10/04/2022
Maanta waa maalin waxyaabo badani iskugu kay beegbeegmeen iyo xasuusyo aanan mashquulsanahayna amase waxaan is idhi waxaan arkay bal dadkaagana la wadaag, waa adduunyee baddo anoo jibaaxaya dhaqaalaha /Maaliyadii aan dhiganayayna ayaan jibaaxay adduunyo beri h**e la qaybsaday oo lala baxay G5,G7,G20 iy qaarkaloo badan, Afrikadaydii waxa daba gurguuranaya mise xamaaranaysa oo ku jira kooxahaas isbahaystay South Africa, bahdaydase dadka iska nool lagu tiriyay ee adduunkan dhib mooyee dheef la joogin, waxaan leeyahay illaahay subxaana watacaalaa marku adduunkan inagu abbuurayay qofkasta oo inaga mid ahi inoomuu abuurin ciyaar iyo cunid iyo cabid waaka Quraankiisa inoogu sheegay Suuratul Mu’minuun “Ma waxaad u malayseen inaan idiin abbuuray ciyaar, oydaan xagayaga usoo noqonaynin” (23.115) ha is odhanin aayadan waxay la hadlaysaa kuwa illaahay caasiyay, ama qofkasta oo inaga mid ahi wuxuu sidaa risaalad amaano ah, ha is odhanin nabiyada ayuumbaa loosoo dhiibay risaalada, halkan aad joogto barkulankan aan fadhiyo saacadan iyo waxa aan qoray iyo inay kusoo gaadhi doontaaba waxa weeye qoraal h**e loo qoray, hadaba risaaladaadii siday ahayd ma uga soo baxday, amase weli ma waxaynu joognaa oo aynu haysanaa oo isugu markhaati furaynaa sidii sabankii tagay uu yidhi Maxamed Kaahin Feedhoole
Tacliin aabahay wuxu i baray tooyyo soo godole,
Tiska oodda iyo baan iqiin tirada xoolaay e,
Intii aan tuldaha baas wad wadey rag iga tooreeye,
Oo weli waxaynu eeda saaraynaa halka aynu ku nool nahay iyo awoowgaa iyo aabahaa iyo ayaydaaba, hhhh, Waqti kaama tegin ee maantaba ka bilow oo kaga bilow hadal wanaagsan, dabeecad furan, dad la dhaqan, ummada ood ammaan geliso, ka fogaato waxaan kuu dan ahayn, is weydii habeenkii 24 saacadood 8’da aad huruday mooyee intii kale maxaan ku qaatay, qofka aanu saaxiibka nahay hadalkayaga ma hee iyo haa ayaanu ku dhamaysanaa mise runtii waqtigii aanu wada joognay waxbaan ka faa’iiday kalmadna Allah haka yeelee ana u faa’iideeyey, xaga waxsoosaarka hadaan ka hadalno iyo halkeen waxka billaabaa hadii aad tidhaahdo illaahay asbaabta lakaalay ayuu iyidhi italo saarona inta kale iyadaa is furfurayso adigu wax baadh oo is waydii sideen wax u badalaa nafta la showr oo ka fogoow dadka iyo waxkastaba oo ku khalkhal gelinaya marka aad rabtid inaad wax cusub la timaado inyar ka fogoow mashquulka iyo saxmada maalinlaha ah, Qaarul Xiraa muxuu utegi jiray nabigeena suubanaa CSW iyo dadkii h**eba quraanka intaasoo jeer ayaad ku aragtay cidna hala hadlin oo macneheedu yahay xusida eebahaa iyo inaad adigu isku mashquusho aayadahaasna ku noqo, Al Imran 41, Maryam 10.
