Rivers & Bridges Music

06/23/2026

“Die Perfekte Dag” is vandag se splinternuwe liedjie! ...so ietsie oor hoe ek probeer om my lewe te leef hier op die plaas en ook my wens dat die woorde van my liedjies jou lewe sal inkleur met hoop, liefde, troos en ‘n tikkie nostalgie en soms sal inspireer om die lewe vierkantig in die oë te kyk of sommernet jou dansskoene aan te trek!

“In die wind hoor ek die woorde
Van wysheid en van hoop
Van liefde vir die mense
Wat op die aarde loop
Ek droom hoe my woorde
Seerkry sagter maak
My liedjies en akkoorde
Harte aan sal raak
Hierdie is vir my die perfekte dag...”

Lekker luister en laat weet wat julle d**k! ...en geniet die liriekvideo! “Roxy” maak haar “filmdebuut” in die ene! Sx

This is the official lyric music video for "Die Perfekte Dag" by th...

06/21/2026

Vandag se liedjie is spesiaal vir al die Pappas wat hul kinders koester, vir hulle stories lees en al die vreemde vrae waarmee hul kinders vorendag kom met soveel geduld en liefde antwoord... wat toelaat dat hul kinders soms op hul skoot aan die slaap raak en hul saans na hul bedjies toe dra...

Ek het "Sê My Pa" in 1999 geskryf en vandag sing 12 jaar jonge Sharmonè dit spesiaal vir julle al die pad uit Namibië as deel van my borgskap van die VOICE of Namibia kompetisie van 2025. Sy is nou amptelik ons jongste Stormlopertjie!

Baie dankie aan Nautilus Studios in Swakopmund wat vir my die stemopnames behartig het en ook aan Machiel Roets wat so mooi klavier gespeel het! Dankie ook aan AMY B Music dat jou pragtige Meisiekind hierdie liedjie vir ons kon sing!

Geniet die liedjie en die storie-video en Gelukkige Vadersdag aan al die Pappas en Oupas! Sx

This is the official music video for "Sê My Pa" by the Rivers & Bri...

06/18/2026

Vandag se Nuwe Liedjie is Adam Tas se "Die Hoekoms"!

Dit is so 'n groot voorreg vir my dat hy een van my Stormloop liedjies opgeneem het en juis hierdie een!

Ek dra "Die Hoekoms" op aan die meer as 3000 name wat met 'n knipmes in my hart uitgekerf is... Sx

This is the official music video for "Die Hoekoms" by Adam Tas👉 Fo...

06/16/2026

Dit is Nuwe Liedjie Dag! Ek moes lekker kop krap oor die ene...
Hierdie liedjie was 'n spesiale versoek van Harald Bartsch daar uit Namibië wat gevra het dat ek 'n liedjie moet skryf oor 'n Ietermagog en sommer al die ander bedreigde spesies sodat hulle die liedjie kan gebruik vir 'n bewusmakingsveldtog vir die bewaring van hierdie diere.

Ek kon natuurlik nie nee sê vir so 'n projek nie en het die uitdaging om 'n liedjie oor hierdie tema te skryf geweldig geniet, en so is "Ietermagog" gebore.

“Ietermagog”, word vir ons gesing deur Patricia van Rooi (Jong Meisie), Emil Struwig (Pappa) en Alinda Lu'Mar (Mamma) en Wouter de Bruyn sing 'n Harmonie. Dit was ook Wouter wat al die stemopnames vir my behartig het by Groove Studios in Windhoek.

Hierdie liedjie was ‘n reuse spanpoging en ek is dankbaar teenoor Alinda wat die leisels gevat het om almal bymekaar te kry daar in Windhoek en ook teenoor my seun, Wium, wat mooi mos kophou om al die stemme en instrumente vir ons bymekaar te voeg hier in die ateljee.

Die video vertel die mooiste storie, so kyk hom tot die HEEL einde seblief!

Deel asseblief hierdie liedjie met al julle vriende! Lekker luister! Sx

This is the official music video for "Ietermagog" by the Rivers & B...

06/13/2026

Rondte 1 van Junie se Stormloop Top 20 is afgehandel en hier is die Top 30 liedjies waarvoor julle gestem het in alfabetiese volgorde!

Die liedjies is ook nou in hierdie volgorde op die Stormloop speellys op Youtube om dit maklik te maak om te luister voor jy jou Top 10 uit hierdie 30 kies. Hier is die skakel:

👉 https://www.youtube.com/playlist?list=PL1WGxipNV41nmCMrkVuPY9MDRTfWHoAHK

Om te in skryf vir Rondte 2 en 'n kans om R 2 000 te wen, hoef jy slegs jou Top 10 uit hierdie liedjies te kies en hierdie plasing te deel. Lekker luister en lekker stem! Sx

06/12/2026

Goeie môre uit 'n snikhete North Carolina!

My gaste het vertrek en is ampertjies weer terug in Kaapstad. Die stilte is my huis voel skoon vreemd vir my... maar nou moet ons weel volspoed aan die werk spring om die laaste 3de van Stormloop se liedjies klaar te maak!

Dis tyd vir Junie se Stormloop Top 20!!! Rondte 1 is reeds op dreef en sluit Saterdagoggend 10 uur. Maak seker jy het ingeskryf om 'n kans te staan om R 2000 te wen!

SO werk Rondte 1:

📌 Kliek op die skakel na die volledige Stormloop Speellys hier:

👉 https://www.youtube.com/playlist?list=PL1WGxipNV41nmCMrkVuPY9MDRTfWHoAHK

📌 Skryf "My Nommer 1" in die kommentaar afdeling onder die musiekvideo van jou gunsteling liedjie.

📌 Tik die name van jou Top 5 onder hierdie plasing op Facebook.

📌 Deel (Share) hierdie plasing.

📌 Sluit aan (Subscribe) by Rivers & Bridges Music se Youtube kanaal.

Ek kan nie WAG om te sien watter 20 liedjies uit die eerste 65 is julle gunstelinge nie!!!!

Saterdag stuur ek vir iemand wat al 4 hierdie stappe gevolg het, R2k en verduidelik die stappe vir Rondte 2! Lekker luister! Sx

06/09/2026

Dis Nuwe Liedjie Dag! ...en diè ene is so in die luim van die afgelope week se Verjaarsdagvieringe hier op die plaas... Dit is sommernet ‘n lekker dansliedjie, so trek aan daai dansskoene, draai die draadloos lekker hard, makietie so 'n bietjie saam met my en geniet “Net Jy”! Sx

This is the official music video for "Net Jy" by the Rivers & Bridg...

06/04/2026

Dit is Nuwe Liedjie Dag!

Dis vir my ‘n groot voorreg om julle vandag voor te stel aan die pragtige Danika (Nika Artist SA)! Ek het in Desembermaand saam met haar begin werk aan haar liedjie, en ure met haar gesels om haar beter te leer ken. Ek wou weet waaroor sy graag sal wil sing... Haar antwoord: “Tannie, ek wil asseblief sing oor my lewe - dit wat verby is en dit wat vir my voorlê - oor my drome en my hoop vir my toekoms.”

Dit was ‘n groot opdrag, want hierdie kosbare Meisiekind is deur diepe waters in haar jong lewe, maar sy het altyd bo dit uitgestyg! ...en toe, net voor sy moet opneem, tref die grootste hartseer van alles haar... Haar liefste Pappa, Marius Viljoen, is op 3 Maart hierdie jaar skielik oorlede voor hy hierdie 1ste opname van haar kon beleef... So vandag se liedjie, “Splinternuwe Lewe”, dra ons op aan Nika se Pappa!

Lekker luister en deel asseblief met jou Vriende! Sx

This is the official Lyric video for "Splinternuwe Lewet" by Nika👉...