28/05/2026
📃 “Ahidnameja e Fatihut” mbush plot 563 vjet!
⚜️ Ahidnameja është dokumenti që Fatih Sulltan Mehmedi, pasi mori Bosnjën, ia dha më 28 maj 1463 priftit Andjeo Zvizdoviç, udhëheqësit të katolikëve të asaj kohe në vend. Ky dokument ruhet edhe sot në një manastir historik në Fojnicë dhe konsiderohet një ndër dokumentet më të rëndësishme e më të hershme të të drejtave të njeriut në histori...
Toleranca dhe drejtësia e Fatih Sulltan Mehmedit dhe e Devletit Osman edhe sot mbeten shembull e mësim për shumë vende “të qytetëruara” të Perëndimit!
Përkthimi në shqip letrare i Ahidnamesë:
“Unë, Sulltan Mehmed Han!
Le ta dinë të gjithë njerëzit, të mëdhenj e të vegjël, se unë u j*p këtë urdhër perandorak klerikëve boshnjakë dhe u bëj atyre këtë mirësi të madhe:
Askush nuk do t’i pengojë ata dhe kishat e tyre, as nuk do t’u shkaktojë shqetësim. Ata do të jetojnë të sigurt në shtetin tim dhe pa frikë. Edhe ata që kanë ikur, do të jenë të mbrojtur dhe të sigurt. Le të kthehen e të vendosen pa drojë në vendin tim dhe në kishat e tyre. As unë, as vezirët e mi, as shërbëtorët e mi, as nënshtetasit e mi dhe askush prej popullit të shtetit tim nuk do t’u bëjë dëm atyre, jetës së tyre, pasurisë së tyre, kishave të tyre dhe atyre që vijnë nga jashtë në vendin tonë; askush nuk do t’i sulmojë e as nuk do t’i cenojë.
Betohem në Krijuesin e qiejve dhe të tokës, në Furnizuesin e gjithësisë, në Kur’anin e Shenjtë, në të Dërguarin tonë të Madhërishëm dhe në njëqind e njëzet e katër mijë pejgamberët, si edhe në shpatën që mbaj ngjeshur, se për sa kohë që këta njerëz t’i qëndrojnë besnikë urdhrit tim, askush nuk do të guxojë të veprojë kundër këtyre fjalëve.
Kështu të dihet!”
