Wai Au

03/09/2026

艾華利斯依然堅持非巴塞不嫁
所以決定不去阿仙奴，繼續留在馬體會
艾華利斯已回復跟球隊訓練，施蒙尼願意接受他回歸

#足球戰報

26/08/2026

國際邁亞密最近嘅表現的確令人感到擔憂！球隊近五場賽事一勝難求，連盃賽加聯賽合共錄得一和四負嘅劣績，狀態明顯出現不穩。

回顧呢五場比賽，防線不穩絕對係最致命嘅傷口。由北美聯賽盃對陣蒙特雷同利昂開始，到美職聯面對拿舒維爾、費城聯以及最新一場對多倫多FC，邁亞密足足失咗十三球，後防頻頻出現漏洞。

即使前線有美斯同蘇亞雷斯努力尋找破門機會，但中後場未能有效截斷對手反擊，導致球隊往往處於落後劣勢。教練團必須盡快正視防守結構鬆散嘅問題，如果唔係神仙難救。

10/08/2026

友誼賽都要出貓？！
#爸神 #足球快報

30/07/2026

如果唔係印 禾仙夏「VOZINHA」
仲有冇球迷會買佢件波衫？
#波波池
#佛得角 #禾仙夏

25/07/2026

//「鄧謝配」僅負「世一」組合，雖敗猶榮！//

【今日網圖】為港爭光

日本羽毛球公開賽周日（19日）在東京體育館上演各組別決賽，其中被列為7號種子的港隊組合「鄧謝配」鄧俊文／謝影雪在混雙決賽，挑戰「世一」的國家隊組合馮彥哲/黃東萍，激戰三局後憾負，屈居亞軍，近3年兩摘賽事亞軍。

其餘項目方面，5號種子的基士圖波波夫在男單決賽以21：11、21：19力克主場出擊的日本隊星將渡邊航貴，繼德國公開賽及歐洲賽後再度登頂；前世界賽冠軍仙杜胡則在女單決賽以直落兩局21：17力克另一東道主代表兼3號種子山口茜奪冠。

另外，印尼隊代表Fajar Alfian／Muhammad Shohibul Fikri及南韓隊組合金慧貞／孔熙容，分別在男、女雙決賽稱王封后。

圖片來源：網上圖片

#日本羽毛球公開賽 #鄧謝配 #鄧俊文 #謝影雪 #亞軍

20/07/2026

夏蘭特接受傳媒訪問時，表現出真情流露一面。版主相信，繼美斯同C朗拿度後，夏蘭特係另一位最受球迷歡迎嘅球星：

「當你著上挪威國家隊嘅波衫，你就唔再係為自己而戰，而係為咗每日喺街度充滿夢想嘅小朋友、每一個喺屋企睇緊比賽嘅家庭，以及每一位始終相信我哋嘅球迷而戰，嗰份重量根本無法用言語去形容。」

「有人話我喊代表軟弱，咁就由佢講啦。我會將呢樣稱之為愛，如果代表自己嘅國家輸波，但你唔會心碎，咁足球對於你哋嚟講根本唔重要。我寧願付出所有努力而喊，都唔想喺明知自己本來可以做得更加多，但以微笑去面對失敗。」

「環顧整個更衣室，所有隊友難過到無法接受，有隊友粒聲唔出、有啲淨係望住個地下，仲有啲人同我一樣係咁喊。就喺呢一刻，我先真正明白，我哋嘅夢想已經結束。所有嘅犧牲、努力、信念，全部都喺一夜之間化為烏有。」

「我想向每一位挪威球迷道歉，我哋唔能夠為你哋再踢多一場比賽，你哋值得睇到我哋企喺準決賽嘅舞台。由呢屆賽事嘅第一分鐘開始，到最後一刻，你哋始終都好撐我哋。就算完場後仍然大聲唱歌，你哋令呢份痛苦更加難以承受。我哋每一個人都聽到，亦都感受到你哋嘅愛。」

「英格蘭喺關鍵時刻表現更加好，值得贏波。不過唔好以為呢場輸波會擊倒我哋，呢晚嘅失利將會陪伴我一世、未來每一次訓練、每一次入波、以及每一次再著上挪威件波衫時，我都會諗起今晚，以及流過嘅每一滴眼淚。呢場波唔係我哋向夢想告別，而係我哋故事入面其中一個病苦嘅篇章。

「呢刻我感到心碎，冇任何事情可以改變到呢點。但我會向挪威人民承諾一件事，我哋一定會重頭嚟過企返起身，繼續奮戰。終有一日呢啲悲傷嘅眼淚，將會被喜悅嘅淚水代替。到嗰日嚟之前，我會每日都背負著呢份悲痛，繼續前進。」

#波波池
#夏蘭特 #挪威

14/07/2026

講到球壇嘅大細路，夏蘭特絕對係當中嘅表表者！平時喺球場上好似一隻開山怪獸噉衝撞對手防線，但一到呢啲兩軍交鋒、打交咁款嘅大混亂場面，佢心入面個金毛大眼BB靈魂就即刻浮返出嚟。

當成班隊友同巴西隊球員推推撞撞、口水戰源源不絕、氣氛緊張到爆嘅時候，你以為兩米高嘅巨人會夏蘭特會幫手衝去講數？夏蘭特竟然完全唔活喺同一個空間。佢望住前面班人嘈交，自己就默默咁行埋一邊，心諗鬧交邊有飲水咁重要。

結果佢真係走去對手門將個龍門側邊，神不知鬼不覺噉執起人地支水樽，仲要飲得津津有味。對方門將當時仲熱血沸騰咁同人理論緊，完全唔知自己嘅私人飲品已經被呢位挪威魔人消滅緊。

呢種反差萌真係令人哭笑不得，人哋喺度認真打緊仗，佢就當咗係中場休息去便利店買嘢飲。擁有咁強大嘅娛樂細胞同巨型童心，難怪平時連隊友都對佢萬般寵愛。

24/06/2026