03/28/2026
Telefishinka Ruushka ee RT oo xiganaya afhayeenka ciidanka Iiraan ayaa sheegay maanta inay Iiraan fulisay howlgal lagu burburiyay bakhaar ku yaalla Dubai oo ay ku jireen nidaamyada ka hortagga diyaaradaha aan duuliyaha lahayn oo ay soo saarto Ukraine. Warbixintan waxaa kaloo lagu sheegay inaan la ogeyn xaaladda 21 askari oo u dhashay Ukraine oo ku sugnaa goobta la weerarray, iyadoo weerarkan uu dhacay saacado ka dib markii madaxweynaha Ukraine uu gaaray Abu Dubai, halkaa oo heshiis iskaashi difaac uu ka dhacay.
Fiiro gaar ah;
Weerarkan wuxuu leeyahay calaamado suragal ka dhigaya inuu ku dhacay iskaashiga Ruushka iyo Iraan, wallow aysan cidna caddeyn karin, taa oo muujinaysa dagaalka socda inuu galay waji kale.
Maanta, madaxweynaha Ukraine, Zelenskiy ayaa booqday Imaaraadka Carabta iyo Qatar oo heshiisyo lagu wareejinayo tiknoolajiyada ka hortagga diyaaradaha aan duuliyaha lahayn uu kula galay labadan dal, kuwani waa heshiisyo cara galinaya Ruushka, maaddama Ukraine ay dhaqaale badan iyo sumcad ay ku heli karto, haddii ay dalalka khaliijka ka caawiso tiknoolajiyadan inay ka hortagaan weerarrada, balse Iiraan ayaa u muuqata inay qaadatay go’aan ay marka h**e ku beegsanayso qalabka Ukraine ay geysay khaliijka.Weerarka kasta oo tiknoolajiyadan lagu beegsanayo wuxuu u baahanyahay sirdoon sax.
Illaa hadda Imaaraadka Carabta k**a hadlin weerarka ay Iiraan sheegtay inay maanta ka fulisay Dubai.
