12/08/2026
🌿 Nga Ne, Për Ju – Histori suksesi të grave në agrobiznes
🌿 DPZ “Duart e Vyera” – Historia e suksesit të Mihane Avdullahut
Nga fshati Gumnasellë i komunës së Lipjanit, Mihane Avdullahu është një grua sipërmarrëse që që nga viti 2013 ka ndërtuar me përkushtim biznesin e saj në përpunimin dhe sh*tjen e produkteve tradicionale.
E regjistruar si biznes individual me emrin DPZ “Duart e Vyera”, Mihanja ka shndërruar pasionin për ushqimet tradicionale në një burim të qëndrueshëm të të ardhurave për familjen e saj. Biznesi i saj ofron një gamë të gjerë produktesh të përpunuara me kujdes dhe sipas recetave tradicionale, duke përfshirë ajvar, pinxhur, sallatë domatesh, turshi, shurupe natyrale, pestil dhe produkte të tjera tradicionale vendore. 🍅🌶️
🌿 Mihanja prezantoi produktet e “Duart e Vyera” në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
🌱 Zgjidhni produkte vendore të prodhuara nga gratë në bujqësi. Duke mbështetur biznese si “Duart e Vyera”, kontribuojmë në ruajtjen e traditës, zhvillimin e prodhimit vendor dhe fuqizimin ekonomik të grave në zonat rurale.
________________________________________________________________________________
🌿 Natural Berry – Historia e suksesit të Afërdita Muratit
Nga fshati Llapashticë e Poshtme në komunën e Podujevës, Afërdita Murati, udhëheqëse e Natural Berry, një ndërmarrje familjare, po dëshmon se gratë mund të udhëheqin biznese që krijojnë mundësi për komunitetin dhe kontribuojnë në mbrojtjen e mjedisit. 🌱
Ajo ka shndërruar një aktivitet modest familjar në një biznes me vizion për zhvillim të qëndrueshëm, duke ndërthurur punën, përkushtimin dhe kujdesin për mjedisin me zhvillimin ekonomik të komunitetit lokal.
💚 Rrugëtimi i Afërditës është dëshmi se gratë mund të sjellin ndryshim, duke krijuar vlerë për familjen, komunitetin dhe mjedisin.
🌿 Afërdita prezantoi produktet e Natural Berry në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
🌱 Zgjidhni produkte vendore të prodhuara nga gratë në bujqësi. Duke mbështetur biznese si Natural Berry, kontribuojmë në zhvillimin e ekonomisë lokale, promovimin e praktikave të qëndrueshme dhe fuqizimin ekonomik të grave.
________________________________________________________________________________
🌿 Bio365Kosova – Historia e suksesit të Emine Daci Zejnullahit
Me mbi dy dekada përvojë si profesoreshë universitare, hulumtuese dhe eksperte në zhvillimin e bujqësisë, zhvillimin rural dhe menaxhimin e projekteve ndërkombëtare, Emine Daci Zejnullahi vendosi ta shndërrojë dijen, përvojën dhe pasionin e saj në një sipërmarrje që promovon shëndetin, natyrën dhe zhvillimin ekonomik lokal.
Kështu lindi Bio365Kosova, një kompani që ndërthur shkencën me natyrën për të krijuar produkte bio me cilësi të lartë dhe me ndikim pozitiv në komunitet. 🌿
🌱 Një nga vlerat themelore të Bio365Kosova është fuqizimi ekonomik i grave në zonat rurale. Kompania bashkëpunon me gra fermere që kultivojnë bimë aromatike dhe mjekësore, duke u krijuar mundësi për të gjeneruar të ardhura të qëndrueshme dhe për t'u bërë pjesë e zinxhirit të vlerës.
Sot, Bio365Kosova është kompani e certifikuar sipas standardeve ndërkombëtare për prodhimin organik dhe ofron një portofol prej më shumë se 30 produkteve natyrale, përfshirë vajra esencialë, vajra bimorë, serume, balsame, shampo dhe produkte për kujdesin e lëkurës dhe mirëqenien. 🌿✨
🌿 Eminja prezantoi produktet e Bio365Kosova në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
🌱 Zgjidhni produkte vendore të prodhuara nga gratë në agrobiznes. Duke mbështetur biznese si Bio365Kosova, kontribuojmë në zhvillimin e prodhimit organik, fuqizimin ekonomik të grave rurale dhe promovimin e një ekonomie më të qëndrueshme.
________________________________________________________________________________
🌿 BEAL B Sh.P.K. – Historia e suksesit të Fatime Limajt
Nga Banja e Malishevës, Fatime Limaj ka ndërtuar me përkushtim një biznes të suksesshëm në sektorin e bujqësisë, duke e shndërruar një aktivitet të nisur në panaire dhe tregje në një kompani që sot ka shtrirje në mbarë Kosovën.
Rrugëtimi i BEAL B Sh.P.K. nisi në vitin 2009 si biznes individual, ndërsa në vitin 2019 u themelua si kompani. Sot, biznesi është i specializuar në prodhimin dhe sh*tjen e fidanëve, kultivimin dhe tregtimin e perimeve të freskëta, si dhe prodhimin, sh*tjen dhe furnizimin me turshi cilësore. 🌱🥒
Me punë, përkushtim dhe fokus në cilësi, BEAL B Sh.P.K. është rritur vazhdimisht dhe sot furnizon mbi 45 markete në mbarë Kosovën, duke ofruar produkte të freskëta, cilësi të garantuar dhe shërbim të besueshëm. 💚
🌿 Fatimja prezantoi produktet e BEAL B Sh.P.K. në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
🌱 Zgjidhni produkte vendore të prodhuara nga gratë në bujqësi. Duke mbështetur biznese si BEAL B Sh.P.K., kontribuojmë në zhvillimin e prodhimit vendor, promovimin e produkteve cilësore dhe fuqizimin ekonomik të grave në bujqësi.
________________________________________________________________________________
🌿 Gambini – Historia e suksesit të Fitore Ukiqit
E themeluar në vitin 2017 dhe e udhëhequr nga Fitore Ukiqi, Gambini është një biznes familjar që ndërthur sipërmarrjen, prodhimin vendor, inovacionin dhe përkushtimin ndaj komunitetit. 💚
Aktiviteti i Gambinit zhvillohet në disa drejtime, duke filluar nga Kafiteria Gambini në Bregun e Diellit në Prishtinë, ku shumica e të punësuarave janë gra, e deri te Biskoteria, ku prodhohen rreth 30 produkte të ndryshme çdo ditë, përfshirë biskota, mafina, energy bars dhe sallata frutash. 🍪🍓
🌱 Një pjesë e rëndësishme e biznesit është edhe Zemra Farm, fermë organike në Dyz të Podujevës, ku kultivohen grurë, patate, qepë, karrota, rrepë e kuqe dhe produkte të tjera bujqësore. Nga prodhimet e fermës përgatiten lëngje, sallata, reçela, kompota, shërbete sezonale, si dhe fruta të thara e të paketuara.
♻️ Kujdesi ndaj mjedisit është pjesë e rëndësishme e punës së Gambinit. Mbetjet e letrës, shishet e qelqit, si dhe mbetjet organike nga kafeja dhe pulpa e frutave mblidhen dhe shndërrohen në kompost, duke kontribuar në një model më të qëndrueshëm të biznesit.
💚 Përtej aktivitetit ekonomik, Gambini ka edhe një dimension të fortë social. Kontribuojnë vullnetarisht për organizata që mbështesin fëmijët dhe të rinjtë, si dhe sponsorizojnë aktivitete sportive dhe kulturore.
🌿 Fitorja prezantoi produktet e Gambinit në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
🌱 Zgjidhni produkte vendore të prodhuara dhe të përpunuara nga gratë në agrobiznes. Duke mbështetur biznese si Gambini, kontribuojmë në zhvillimin e prodhimit vendor, punësimin e grave, mbrojtjen e mjedisit dhe ndërtimin e komuniteteve më të qëndrueshme.
________________________________________________________________________________
🌿 Biznesi “Ilmije Bytyqi B.” – Historia e suksesit të Ilmije Bytyqit
Nga fshati Shashkoc, Ilmije Bytyqi ka ndërtuar me përkushtim biznesin e saj bujqësor, duke e kthyer punën dhe dashurinë për tokën në një veprimtari të qëndrueshme.
E themeluar në vitin 2017, veprimtaria e Ilmijes përfshin kultivimin e bimëve aromatike medicinale, mjedrave, specave, patateve dhe produkteve të tjera bujqësore. 🌿
🌱Përmes punës së saj, Ilmija kontribuon në zhvillimin e prodhimit vendor dhe në promovimin e produkteve të kultivuara në zonat rurale.
Ilmija prezantoi produktet e saj në Mini Panairin e Grave në Bujqësi, të organizuar në kuadër të projektit , i implementuar nga EcoKosWomen, i mbështetur nga Caritas Switzerland dhe i financuar nga Austrian Development Agency (ADA).
Zgjidhni produkte vendore të prodhuara nga gratë në bujqësi. Duke mbështetur gra si Ilmija dhe bizneset e tyre, kontribuojmë në zhvillimin e prodhimit vendor dhe fuqizimin ekonomik të grave në zonat rurale.
