03/08/2026
科登近年喺曼城嘅表現大家有目共睹，由當初嘅太子到依家可以獨當一面，背後付出嘅努力真係唔少。最近佢講到同球會續約之後嘅心態，直言成個人放鬆晒，可以將所有精神擺返喺球場上面。
科登接受訪問表示：「呢份新合約令我覺得好安心，我可以專心做最好嘅自己，用表現去回報球會對我嘅信任。我四五歲就已經喺呢度，由頭到尾我都冇諗過要離開，一次都冇諗過。」
喺現代足壇仲可以見到呢啲由青訓踢到大、仲要對球會百分百忠誠嘅球員，真係非常難得。呢份新合約唔單止係球會對佢能力嘅肯定，亦係科登對曼城嘅承諾。
