09/05/2026
📌 საქართველოს წარმატებული ადამიანების დაჯილდოების ცერემონია პერსონა წარმოგიდგენთ "პერსონა 2026" წლის ტიტულზე ბატონ მამუკა გვასალიას.
🔶 მამუკა გვასალია — წარმატებული რეაბილიტოლოგი, რომელიც მრავალწლიანი გამოცდილებითა და პროფესიონალიზმით ადამიანების ჯანმრთელობაზე ზრუნავს.
ზოგადი ინფორმაცია და განათლება
დაიბადა 1971 წლის 3 მაისს, ქალაქ სოხუმში.
საშუალო განათლება მიიღო სოხუმის მე-5 საჯარო სკოლაში.
1989-1995 წლებში სწავლობდა თბილისის სახელმწიფო უნივერსიტეტის სოხუმის ფილიალში, ისტორიის ფაკულტეტზე, სადაც საფუძველი ჩაეყარა მის აკადემიურ განვითარებას.
პროფესიული გზა:
მიუხედავად იმისა, რომ განათლებით ისტორიკოსია, მამუკა გვასალიამ საკუთარი მოწოდება მედიცინისა და რეაბილიტაციის სფეროში იპოვა.
2005 წელს სწავლა დაიწყო თბილისის ბალნეოლოგიური კურორტის ფიზიოთერაპიისა და რეაბილიტაციის ცენტრ „ავანში“, სადაც საფუძვლიანად შეისწავლა სარეაბილიტაციო მედიცინა.
2010 წელს წარმატებით დაასრულა სწავლება და მიიღო რეაბილიტოლოგის დიპლომი, რის შემდეგაც აქტიურად დაიწყო პროფესიული საქმიანობა.
საერთაშორისო გამოცდილება და განვითარება:
2011 წლიდან კვალიფიკაციის ამაღლების მიზნით სწავლა განაგრძო საზღვარგარეთ, მსოფლიოს წამყვან სასწავლო ცენტრებში, სადაც დაეუფლა თანამედროვე, ეფექტურ და ინოვაციურ სამკურნალო მეთოდებს.
სპეციალიზაციები
მამუკა გვასალია ფლობს მკურნალობის მრავალ თანამედროვე მიმართულებას, მათ შორის:
• ოსტეოპათია და კრანიოსაკრალური თერაპია — სწავლობდა საერთაშორისო აღიარების მქონე აპლეჯერის (Upledger) ინსტიტუტში.
• ვისცერალური თერაპია — სპეციალიზაცია გაიარა ბარალის (Barral) ინსტიტუტში.
• გამოყენებითი კინეზიოლოგია — კვალიფიკაცია მიიღო:
— პროფესორ ლ. ვასილიევას კინეზიოლოგიისა და მანუალური თერაპიის აკადემიაში;
— გამოყენებითი კინეზიოლოგიისა და სამედიცინო რეაბილიტაციის უკრაინის ასოციაციაში.
წარმატების ფორმულა:
მამუკა გვასალია გამოირჩევა პროფესიისადმი ერთგულებით, მუდმივი განვითარებითა და ადამიანების ჯანმრთელობაზე ზრუნვის განსაკუთრებული პასუხისმგებლობით.
მისი პროფესიული გზა ნათელი მაგალითია იმისა, თუ როგორ შეიძლება შრომამ, ცოდნამ და მიზანდასახულობამ ადამიანს წარმატება მოუტანოს.
