22/08/2025
Playfest, gati një dekadë kulturë – zero mbështetje.
Festivali multikulturor që zbërthente çdo vlerë të një shoqërie – një ndërthurje mes artit, kreativitetit, pasionit, emancipimit dhe edukimit po mbetet pa u realizuar.
Përkundër shumë sfidave, arritëm të inspirojmë breza të rinj, të hapim horizonte të reja për artistë, talente të reja dhe femijë. Kjo është arsyeja pse aktivitetet kulturore janë arteria kryesore e një shoqërie: sepse japin frymëzim dhe vazhdimësi nga një brez tek tjetri.
Por sot, kjo arterie është prerë. Shteti i Kosovës si dhe qyteti i Ferizajt, që për gati një dekadë u bë qendra e një lëvizjeje kulturore të rrallë, po mbetet pa festivalin e tij më të madh. Mijëra fëmijë, të rinj dhe artistë po privohen nga hapësira që i ka frymëzuar dhe fuqizuar.
Ndërkohë, Ministria e Kulturës harton politika të vonuara dhe pa asnjë vizion, Playfest nuk mori asnjë mbështetje apo përgjigje, asnjë takim dhe asnjë sqarim.
Ministri Hajrullah Çeku ke lënë kulturën në rrugë:
• Zero politika për kulturën
• Zero takime me aktivistë
• Asnjë reformë revolucionare
• Asnjë ekip profesional që mat realisht ndikimin e aktiviteteve
• Zyrtarë pa kontribut, veçse me paga publike
Ky është një zhgënjim i thellë dhe një shembull i gjallë se si rinia po shtyhet të largohet nga vendi.
Playfest do të mbetet dëshmi se kultura nuk shuhet kurrë edhe kur institucionet e braktisin.
Ministria e Kulturës, Rinisë dhe Sportit Hajrulla Çeku
