Oldtimer Club Prishtina

31/12/2025

Urime të përzemërta për Vitin e Ri 2026, miq të dashur të Oldtimer Klub Prishtina! 🎉🚗
Viti 2025 po mbyllet me super energji – faleminderit për çdo takim dhe aktivitet të mrekullueshëm ku u mblodhëm, qeshëm, ndamë pasionin për oldtimer-at dhe kaluam momente fantastike bashkë! Çdo mbledhje ishte një festë e vërtetë!
Me plot entuziazëm presim 2026-në: do të jetë viti ynë më aktiv, me shumë takime, aventura dhe ngjarje të reja që do t’i planifikojmë së bashku! 💥
Shëndet, lumturi dhe rrugë të mbara me makinat tona legjendare!
Për shumë vjet klubi ynë! 🏆
Me dashuri dhe respekt,
Kryesia e Oldtimer Klub Prishtina

19/10/2025

Sot iu dha lamtumira e fundit një njeri të madh, një zemër sportisti e nji pionier i vërtetë i garave automobilistike në Kosovë – Menduh Daka, për krejt ne që e kemi ndie e njoftë si Dubi.

Dubi s’ka qenë veç garues, por njeri me shpirt të madh, që e ka dashtë timonin, motorin e shpejtësinë me krejt zemër. Ai ka qenë ndër themeluesit e garave sportive te na, njeri që ka ditë me i frymëzu të tjerët, me e nda pasionin e vet me shokë, me familjarë e me krejt ata që e kanë dashtë sportin e makinave.

Për Dubin, gara s’ka qenë veç me fitu — ka qenë me jetu, me u gëzu, me u bashku. Ai ka lanë pas vetes nji gjurmë që s’zhduket, sepse pasionin e vet e ka bartë tek të tjerët, e sidomos tek brezi i ri që sot vazhdon rrugën e tij.

Unë vetë s’e kam pas rastin me e njoftë gjatë, veç njëherë gjatë një vizite tek Ernesti, i cili me plot dashni e përkushtim po e vazhdon traditën e axhës Dubi. N’at takim të shkurtë u ndie qartë sa shumë frymë e shpirt kishte lanë Dubi në zemrat e atyne që e kanë dashtë.

Pusho në paqe, Dubi.
Rrugët, garat e motoret do ta kujtojnë gjithmonë zhurmën e shpirtit tand.

🕊️ Ngushëllime të sinqerta familjes Daka, të gjithë shokëve, dashamirëve e krejt atyne që e kanë njoftë e e kanë dashtë Dubin.

31/08/2025

Në emër të gjithë anëtarëve të Oldtimer Club Prishtina, dëshirojmë të shprehim falënderimet më të përzemërta për mikpritjen e ngrohtë dhe organizimin e shkëlqyer të eventit të sotëm në kuadër të festivalit të sivjetëm të makinave historike, organizuar nga Oldtimer - Gjakova

I falënderojmë të gjithë pjesëmarrësit për atmosferën e jashtëzakonshme dhe pasionin e përbashkët që na bashkoi sot rreth vlerave të trashëgimisë automobilistike. Një falënderim i veçantë shkon për klubet mike:
Oldtimer Club Ferizaj Oldtimer Club Decani dhe Oldtimer Club Prizren – për prezencën dhe kontributin e tyre në këtë event.

Një mirënjohje e veçantë për Kryetarin e Komunës së Gjakovës, z. Ardian Gjini, për pjesëmarrjen dhe përkrahjen e tij në mbështetje të këtij organizimi të rëndësishëm për komunitetin tonë.

Ju falënderojmë edhe një herë të gjithëve për shoqërimin sot – dhe me kënaqësi themi:
Shihemi në takimet e radhës!

Me respekt,
Oldtimer Club Prishtina

28/08/2025

24/08/2025

Oldtimer Klub Prishtina shpreh mirënjohjen më të sinqertë për mikpritjen e ngrohtë dhe të veçantë që na bëri Oldtimer Klub Ferizaji gjatë vizitës sonë.

Një falënderim i posaçëm i shkon Kryetarit Bajraktari dhe stafit të tij, për punën e palodhshme, përkushtimin dhe profesionalizmin e treguar në organizimin e edicionit të dytë të Oldtimer Club Ferizaji.

Ky edicion jo vetëm që i dha vlerë komunitetit tonë të apasionuar pas veturave klasike, por edhe forcoi lidhjen mes klubeve tona, duke dëshmuar se dashuria për oldtimer-at është një pasuri e përbashkët që na bashkon.

Me respekt dhe mirënjohje,
Oldtimer Klub Prishtina

29/07/2025

4. Day one “25th international meeting of 2CV friends, Slovenia 2025”

28/07/2025

3. Rrugëtimi për në Slloveni “25th international meeting of 2CV friends, Slovenia 2025”

27/07/2025

2. Rrugëtimi për në Slloveni “25th international meeting of 2CV friends, Slovenia 2025”
Ndalesa për vizitë tek kolegët në Oldtimer klub Našice në Kroaci.

27/07/2025

Mërgata Fest & Sport në Lipjan. Faleminderit për ftesën, Municipality Of Lipjan / Komuna e Lipjanit. Faleminderit edhe Albi Mall për sponsorimin e grupit

27/07/2025

1. Rrugëtimi për në Slloveni “25th international meeting of 2CV friends, Slovenia 2025”

08/07/2025