09/02/2026
E DREJTA E LIRISË: DRITA E SYRIT SHQIPTAR
❤️ Ushtria Çlirimtare e Kosovës ishte dhe mbetet ushtria më e lavdishme në historinë tonë. Ajo e nxori popullin shqiptar të Kosovës dhe vetë Kosovën nga kthetrat pushtuese, pas shekujsh robërie.
-Por si është e mundur që të dënohen ata që dhanë gjithçka, që sakrifikuan dhe luftuan për lirinë, e të gjykohen nga të huajt dhe nga disa ish-struktura spiunazhi e bashkëpunëtorë, njerëz pa ndërgjegje, që për fat të keq flasin shqip?
>Të dashur shqiptarë, sot po tentohet që, në emër të drejtësisë, të dënohen krerët e UÇK-së dhe të njolloset vetë Ushtria Çlirimtare e Kosovës. Një gjë e tillë nuk duhet të ndodhë dhe duhet të shpresojmë e të angazhohemi që të mos ndodhë.
Nëse dikush nga ju mendon se këta duhet të dënohen, atëherë ose nuk gjykon me mendje të kthjellët dhe ka rënë pre e propagandës, ose është i sh*tur te armiqtë tanë serbo-sllavë. Në çdo rast, ai nuk përfaqëson ndërgjegjen kombëtare shqiptare.
“Po ju rikujtoj librin e titulluar Realiteti i ri, ku thuhet: ‘Do të tentohet të burgosen ushtarët, eprorët, komandantët dhe themeluesit e UÇK-së, për të ndërtuar një narrativë të rreme se lufta e Ushtrisë Çlirimtare të Kosovës nuk është dashur të ndodhë fare.’'
“Siç paralajmërohet në librin Realiteti i ri: ‘Synimi nuk është drejtësia, por përmbysja e së vërtetës historike – kriminalizimi i UÇK-së dhe mohimi i luftës për liri.’'
Ju lutem të gjithë ju që keni gjak shqiptari, mos u gëzoni për këtë dënim, sepse këtë dënim e dëshirojnë vetëm armiqtë tanë – serbët. Ata janë ata që i gëzohen dhe e duartrokasin këtë padrejtësi.
Por një gjë mos e harroni kurrë: ju që jeni kundër UÇK-së, jeni edhe kundër Kosovës. Qoftë edhe nëse vini nga gjaku ynë, me këtë qëndrim tregoni se jeni të humbur në mendje dhe të djallëzuar në shpirt. Fjala e shkruar, megjithatë, nuk harron kurrë dhe historia i mban shënimet e saj.
Një gjë duhet thënë saktë dhe troç: luftën nuk e bëri populli në tërësi, por e bëri një grup i vogël njerëzish, të cilët ishin dhe mbetën të shkëputur nga masa e popullit. Sepse po të ishte luftë e bërë nga populli, sot do të ishim të bashkuar, ashtu siç u bashkua dikur kombi në kërkim të lirimit të atdhetarit Avni Rustemi, i cili vrau tradhtarin e kombit, Esat Pashë Toptanin.
Kjo revoltë e zbehtë, ky mllef i munguar dhe këto duartrokitje të sotme të disa shtresave të shoqërisë sonë, vetëm sa po e dëshmojnë dhe po ma forcojnë bindjen se një pjesë e madhe e popullit paskësh qenë në kumari me Serbinë, me armiqtë tanë.
Andaj, është koha të reflektojmë, është koha të jemi zëri i së vërtetës, zëri i atdheut dhe i lirisë, dhe të jemi zëri i UÇK-së, ashtu siç ishte dikur zëri që vinte nga malet e Berishës – zëri i Kosovës.
Unë, nuk mund të mendoj dhe veproj ndryshe, jam i një trungu të Adem Jasharit, jam gjaku i Adem Demaçit dhe pasues i Zahir Pajazitit e nënshtrues i të vetmit Zot të Madh. Nëse do mendoja, shkruaja dhe veproja ndryshe, do të dënohesha nga Zoti, do të shkelsha mbi sakrificën e Dajës tim dhe mbi gjakun e dëshmorëve të kombit shqiptar, mbi gjakun e atyre që dhanë jetën për lirinë tonë.
Por këtë liri po e gëzojnë edhe spiunët, tradhtarët e kombit shqiptarë. Ata ishin shumë, por janë ende shumë, ata po punojnë, ndërsa ne po ndahemi në ne dhe ata, po përçahemi dhe jemi bërë pikë e pesë. Ata po e shfrytëzojnë këtë hapësirë që të na godasin në vlerat më sublime që kemi ne shqiptarët në Kosovë, siç thotë një miku im, Nexhi, në Dritë të syrit mos me prek!
E UÇK-ja është dhe do të mbetet. Drita e syrit për të gjithë shqiptarët. E UÇK-ja janë ato figura që luftuan, që sakrifikuan dhe me pushkën dhe luftën e tyre sollën lirinë!
––––––––––––––––––––––––––––––––
& &
