05/27/2026
Maxxansi Kaardii Filannoo Xumuramee raabsamuu jalqabe - Boordii Filannoo
Boordiin Filannoo Biyyaalessaa Itoophiyaa, filannoo waliigalaa 7ffaatiif kaardiiwwan filannoo maxxansi isaanii xumuramee gara biyyaa seenuu fi buufataalee adda addaatti raabsamuu jalqabamuu isaa beeksiseera.
Walitti qabduun Boordichaa Meelaatwarqi Haayiluu, qophiiwwan duraa fi haala guyyaa filannoo irratti Miidiyaaleef ibsa kennaniiru.
Galmeen kaadhimmamtootaa Ammajji 1, 2018 irraa eegalee ‘Appilikeeshinii’ ammayyaa boordichi hojjechiiseen gaggeeffamaa turuu isaa eeraniiru.
Filannichi dimokraatawaa fi iftoomina akka qabaatu, Paartiileen Siyaasaa filannoo isaanii fi sagantaa isaanii uummataaf kan itti beeksisan waltajjiin falmii 19 akka qophaahe Meelaatwarqi himaniiru.
Boordiin Filannoo Biyyaalessaa qophiiwwan duraa xumuraa kan jiru yoo ta'u, adeemsa hafe irratti uummataaf ragaa kennuu akka itti fufu ibsameera.
