17/12/2025
'Izi - Ëndrra Vazhdon' - Premiera në Kino ABC, e enjte dt 18 dhjetor 2025, në ora 18'00
MĂ« 18 dhjetor premiera e filmit dokumentar kushtuar Izet Gjinovcit
Më 18 dhjetor është premiera e filmit dokumentar kushtuar të ndjerit Izet Gjinovci, njërit prej personaliteteve më të dalluara të hendbollit dhe sportit kosovar në përgjithësi.
Premiera e filmit "Izi - Ëndrra vazhdon" mbahet në Kino ABC në Prishtinë nga ora 18:00. Producent i filmit dokumentar është Orhan Kerkezi.
Dokumentari paraqet jetën, veprën dhe kontributin e jashtëzakonshëm të Gjinovcit për sportin kosovar. Është një rrëfim frymëzues që ruan kujtimin për të ndjerin dhe përcjell atë te brezat e ardhshëm.
Izet Gjinovci vdiq më 5 gusht të vitit të kaluar në moshën 63-vjeçare. Ai e kreu punën e sekretarit të përgjithshëm të Federatës së Hendbollit të Kosovës nga viti 2002 e deri në frymën e fundit.
Ishte pjesë vendimtare e proceseve të rëndësishme për hendbollin kosovar, si pranimi i kushtëzuar e më pas i plotë në EHF e IHF.
Kontributi i Gjinovcit për hendbollin dhe sportin kosovar në përgjithësi nisi shumë herët, ndërsa përfshiu shumë dekada.
Shfaqja e dokumentarit bëhet nën patronatin e Ministrisë së Kulturës, Rinisë dhe Sportit.
