkolla e muzikës dhe e artit “Misbah & Friends” në Prishtinë dhe shkolla e muzikës “Lorenc Antoni” në Prizren ku dhe vazhdon punën e saj me një përkushtim të lartë. Që nga tetori 2019 ajo gjithashtu ka filluar të punojë në kolegjin AAB, Fakulteti i Koreografisë si ligjëruese e lëndës së koreografisë. Në qershor 2020 certifikohet si instruktore e pilates kurse në janar 2020 ajo bashkëthemelon akademinë e kërcimit Lulu’s Dance Academy ku dhe është e angazhuar si drejtoreshë artistike. E shquar për kreativitet koreografja ka shënuar një numër bashkëpunimesh me teatrin profesional të Prizrenit dhe organizata të tjera. Ajo gjithashtu ka hedhur në skenë disa koreografi botërore si “E përhitura”, “Emerald” dhe ka krijuar koreografi autentike si “Zonja Lulu” dhe ajo e fundit “Lidhmë mua”. Si balerinë Luljeta ka marrë pjesë në spektakle të ndryshme si: “E diela shqiptare - Beteja koreografike”, “A show”, “Kenga Magjike”, “Top Fest 8”, “Një puthje për ty”, “Sofra Tiranase”, “Big Brother Shkodra” etj. si dhe në paraqitjet skenike të mbajtur në teatrot e ndryshme. Sijeta Braha
e lindur në Prizren ka mbaruar studimet bachelor në Fakultetin e Edukimit, dega Gjuhë dhe Letërsi Angleze në Prizren, kurse studimet master i ka përfunduar në Kolegjin Fama, lëmia Menaxhment dhe në Kolegjin AAB lëmia Gjuhë dhe Letërsi Angleze në Prishtinë. Si arsimtare dhe profesoreshë e gjuhës angleze ajo ka punuar në shkolla shtetërore 11 Marsi, Sopijë - Suharekë dhe Gjimnazi Gjon Buzuku në Prizren, si dhe në shkolla private “Mehmet Akif College” dhe “Loyola-Gymnasium” në Prizren për 14 vite. Ajo gjithashtu ka përvojë 3 vjeçare në menaxhimin e shkollës private si zëvendës drejtoreshë. Ka përfunduar një numër trajnimesh nga të cilat vlenë të përmenden trajnimet për mësimdhënien e gjuhës angleze si gjuhë e huaj për të huajt dhe për biznes në ITTT, trajnimin për mbrojtjen e fëmijëve në Shkup, Maqedoni dhe trajnimin e ndërmjetësimit shumë shtresor në Berlin, Gjermani. Në 2020 ajo bashkëthemelon akademinë e kërcimit Lulu’s Dance Academy ku dhe është e angazhuar si drejtoreshë e përgjithshme.
