07/01/2023
يا حسرة ❤️❤️❤️
قبل ﻛﺎﻥ ﺍﻟﻤﺼﺮﻭﻑ 200 فرنك
ﻭتقوم 00 : 7 ﻭتمشي 30 : 7 ﻟﻠﻤﺪﺭﺳﺔ
ﻛﻨﺖ تستنى ﺍﻣﻚ ﻭ ﻫﻲ ﺗﺤﻄﻠﻚ كسكروت ملفوف بمنديلة في المحفظة.
ﻛﺎنت الحيوط ﻣﻜﺘﻮﺏ ﻋﻠﻴها ذكرياتنا
ﻛﺎﻥ اكبر مخاوفنا من حل التمرين والخوف والهيبة للمعلم كبيرة .
ﻛﺎﻥ ناڨوز الاستراحة اكبر فرحة تطلع تجري تقول مخرجينك من الحبس .
تروح من المدرسة تاعب وتدخل اتلوح الكارتابلا قدام الباب وتعيط شنو الغداء و تحط قناة 21 و انت تستنى في جنڨر وساسوكي و الا الكابتن ماجد.
ﻛﺎﻧﺖ الحاجة الوحيدة اللي ناخذوها فيها من الحجاج ﺍلكاميرا بعدة الوان ﻭ ﻛﻞ ﻣﺎ ﺗﺼﻮﺭ بيها ﺗﻄﻠﻌﻠﻚ ﺻﻮﺭﺓ ﺍﻟﻜﻌﺒﺔ ﻣﻦ ﻗﻮﺓ ﺍﻷﻳﻤﺎﻥ !!!
كنا لا نعرفوا لا Tablette ولا شي وافضل العابنا الكورة و البيس والدرجيحة و الزربوط الغميضة. والكاري
شكون فينا بعد القراية ما لعبش بالكورة البلاستيك الي كيف تتسطح و الا تطيح في دار كبير الحومة تتقطع على زوز و نلمدو الفلوس و ناخذو كرة جديدة
هذا اسمه زمن الطيبين
و احلى لمة في رمضان الناس الكل في دار الجدود عيلة كاملة ملمومة و ليلة27 يبدى التحظير للحلو متاع العيد
و زيد.كان شريت حوايج ليلة العيد تفرشهم بجنبك و كل شوي تتفقدهم
و كي تسألك امك قداش الوقت تقولها الكبيرة في الأربعة والصغيرة في الستة .
وافضل شعور واحساس انك عملت انجاز هو تقعد فايق لين الشمس تطلع .
نستنو الامتحانات باش ما نهزوش الكرطابلة !!!
الجيل الذهبي والاصليين يضحكوا توا من هذه الذكريات الحلوة .
في حصة الرسم اول حاجة نرسموها الشمس في الزاوية
وكيف واحد من العائلة يطلب منك كأس ماء لازم تشرب شوية وقبل ما تدخل تمسح فمك باش ما يعرفش انك شربت منه!!!
". اكيد انت تضحك على هاك الايام الحلوة ."
عيش اللحظة
وماننساش قمة الفخامة ايام الابتدائي يعطيك المعلم طباشير او أوراق ويقولك وصلها للمعلم في القسم الثاني اللي جنبنا تدخل للقسم تقول مبعوث الامم المتحدة🤣
الله الله يا دنيا على الايام الحلوة يا طيبين..
ڨداش من واحد يمثلو الكلام هذا وعاشو احكي شنوا حسيت كي قريت كلامي .... ياحسرة على هاك الايام
