08/17/2026
एक विलक्षण योगायोग आणि विक्रम!
'शिवाजी' ही ३ अक्षरे महाराष्ट्राच्या रक्तात आणि बुद्धीत रुजवण्याचे अजोड कार्य दोन उत्तुंग व्यक्तिमत्त्वांनी केले. एकाने आपल्या पुस्तकाने इतिहास डोळ्यांसमोर जिवंत उभा केला, तर दुसऱ्याने अस्सल संदर्भांच्या आणि वक्तृत्वाच्या आधारे इतिहास जगवला. एकाने शिवचरित्राने घराघरांत शिवभक्ती पोहोचवली, तर दुसऱ्याने तरुणाईला सखोल अभ्यासक बनवले!
महाराष्ट्राच्या इतिहासावर आणि जनमानसावर स्वतःच्या कर्तृत्वाने कायमचा ठसा उमटवणारी ही दोन दिग्गज व्यक्तिमत्त्वे म्हणजे शिवशाहीर बाबासाहेब पुरंदरे आणि इतिहास संशोधक निनादराव बेडेकर! विशेष म्हणजे, या दोघांच्या नावावर दोन अनोखे विक्रमच म्हणावे लागतील:
बाबासाहेब: त्यांच्या 'राजा शिवछत्रपती' या महाग्रंथाच्या सर्वाधिक प्रती खपल्याचा विक्रम कदाचित आजही अबाधित आहे—इतर कुठल्याही मराठी पुस्तकापेक्षा कदाचित सर्वाधिक!
निनादराव: त्यांचे व्याख्यान हे बहुधा इतिहासावर आजवरचे सर्वाधिक ऐकले गेलेले व्याख्यान असावे. आजही यूट्यूब, इन्स्टाग्राम आणि इतर सोशल मीडियावर त्यांचा भारदस्त आवाज सातत्याने आणि सर्वाधिक दुमदुमतो आहे!
आजचा दिवस एका अप्रतिम योगायोगाचा साक्षीदार आहे—आज बाबासाहेबांचा तिथीप्रमाणे, तर निनादरावांचा तारखेप्रमाणे जन्मदिन! या दोन्ही ऋषितुल्य व्यक्तिमत्त्वांच्या सानिध्यात इतिहासाचे जे धडे गिरवता आले, त्याबद्दल मी आयुष्यभर ऋणी राहीन. शिवकाळाचा हा सुवर्ण इतिहास आपल्यापर्यंत पोहोचवणाऱ्या या दोन्ही ज्ञानतपस्वींना विनम्र अभिवादन! 🙏Bmm2026Rahul PadalikarKiran RautPriya Mhaskar-PadalikarAmit PathakAmit Jahagirdar
