12/11/2025
د فیسبوک د Content Monetization Available لپاره ستاسو پاڼه یا د پروفیشنل موډ پروفایل باید څو مهم شرطونه پوره کړي. لومړی دا چې حساب باید د پیج په بڼه وي یا پروفیشنل موډ فعاله وي، او ستاسو عمر باید له ۱۸ کلونو پورته وي. ستاسو مواد باید اصلي وي، د فیسبوک د ټولنې د معیارونو او د مونیټایزېشن د پالیسیو مطابق وي.
د مونیټایزېشن لپاره عموماً لږ تر لږه 10 زره فالووران پکار دي. له دې سره، په تېرو شپېتو ورځو کې ستاسو په ویډیوګانو باید شاوخوا 600000 مينټ دقیقې د لیدلو وخت راغلی وي. په پاڼه کې باید لږ تر لږه پنځه فعالې ویډیوګانې موجودې وي چې مناسب کیفیت او اوږدوالی ولري. د ریلز لپاره کله کله شرطونه لږ نرم وي، خو بیا هم ښه لیدل کېدل او ثابت نندارچیان ډېر مهم دي.
ډېری فالووران درلودل یوازې نه بس کېږي، ځکه فیسبوک د لیدلو وخت، ویډیو کیفیت او د پالیسیو پابندي ډېرې ارزښتمنې ګڼي. ځینې وخت مونیټایزېشن یوازې د فیسبوک له لوري د بلنې په ډول هم فعالېږي، یعنې هر څوک یوازې د شرطونو په پوره کولو نه دي تضمین شوي چې مونیټایزېشن به ورته خلاص شي.
💵💲
