Ars Kosova Music Competition

17/06/2026

16/06/2026

🎶 Masterklasat ArsKosova 2026 – Vazhdojnë me ndalesa të reja artistike 🎶

Në kuadër PLATFORMA EDUKATIVE KONCERTALE 2026 dhe Garave Ndërkombëtare të Muzicientëve të Rinj ArsKosova 2026 – Edicioni XXI, vazhdon programi edukativ me realizimin e Masterklasave artistike për të rinjtë muzikantë.

📍 15.06.2026 – Gjilan
📍 16.06.2026 – Gjakovë

Këto masterklasa do të ofrojnë mundësi për pjesëmarrësit që të punojnë nga afër me profesionistë të fushës, të marrin udhëzime profesionale dhe të pasurojnë përvojën e tyre artistike.

Faleminderit Ministria e Kulturës dhe Turizmit të Republikës së Kosovës për mbështetjen dhe përkrahjen në realizimin e projektit “PLATFORMA EDUKATIVE KONCERTALE ARSKOSOVA”.

16/06/2026

🎶 FALËNDERIM DHE MIRËNJOHJE 🎶

Fondacioni Muzikor ArsKosova shpreh mirënjohjen dhe falënderimin e veçantë për Ministrinë e Kulturës dhe Turizmit të Republikës së Kosovës për mbështetjen dhe përkrahjen e vazhdueshme në realizimin e projektit trevjeçar:

“PLATFORMA EDUKATIVE KONCERTALE ARSKOSOVA” 🎼✨

Ky projekt, i cili këtë vit shënon vitin e dytë të realizimit, përfaqëson një angazhim të rëndësishëm në zhvillimin, edukimin dhe promovimin e kulturës muzikore në Kosovë, duke krijuar mundësi të reja për artistët e rinj, profesionistët dhe komunitetin.

Në kuadër të këtij projekti përfshihen:

🎻 Garat Ndërkombëtare të Muzicientëve të Rinj ArsKosova – Edicioni XXI, një platformë e rëndësishme për zbulimin dhe afirmimin e talenteve të reja nga Kosova, rajoni dhe Evropa;

🎶 Koncerte artistike tematike me artistë botërorë dhe artistë të rinj, duke sjellë në skenë përvoja të nivelit të lartë artistik;

🎼 Festivali Kosova KamerFest, një hapësirë e dedikuar për muzikën kamertale dhe promovimin e vlerave artistike;

💙 Koncerte gjithëpërfshirëse, ku përfshihen dhe performojnë fëmijë me autizëm dhe nevoja të posaçme, duke dëshmuar fuqinë e muzikës si mjet bashkimi, edukimi dhe integrimi.

Falë kësaj përkrahjeje, ArsKosova vazhdon misionin e saj për të ndërtuar ura mes edukimit, skenës koncertale dhe zhvillimit të gjeneratave të reja të artistëve.

🙏 Faleminderit Ministrisë së Kulturës dhe Turizmit të Republikës së Kosovës për besimin dhe mbështetjen në këtë rrugëtim të rëndësishëm kulturor.

15/06/2026

🎸 Ledion Halitaj – Laureati i Grand Prix ArsKosova 2026 🌟

Me krenari prezantojmë fituesin e Çmimit Kryesor – Grand Prix ArsKosova 2026, si dhe laureatin e Çmimit të Kompozitorit “Akil Koci”, kitaristin e ri Ledion Halitaj.

I lindur në vitin 2011, Ledioni është një talent premtues i kitarës.

Mësimet për kitarë i filloi në moshën 8-vjeçare me prof. Erhan Mujka, ndërsa aktualisht vazhdon formimin e tij muzikor nën udhëheqjen e prof. Drilon Çoçaj.

Që në moshën 9-vjeçare filloi të fitojë çmime në festivale dhe gara ndërkombëtare të kitarës. Nga viti 2020 e deri më sot, ai ka fituar 27 çmime në gara të zhvilluara në Kosovë, Rumani, Bullgari, Maqedoni e Veriut, Mal të Zi, Shqipëri dhe Zvicër.

Gjatë rrugëtimit të tij artistik ka marrë pjesë në masterklasa me disa nga kitaristët më të njohur ndërkombëtarë, përfshirë Aniello Desiderio, Hubert Käppel, Petrit Çeku, Darko Bageski, Marcin Dylla dhe Anabel Montesinos.

Për sukseset e tij të jashtëzakonshme në një moshë kaq të re, në vitin 2023 Zyra e Bashkimit Evropian në Kosovë e shpalli Ledionin “Evropian i Vitit”.

Si pjesë e aktiviteteve të Fondacionit Muzikor ArsKosova, Ledioni ka qenë pjesë e projekteve artistike dhe koncertale, përfshirë paraqitje në koncert me orkestër dhe recitale, duke dëshmuar talentin dhe përkushtimin e tij në skenën koncertale.

Urime Ledionit për këtë arritje të madhe dhe suksese të mëtejshme në rrugëtimin e tij artistik!

15/06/2026

🌟 REZULTATET E DITËS FINALE – GRAND PRIX ARSKOSOVA 2026 🌟

Me shumë emocion u përmbyllën Garat Ndërkombëtare të Muzicientëve të Rinj ArsKosova 2026 – Edicioni XXI, me shpalljen e laureatëve të Grand Prix ArsKosova 2026.

Pas tri ditësh të mbushura me muzikë, talent, përkushtim dhe interpretime të nivelit të lartë, juria profesionale vlerësoi performancat më të dalluara të këtij edicioni.

🏆 GRAND PRIX ARSKOSOVA 2026
🎸 Ledion Halitaj – Kitarë

🏅 Çmimi i Kompozitorit “Akil Koci”
• Driana Sopi
• Lum Topalli
• Ledion Halitaj

🎻 Çmimi i Violinistes “Drita Dida”
• Driana Sopi

🎹 Çmimi “Chopin Piano Association ”- Masterklase
• Liza Muhaxhiri

🎶 Çmimi ArsKosova – Masterklase
• Sadja Guni
• Lir Hajrizi
• Hana Ajeti

Urime të gjithë laureatëve dhe pjesëmarrësve për suksesin, përkushtimin dhe dashurinë e treguar ndaj muzikës. 👏✨

Një falënderim për jurinë profesionale, pedagogët, prindërit, bashkëpunëtorët dhe të gjithë ata që kontribuan në realizimin e këtij edicioni të veçantë.

Një falënderim i veçantë për Ministria e Kulturës dhe Turizmit të Republikës së Kosovës për mbështetjen dhe përkrahjen e vazhdueshme në realizimin e këtij projekti të rëndësishëm kulturor dhe edukativ.

ArsKosova – 21 vite në shërbim të talentit, edukimit dhe ekselencës artistike. 🎶

14/06/2026

🎶 Rezultatet e Garave Ndërkombëtare të Muzicientëve të Rinj ArsKosova 2026 🎶

DISIPLINA:SOLOKËNDIM/ SOLOSINGING