29/05/2026
Shumë fjalë mirënjohëse për Arben Veseli, Miftar Veseli, Olta Shala, Vitaland, Zana Llonçari Osmani, Motrat Gocaj Bella, Luna, Nova Gocaj, Arbër Statovci, Leo Mulliqi, Dukagjin Mulliqi, Xhide Vlashi, Pleurat Buçaj u shprehën sot në Bibliotekën “Hivzi Sulejmani”/Dardani të Prishtinës me rastin e përurimit të këndit të fëmijëve.
Me iniciativë dhe të prirë nga zonja e parë e Kryeqytetit - Kristale Ivezaj Rama, këta donatorë ndihmuan që kjo hapësirë të bëhet interesante për fëmijët. Kjo pjesë e bibliotekës frekuentohet nga fëmijët ku zhvillohen edhe takime të “Klubeve të leximit” të cilat u formuan vitin e kaluar në të gjithë degët e bibliotekës në kryeqytet.
I pranishëm në këtë ngjarje Kryetari i Kryeqytetit Përparim Rama, shprehu fjalë miradije për të gjithë donatorët duke ndarë edhe mirënjohje për punën dhe kontributin e tyre. Duke u shprehur falenderues dhe duke ndarë mirënjohje, ai theksoi se është falenderues për secilin që ndihmoi për transformimin e kësaj hapësire në një vend ku fëmijët do të vijnë të lexojnë, të zgjerojnë mendimet dhe ëndrrat e tyre si dhe të krijojnë ëndrra të reja që një ditë do t’i shndërrojnë në realitet, pra për të githë që kanë bërë të mundur këtë punë të mrekullueshme.
Nga ana e saj Drejtoresha e bibliotekës “Hivzi Sulejmani” Naime Beqiraj, duke ju drejtuar donatorëve theksoi se shembulli i tyre flet më shumë se sa fjalët, ndaj ju themi se ne kemi nevojë për ndihmën tuaj në këtë bibliotekë që është më e madhja nga 10 bibliotekat që ka Kryeqyteti. “Shembulli i fundit flet për Bibliotekën e Fëmijëve që u përurua të shtunën e kaluar në Pallatin e Rinisë – hapsirë e jashtëzakonshme për librin jo vetëm në Kosovë, flet mjaft”.
Duke kërkuar përkrahje edhe për bibliotekat e tjera ajo u shpreh se investimi për librin dhe bibliotekën është investim për të ardhmën e fëmijëve të kryeqytetit.
Kryeqyteti Prishtina
Drejtoria e Kulturës
Kristale Rama
