Dr. Israr Ahmed ke Sunehri Alfaz

08/26/2026

حجۃ الوداع کا موقع اسلامی تاریخ کے انتہائی پُرتاثیر اور تاریخی لمحات میں سے ایک ہے۔ یہ دسویں ہجری (632 عیسوی) کا ذکر ہے جب رسول اللہ صلی اللہ علیہ وسلم نے زندگی کا پہلا اور آخری حج ادا کیا۔ اس موقع پر میدانِ عرفات میں جبلِ رحمت پر کھڑے ہو کر آپ ﷺ نے ایک انتہائی جامع، تاریخی اور بصیرت افروز خطبہ ارشاد فرمایا، جسے خطبہ حجۃ الوداع کہا جاتا ہے۔
اس خطبے میں آپ ﷺ نے انسانی حقوق، اخلاقیات، مساوات اور اسلامی معاشرے کی بنیادوں کا اعلان کیا۔
خطبہ حجۃ الوداع کے بنیادی اور اہم نکات (اردو میں):
۱. جان، مال اور عزت کا تقدس
> "اے لوگو! میری بات غور سے سن لو، شاید اس سال کے بعد میں اس مقام پر تم سے کبھی نہ مل سکوں۔ تمہارے خون، تمہارے مال اور تمہاری عزتیں ایک دوسرے پر ایسے ہی حرام ہیں جیسے آج کے اس دن کی، اس مہینے کی اور اس شہر (مکہ) کی حرمت ہے۔"
>
۲. جاہلیت کے رسم و رواج اور سود کا خاتمہ
> "خبردار! جاہلیت کے تمام دستور اور خون کے بدلے اب پاؤں تلے روندے جاتے ہیں۔ جاہلیت کا سودی کاروبار ختم کیا جاتا ہے.
۳. عورتوں کے حقوق اور ان کے ساتھ حسنِ سلوک
> "اے لوگو! عورتوں کے بارے میں اللہ سے ڈرو۔ تم نے انہیں اللہ کی امان کے ساتھ حاصل کیا ہے اور ان کے جسموں کو اللہ کے کلمے کے ساتھ اپنے لیے حلال کیا ہے۔ ان کے حقوق یہ ہیں کہ تم انہیں اچھے طریقے سے کھلاؤ اور پہناؤ۔"
>
۴. مساواتِ انسانی (عرب و عجم کا فرق ختم)
> "اے لوگو! آگاہ رہو! تمہارا رب ایک ہے اور تمہارا باپ (آدم) ایک ہے۔ کسی عربی کو کسی عجمی پر، اور کسی عجمی کو کسی عربی پر کوئی فضیلت حاصل نہیں، نہ کسی سرخ کو سیاہ پر اور نہ کسی سیاہ کو سرخ پر کوئی فضیلت حاصل ہے، مگر تقویٰ اور پرہیزگاری کی بنیاد پر۔"
>
۵. وراثت اور امانتوں کی واپسی
> "جس کے پاس کسی کی امانت ہو، وہ اسے اس کے حق دار کے حوالے کرے۔ تمام مسلمانوں کے مال کا وارث اللہ ہے (یعنی کوئی کسی کا حق غصب نہ کرے)۔"
>
۶. کتابِ خدا اور سنتِ رسول ﷺ سے وابستگی
> "میں تم میں دو چیزیں چھوڑ جا رہا ہوں، اگر تم نے انہیں مضبوطی سے تھامے رکھا تو کبھی گمراہ نہیں ہو گے: ایک اللہ کی کتاب (قرآن) اور دوسری اس کے نبی کی سنت۔"
>

07/28/2026

بیان القرآن
مفسر: ڈاکٹر اسرار احمد

سورۃ نمبر 39 الزمر
آیت نمبر 53

ترجمہ:
(اے نبی (صلی اللہ علیہ وآلہ وسلم) ! ) آپ کہیے : اے میرے وہ بندو جنہوں نے اپنی جانوں پر زیادتی کی ہے اللہ کی رحمت سے مایوس نہ ہونا یقینا اللہ سارے گناہ معاف فرما دے گا یقینا وہ بہت بخشنے والا نہایت رحم کرنے والا ہے

تفسیر:
آیت ٥٣ { قُلْ یٰعِبَادِیَ الَّذِیْنَ اَسْرَفُوْا عَلٰٓی اَنْفُسِہِمْ } ” اے نبی ﷺ ! آپ کہیے : اے میرے وہ بندو جنہوں نے اپنی جانوں پر زیادتی کی ہے ! “
قُلْ یٰعِبَادِیْکا اندازِ تخاطب اس سورت میں یہاں دوسری مرتبہ آیا ہے۔ اس سے پہلے آیت ١٠ میں ارشاد ہوا : { قُلْ یٰعِبَادِ الَّذِیْنَ اٰمَنُوا اتَّقُوْا رَبَّکُمْ } ” اے نبی ﷺ ! آپ کہیے : اے میرے وہ بندو جو ایمان لائے ہو ! اپنے رب کا تقویٰ اختیار کرو “۔ اب یہاں گویا پھر سے یاد دہانی کرائی جا رہی ہے کہ اب تک کی زندگی اگر تم لوگوں نے غفلت میں گزار دی ہے تو اب بھی وقت ہے ‘ اب بھی ہوش میں آ جائو ! اور اگر تم نے اب تک اپنی جانوں پر ظلم کیا ہے تو :
{ لَا تَقْنَطُوْا مِنْ رَّحْمَۃِ اللّٰہِط اِنَّ اللّٰہَ یَغْفِرُ الذُّنُوْبَ جَمِیْعًا } ” اللہ کی رحمت سے مایوس نہ ہونا ‘ یقینا اللہ سارے گناہ معاف فرما دے گا۔ “ ٭
لیکن اس معافی کے لیے بنیادی شرط یہ ہے کہ اس کے حضور خلوص دل سے توبہ کرو ‘ حرام خوری چھوڑ دو ‘ معصیت کی روش ترک کر دو اور آئندہ کے لیے اپنے اعمال کو درست کرلو۔ ایسی توبہ کا انعام اللہ تعالیٰ کی طرف سے یہ ملے گا کہ تمہارے پچھلے تمام گناہ معاف ہوجائیں گے۔ سورة الفرقان میں اس بارے میں بہت واضح حکم موجود ہے : { اِلَّا مَنْ تَابَ وَاٰمَنَ وَعَمِلَ عَمَلًا صَالِحًا فَاُولٰٓئِکَ یُبَدِّلُ اللّٰہُ سَیِّاٰتِہِمْ حَسَنٰتٍط وَکَانَ اللّٰہُ غَفُوْرًارَّحِیْمًا۔ وَمَنْ تَابَ وَعَمِلَ صَالِحًا فَاِنَّہٗ یَتُوْبُ اِلَی اللّٰہِ مَتَابًا۔ ” سوائے اس کے جس نے توبہ کی اور ایمان لایا اور اس نے نیک عمل کیے ‘ تو ایسے لوگوں کی برائیوں کو اللہ نیکیوں سے بدل دیتا ہے ‘ اور اللہ غفور ہے ‘ رحیم ہے۔ اور جس نے توبہ کی اور نیک اعمال کیے تو یہی شخص توبہ کرتا ہے اللہ کی جناب میں جیسا کہ توبہ کرنے کا حق ہے “۔ چناچہ سابقہ گناہوں کی معافی توبہ سے ممکن ہے ‘ لیکن توبہ وہی قبول ہوگی جس کے بعد انسان کے اعمال درست ہوجائیں اور اگر ایسا نہ ہوا تو رسمی اور زبانی توبہ بےمعنی ہے۔
{ اِنَّہٗ ہُوَ الْغَفُوْرُ الرَّحِیْمُ } ” یقینا وہ بہت بخشنے والا ‘ نہایت رحم کرنے والا ہے۔ “

07/28/2026

07/08/2026

Dr Israr Ahmed Ke Sunehri Alfaz.