LADHA Maridhawa

19/08/2024

20/10/2021

Chozi limtokalo yatima

01/05/2021

MWANANGU

Mwanangu nakwita kwema,
Sauti itokeako,
Hadhi fani taaluma,
Uzidi ya babayako,
Adili usiwe nyuma,
Wengi wajifunze kwako,
Uniitike mwanangu,
Urithi wangu simali,

Nihai leo mzima,
Naghani hili andiko,
Kesho juwa litazama,
Namara sitakuweko,
Neno hili nalituma,
Liwe mkumbushi wako,
Uniitike mwanangu,
Urithi wangu simali

Nahifadhi ujesoma,
Mana kesho zamu yako,
Kuzisuka tungo njema,
Zikafunze nduguzako,
Wewe ndo yangu alama,
Nawe uweke yakwako,
Uniitike mwanangu,
Urithi wangu simali

Mwanangu yangu kalima,
Iwe k**a tajilako,
Utunze yamgu heshima,
Vinanda tupia huko,
Tungo usitie ngoma,
Yakataza maandiko,
Uniitike mwanangu,
Urithi wangu simali

Hata mambo yakikwama,
Linda ninenayo kwako,
Taasisi hatachama,
Nawenye pesa kuliko,
Kamwe wasije kutuma,
Kuiponza fani yako,
Uniitike mwanangu,
Urithi wangu simali,

Wala sijeshikatama,
Wabezapo tungo zako,
Yalisha nikuta nyuma,
Tazama yangu mafiko,
Kesho yako utavuma,
Mrithi huwa kuliko,
Uniitike mwanangu,
Urithi wangu simali,

Tungo yakufika tama,
Arshadi ndio niko,
Karibu kuweka koma,
Nilifanye pumziko,
Lamwisho ninalosema,
Halahala dini yako,
Uitike wito wangu,
Mwanangu mtii mola.

By
Abuu.ArshadTAZA@

09/03/2021

14500/=

02/02/2021

FATUMA

Fatuma fulani, aliyokwambia,
Fatuma jamani, anisingizia,
Fatuma amini, sikukusudia,
Fatuma kwakweli, nakufikiria,

Fatuma kumbuka, tulikopitia,
Fatuma zinduka, wakuharibia,
Fatuma inuka, tunakaribia,
Fatuma jikaze, lengo tatimia,

Fatuma utata, kwanguwanijia,
Fatuma sivita, tulipofikia,
Fatuma nakwita, hebuitikia,
Fatuma huzuni, nyingi wanitia,

Fatuma dhumuni, nikukuchumbia,
Fatuma manani, hakujaalia,
Fatuma sononi, zisije kungia,
Fatuma jangwani, umenikimbia,

Fatuma halima, kakutangulia,
Fatuma nasema, kwangu iponia,
Fatuma tazama, sijenichukia,
Fatuma fatuma, mpezi sikia.

By
Abuu.ArshadTAZA@

24/01/2021

SUBIRA

Subira nitunda, japolina miba,
Wengi lawashinda, kwazake suluba,

Subira fanaka, ewe mwanadamu,
Hilo nihakika, vyema lifahamu,

Subira sitara, huhifadhi mengi,
Thamani imara, kushinda shilingi,

Subira nitiba, yamengi maradhi,
Hulilinda huba, hupandisha hadhi,

Subira nishina, laupambanuzi,
Lilofichikana, mwisho huwawazi,

Subira nicheo, mjakuwanayo,
Tena egemeo, wekakwenye moyo,

Subira ibada, andiko lasema,
Japo inashida, yake yanachoma,

Subira silaha, ndugu ichukuwe,
Huu simzaha, kaa utambuwe,

Subira hazina, fanya jitihada,
Kazamoyo sana, taona faida,

By
Abuu.ArshadTAZA@

31/12/2020

NADHANI MUNAKASORO

Nasema nanyi wahuni,
Mujiitao masharo,
Muso akili vichwani,
Mulochukizo nakero,
Mushindao maskani,
Nakona zavichochoro,
Nadhani munakasoro,
Naomba jikagueni,

Ivi mwanaume gani,
Akili kiwangoziro,
Shingo kuivisha cheni,
Tadhani mbwa kasoro,
Hereni masikioni,
K**a dada wadanguro,
Nadhani munakasoro,
Naomba jikagueni,

Huo ni umaluuni,
Siwabakishi kiporo,
Nawananga kweupeni,
Singoji kiza totoro,
Mwachafua jamiini,
Kwahuo wenu uchuro,
Nadhani munakasoro,
Naomba jikagueni,

Eti dume lashaini,
Kuendekeza mparo,
Hata aibu haoni,
Eti huo ndo mn'garo,
Ajabu kweli jamani,
Dume ndani yampuro,
Nadhani munakasoro,
Naomba jikagueni,

Urembo mukitamani,
Na joni jiite voro,
Tena mubaki nyumbani,
Ngozi zibaki nyororo,
Wenu niupunguwani,
Siusharo ni uharo,
Nadhani munakasoro,
Naomba jikagueni,

Abuu.ArshadTAZA