Sunette Bridges

06/05/2026

Dankie, uit my hart, vir elke liewe boodskap, oproep, text en Whatsapp op my Verjaarsdag en vir al die mooi wense vir hierdie 57ste rondte wat ek om die son aanpak! Ek is skoon oorwelding deur soveel liefde! Ek lees en luister steeds... My beker loop oor. Ek waardeer julle! Sx

06/04/2026

Dit is Nuwe Liedjie Dag!

Dis vir my ‘n groot voorreg om julle vandag voor te stel aan die pragtige Danika (Nika Artist SA)! Ek het in Desembermaand saam met haar begin werk aan haar liedjie, en ure met haar gesels om haar beter te leer ken. Ek wou weet waaroor sy graag sal wil sing... Haar antwoord: “Tannie, ek wil asseblief sing oor my lewe - dit wat verby is en dit wat vir my voorlê - oor my drome en my hoop vir my toekoms.”

Dit was ‘n groot opdrag, want hierdie kosbare Meisiekind is deur diepe waters in haar jong lewe, maar sy het altyd bo dit uitgestyg! ...en toe, net voor sy moet opneem, tref die grootste hartseer van alles haar... Haar liefste Pappa, Marius Viljoen, is op 3 Maart hierdie jaar skielik oorlede voor hy hierdie 1ste opname van haar kon beleef... So vandag se liedjie, “Splinternuwe Lewe”, dra ons op aan Nika se Pappa!

Lekker luister en deel asseblief met jou Vriende! Sx

This is the official Lyric video for "Splinternuwe Lewet" by Nika👉...

06/02/2026

Dit is Nuwe Liedjie Dag! Vandag se liedjie is “Staan Op”!

Ek het hierdie liedjie geskryf toe ek iemand wat deur ‘n baie swaar tyd gegaan het wou moed inpraat en ek deel dit vandag met almal wat aansporing nodig het sodat jy moet weet:

“Elke een van ons is kosbaar, onvervangbaar, spesiaal
En die mooi in elke mens is die ware somtotaal
Elke een van ons is hier vir goeie rede
Jy is volmaak gemaak en al jou gisters is vergewe...”

Lekker luister! Sx

This is the official music video for "Staan Op" by the Rivers & Bri...

05/28/2026

Dit is Nuwe Liedjie Dag!

Ek het vandag se nuwe liedjie al ‘n wyle gelede geskryf... gewik en weeg en besluit om dit self vir julle te sing... Hierdie is ‘n liedjie uit my Boerehart aan my Vaderland in my Moedertaal wat ek sing vir elke liewe Expat of SAFFA of wat julle ookal kies om ons te noem, om vir julle te sê: “Ons MIS julle!” Ons hoop, bid, droom, dans en praat steeds Afrikaans! Ons leef en hoop en werk en bou so goed ons kan!

Hierdie is ‘n dankie brief aan die mense van my asem wat my geleer het om altyd my beste te gee en vir niks bang te wees nie, maar meer as dit, is dit ‘n briefie om te sê dat ek ALTYD ‘n Boeremeisie sal bly, maak nie saak waar die winde my heen waai nie!

Ek LIEF en waardeer julle! Ek verlang na julle! ... soos honderdeduisende ander van ons! Ons bly “Afrika Se Kinders”! Sx

This is the official music video for "Afrika Se Kinders" by the Riv...

05/26/2026

Dis Nuwe Liedjie Dag en vandag sing Caitie Rock vir ons "Alles Is Moontlik"!

Wat 'n groot lekkerte om saam met hierdie pragtige jong Dame te kon werk en spesiaal vir haar 'n liedjie te skryf. Sy is amptelik ons jongste Stormlopertjie en 'n Dogter van die Vaaldriehoek! Daar is definitief iets in die Vaalrivier se water!

Baie dankie aan Leon Barnardt vir hierdie pragtige video en ook aan Christie Schutte vir die stemopnames.

Lekker luister en DEEL asseblief met jou Vriende! Sx

This is the official Lyric video for "Alles Is Moontlik" by Caitie ...

05/22/2026

Dis lekker om te sien dat julle "Die Meisie Wat Ek Was" so baie geniet! Ek waardeer dit!

Hier is die skakel na die Stormloop-speellys op Spotify! Ek vergeet om die stromingskakels te deel, maar al die liedjies is op al die stromingsplatforms beskikbaar! Laai sommer hierdie hele speellys af en luister hom kliphard oor die naweek!

Ons is reeds hard aan die werk aan Dinsdag se Nuwe Liedjie vir 'n BAIE spesiale Jong Dame! Sx

https://open.spotify.com/playlist/0YqHPZFfn7BH0fbpHObTGc?si=b-9iCxp9S9GgAxC7ymNZzA&nd=1&dlsi=080228f2d8394e9e

Playlist · Rivers & Bridges Music · 54 items · 266 saves

05/21/2026

Dit is Nuwe Liedjie dag en ek lig my hoed vir my Seunskind wat die ene teen die spoed van wit lig vir my moes regruk gister!

Hierdie is 'n lekker luister, lawwe ene vir die Dames wat, nes ek, 'n bietjie rebelleer teen oudword en soms net weer “Die Meisie Wat Ek Was” wil wees! Kry jou Vriendinne bymekaar en gryp jou stewels of gunsteling dansskoene!

Die manne mag saam luister, maar ek wil niks hoor oor ons mannewales of 80’s haarstyle nie hoor!

Geniet hom en onthou om die “Share” knoppie te druk! Sx

This is the official music video for "Die Meisie Wat Ek Was" by the...

05/19/2026

Dis weer Nuwe Liedjie Dag! ...en vandag sing Tobi Joostevir ons “Slaap Saggies”!

Ek het hierdie liedjie vir hom geskryf so tussen Kersfees en Nuwejaar terwyl hy met vakansie in Bali was en daar ‘n 12 ure tydsverskil was tussen ons en omtrent elke boodskap begin het met: “Jy slaap seker al...” Dit was, soos met elke ander een van sy liedjies, vir my ‘n groot voorreg om vir hierdie talentvolle kunstenaar te kon skryf en so ‘n bietjie my liefde vir klassieke musiek te kon uitleef!

Lekker luister na “Slaap Saggies”! Deel dit asseblief met jou vriende en laat weet wat julle d**k! Sx

This is the official lyric music video for "Slaap Saggies" by Tobi Jooste👉 Follow the link to stream or download this song: Written & Composed by – Sunette ...

05/14/2026

Dis Nuwe Liedjie Dag en vandag sing Jacobs vir ons “Hoe Is Dit Moontlik”!

Baie dankie aan Leon Barnardt vir die stemopnames!

Hoe is dit moontlik dat my lag en my trane
Alles gelyk gebeur
En hoe is dit moontlik dat jy dag en nag
My hele hart vol lê
Hoe kan my woorde dit alles beskryf
As my hart en my lyf niks anders wil hê
As vir jou nie ... en as ek jou nie kan hou nie
Hoe begin ek weer oor ...

Lekker luister! Sx

This is the official music video for "Hoe Is Dit Moontlik" by Francois Jacobs👉 Follow the link to stream or download all our songs: Written & Composed by – ...