10/11/2026
Saakay anigoo cashar diyaarinaayo ayaan kusoo gaaray aayad iga yaabisay, iguna qasabtay inaan cabaar ku dul fakaro.
Waana aayadahaan:
فَلَوْلَا أَنَّهُ كَانَ مِنَ الْمُسَبِّحِينَ لَلَبِثَ فِي بَطْنِهِ إِلَىٰ يَوْمِ يُبْعَثُون
Ilaahey wuxuu leeyahay “hadii uusan Nabi Yunus CS, uusan ka mid ahaan laheyn kuwa tasbiixda badan la yimaada, wuxuu ku jiri lahaa caloosha Malaygii/nibirigii laqay ilaa maalinta qiyaamaha laga gaari doonno”.
Meeshan waxaan ka fahmeynaa tasbiixda badan inay ka hortagto dhibaatooyin badan oo kugu dhici lahaa kuguna soo socday.
Nabi Yunus waxaa u qorneyd inuu ilaa qiyaamaha calooshaas nibiriga uu iskaga jiro lkn ilaahey wuxuu kaga badbaadiyay maadama uu ahaa qof tasbiix badan, markii uu is arkay inuu ku jiro caloosha malaaygaasna oo 3 mugdi hoostooda ah wuxuu dhahay:
لَا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِين
“Ilaah xaq lagu caabudo ma jiro Adiga mooyee. Waad ka nasahan tahay wax kasta oo aan kuu qalmin. Runtii waxaan ka mid ahaa kuwa gefa”.
Markaas ayuu ilaahey kasoo saarey calooshii uu ku jiray.
Culimada tafsiirka waxay sharxeen in “ka mid ahaanshaha kuwa tasbiixda badiya” ay la xiriirto inuu ahaa qof Alle xusa oo caabuda ka hor inta uusan dhibku ku dhicin. Sidaas darteed, tasbiixdiisii iyo cibaadadiisii h**e waxay noqdeen sabab ka mid ah sababihii Alle ugu samatabixiyay.
Waxaa sidoo kale muhiim ah in la fahmo: ma aha oo keliya inuu markaas, markii uu dhibka galay, yiri tasbiixda. Aayaddu waxay leedahay:
كَانَ مِنَ الْمُسَبِّحِينَ
“Wuxuu ahaa / ka mid ahaa kuwa tasbiixda badiya.”
Taasi waxay tilmaamaysaa xiriir joogto ah oo uu Alle la lahaa ka hor dhibka.
🤲 Casharka weyn ee aan ka baraneyno:
Qisada Yuunus (CS) waxay ina baraysaa in marka qofku Alle ku xirmo waqtiga uu faraxsanyahay, oo wax culees ah ama murugo ah aysan heyn, In Alle u garab istaagi karo waqtiga uu qofkaas dhibtoodo ama culeesyo kale soo wajahaan.
W/Q: Mohamed Abey
