03/02/2026
Raport mbi procesin mësimor të zhvilluar rreth vitet ’90 nëpër shtëpi (oda).
Gjatë viteve ’90, procesi mësimor u zhvillua në kushte jashtëzakonisht të vështira, duke u organizuar nëpër shtëpi private (oda), si pasojë e rrethanave të rënda shoqërore dhe politike të kohës. Megjithë vështirësitë e shumta, ky proces ishte një sukses i madh i mësimdhënies dhe një dëshmi e përkushtimit të lartë për ruajtjen e arsimit.
Një falënderim i veçantë u takon kontribuuesve dhe familjeve bujare që hapën dyert e shtëpive të tyre për të mos lejuar humbjen dhe ndërprerjen e procesit mësimor.Edhe pse ishte një periudhë e vështirë, kjo formë e organizimit të mësimit u shndërrua në një sukses të madh të arsimit, falë përkushtimit të mësimdhënësve, nxënësve dhe mbështetjes së komunitetit. Falë këtij solidariteti, nxënësit patën mundësi të vazhdojnë shkollimin dhe të ruajnë të drejtën për arsim.
Shtëpitë që u shndërruan në hapësira mësimore ishin:
Shtëpia e Latif Isak Berisha
Shtëpia e Islam Sadri Zogiani
Shtëpia e Hashim Mehmet Zogiani
Shtëpia e Shyqyri Musa Berisha
Shtëpia e Qazim Qazim Sollova
Kontributi i këtyre familjeve mbetet i paharrueshëm dhe përfaqëson një kapitull të rëndësishëm të historisë sonë arsimore, duke dëshmuar sakrificë, solidaritet dhe përgjegjësi të lartë shoqërore.
