Biblioteka Hivzi Sulejmani Prishtinë

14/07/2026

11/07/2026

Sot 91 vjet më parë, në Kavajë, në një familje të shquar arsimdashëse e atdhetare gjakovare, u lind shkrimtari Agim Gjakova.
Agimi studioi letërsinë frënge në Beograd kurse në Tiranë diplomoi letërsinë dhe gjuhën angleze.
Është autor i dhjetëra librave me prozë, poezi, skenarëve për filma dhe i teksteve publicistike.
Herë pas herë, baca Agim është mysafir në bibliotekën Biblioteka Hivzi Sulejmani Prishtinë duke na shpalosur segmente të krijimtarisë dhe të punës së tij letrare me mprehtësinë dhe elegancën që e ka karakterizuar tërë jetën.
Të gjitha publikimet e Gjakovës gjenden në fondin e institucionit tonë,
Ndonëse në moshë të shtyer, Agim Gjakova vazhdon të krijojë dhe të botojë.
Shëndet baca Agim; të duam e të presim përsëri e përsëri në bibliotekë, me pijen tënde të preferuar☕

Kryeqyteti Prishtina
Drejtoria e Kulturës

10/07/2026

Po vjen mesi i korrikut e studentët ende në fazë provimesh. Dikush po i bën konsultat e fundit para provimeve të farmacisë, disa tjerë janë zhytur mbi librat dhe laptopët e tyre e disa të tjerë janë larguar për të marrë pak ushqim.
Studentët janë jo vetëm stolia e bibliotekës “Hivzi Sulejmani” por ata/ato janë frymëzimi ynë.
Në katin përdhes, maturantët po përgatiten për provime pranuese në fakultet të cilat po i synojnë.
-A mund të mësojmë në hapsirat e bibliotekës, 2-3 ditë pa pagesë” – pyesin.
-Mundeni, si jo. Urojmë të pranoheni aty ku keni dëshirë e pastaj regjistroheni për të qenë pjesë e bibliotekës? – i inkurajojnë bibliotekistët tonë.
Në katin përdhes, dy vajzusha simpatike luajnë pak me lodra, pastaj i marrin librat e ilustruara për moshat e tyre.
Biblioteka “Hivzi Sulejmani” është shpirti i Kryeqytetit.
Te ne ndeshen të gjitha kategoritë e lexuesve: fëmijë, adoleshëntë, studentë, të rinj që punojnë masterat dhe PhD, pensionistë. Vijnë krijues, vjen edhe një ish Kryeministër i shtetit, merr libra, sjell libra, këmben dije dhe fuqi artistike nga prozatorët shqiptarë e botërorë. Ngjanjëherë ulet e lexon krahas studentëve.

Kryeqyteti Prishtina
Drejtoria e Kulturës

08/07/2026

https://filologjiku.uni-gjk.org/al/lajme/4804/forcohet-bashkepunimi-ndermjet-fakultetit-te-filologjise-dhe-bibliotekes-hivzi-sulejmani
Kryeqyteti Prishtina
Drejtoria e Kulturës

Përfaqësues të Fakultetit të Filologjisë, më 7 korrik 2026, zhvilluan një takim pune me znj. Naime Beqiraj, drejtoreshë e Bibliotekës “Hivzi Sulejmani” në Prishtinë, me qëllim të forcimit t&eum...

08/07/2026

Ndonëse ditë pushimesh, krijues, familjarë dhe individë, po sjellin vazhdimisht libra të ndryshëm të bibliotekave të tyre për Bibliotekën “Hivzi Sulejmani” në Prishtinë. Biblioteka jonë po pasurohet me tituj të rinj, disa prej të cilëve nuk I kishim më herët në fondin tonë
Tri veprat e tij më të reja na i solli me nga disa ekzemplarë krijuesi Xhavit Çitaku. Mirënjohës krijuesit me dëshirat e përzemërta për libra të tjerë nga opusi i tij kreativ.
Jehona Hoxha na kishte sjellë disa libra nga biblioteka e saj; libra për fëmijë dhe libra për të rritur. E falenderojmë nga zemra për gjestin e saj fisnik.
Biblioteka “Hivzi Sulejmani”/Dardani në Prishtinë si dhe Biblioteka e Fëmijëve në Pallatin e Rinisë, në Taslixhe dhe në Ulpianë do të punojnë tërë verën deri në orën 16:00. Ne i pranojmë me mirënjohje dhe i bëjmë publike të gjitha dhurimet e librave dhe të vlerave të tjera të cilat po e pasurojnë dhe po e ndihmojnë institucionin dhe lexuesit e kryeqytetit.

Kryeqyteti Prishtina
Drejtoria e Kulturës
Biblioteka e Fëmijëve në Prishtinë

06/07/2026

Prof. dr. Sylejman Rexhepi, gjatë punës së gjatë e të nderuar si mjek dhe profesor universiteti (41 vjet), bibliotekën e tij shkencore e kishte pajisur me libra të rrallë. Kudo ku kishte shkuar, kishte sjellë në shtëpi libra të reumatologjisë, ashtu si edhe libra të tjerë.
Të katër vajzat e doktorit janë rritur me shijen e librave. Dy vajzat e mëdha, po ashtu mjeke reumatologe (Mjellma dhe Blerta), Lura (profesoreshë e ekonomisë në UP) dhe Gresa (farmaciste), bashkë me nanën e tyre Mevlyden kishin vendosur që një pjesë të bibliotekës së babit të ndjerë, t’i dhurojnë bibliotekës “Hivzi Sulejmani”.
-Ne kemi studiuar në bibliotekën e fakultetit por edhe në shtëpi, ndaj nuk kemi ndonjë emocion për këtë bibliotekë, por duke parë që njerëz të vyer po dhuronë libra për biblotekën e qytetit; duke dëgjuar nga koleget që fëmijët e tyre po studiojnë në këtë bibliotekë, atëherë u dakorduam si familje që librat në gjuhët: gjermane, angleze, shqipe dhe serbokroate, t’i dhurojmë bibliotekës suaj.
Së shpejti, ky kontigjent i pasur librash i bibliotekës së profesorit dhe mjekut të nderuar Prof. Dr. Sylejman Rexhepi, do të katalogohet në bibliotekë dhe të jenë të gatshme për të qenë në tavolinat e studentëve dhe të lexuesve të tjerë në bibliotekë. “Për raste ceremonie dhe gëzimesh, babai gjithmonë ka dhuruar libra, traditë të cilën në njëfarë mënyre jemi munduar ta vazhdojmë edhe ne”, tregon Blerta S. Rexhepi.
Mirënjohëse familja Rexhepi; ju jeni shembull për humanizëm, dije e intelekt.

Kryeqyteti Prishtina
Drejtoria e Kulturës
Blerta S. Rexhepi
Lura Rexhepi Mahmutaj

06/07/2026

Të nderuar lexues,
Për shkak të afatit të korrikut (provimeve), kemi vendosur që edhe këtë javë (deri të premtën më 10 korrik), në bibliotekën “Hivzi Sulejmani”/Dardani të punojë deri në orën 19:00.
Nga e hëna, më 13 korrik, kthehet orari veror i bibliotekës, nga e hëna – të premtën 08:00 – 16:00.
Sukses në provim dhe verë të bukur me libra!

Kryeqyteti Prishtina
Drejtoria e Kulturës

06/07/2026

Sot 80 vjet më parë, më 6 korrik të vitit 1946 u nda nga jeta në spitalin e Prizrenit atdhetari i shquar shqiptar, Bedri Pejani.
Bedri Pejani ka qenë nënshkrues i Deklaratës së Pavarësisë së Shqipërisë, publicist, diplomat dhe atdhetar i njohur.
Lindi më 10 tetor të vitit 1885 në Pejë, në familjen e Abdi Pejës. Shkollën e mesme e kreu në “Kolegjin Robert” të Stambollit, kurse studimet e larta nё Degën e Historisë në Universitetin e Stambollit.
Ka qenë delegat në Kongresin e Manastirit në vitin 1908, organizator dhe kryetar i Kongresit të Dytë të Manastirit dhe sekretar i Komitetit i Komitetit të Kosovës, në vitet 1918-1924.
Në nëntor 1912, u zgjodh përfaqësues i Plavës, Gucisë, Gjakovës dhe Pejës dhe firmosi aktin e pavarësisë me 28 Nëntor 1912 me singlën “Bedri Pejan”.
Më 1920 bëhet redaktor i gazetës "Populli" me qendër në Shkodër.
Bedri Pejani i përktheu nga gjuha frënge “Kujtimet” e Hasan Prishtinës. Gjatë viteve 1921-1923 ishte Kryetar i Partisë Popullore.
Nga janari deri nё mes tё qershorit të vitit 1944 ishte kryetar i Lidhjes sё Dytё tё Prizrenit.
Pas LDB, Bedri Pejani u arrestua nga komunistët jugosllavë dhe vdes pasi u helmua në siptal.