25/11/2025
ဘုရားသခင်အားသက်ဝင်ယုံကြည်ခြင်း
ဘာသာမဲ့လူတစ်ယောက်သည် တောထဲတွင် ဝက်ဝံတစ်ကောင်နှင့် ထိပ်တိုက်ရင်ဆိုင်တိုးမိလေသည်။
ဝက်ဝံမှလက်သည်းကြီးများဖြင့် ထိုလူ၏ လည်မြိုအားကုပ်ခဲရန်ဆဲဆဲတွင် အချိန်ရပ်တန့်သွားသည်။
ထိုအချိန်တွင် ဘုရားသခင်ပေါ်လာပြီး ထိုလူအားမေးလေသည်။
"သားတော်... အသင်သည် ဘာသာမဲ့ဖြစ်သည်။ ငါဘုရားသခင်အား သက်ဝင်ယုံကြည်ပါလျှင် ဝက်ဝံ၏ အန္တရာယ်မှ အသင့်အား ကယ်တင်ပါမည်။ ဘုရားသခင်အား သက်ဝင်ယုံကြည်ပါမည်လော"
ထိုအခါ ထိုလူသည်ခေါင်းခါ၍
"ကျွန်တော်က လက်တွေ့သမားဗျ။ သိပ္ပံနည်းကျပဲတွေးခေါ်တယ်။ ဘာသာတွေဘာတွေ ကိုးကွယ်စရာမလိုပါဘူးဗျာ"
ထိုအခါ ဘုရားသခင်မှ
"ချစ်သား... သေချာရဲ့လား။ ငါဘုရားသခင်အား သက်ဝင်ယုံကြည်၍ ခရစ်ယာန်ဘာသာအဖြစ် ခံယူပါက ယခုအသက်ဘေးမှလည်း လွတ်မြောက်မည်။ လူ့သက်တမ်းကုန်လို့ သေလျှင်လည်း ကောင်းကင်ဘုံသို့ရောက်ရမည်။ သေချာစဥ်းစားပါဦး"
ထိုသူလည်း စိတ်မရှည်သည့်လေသံဖြင့်
"နေပါဗျာ... အဲ့လောက်ထိ ခရစ်ယာန်ဖြစ်စေချင်ရင်လည်း ဒီဝက်ဝံကိုပဲ တရားချပြီး ခရစ်တော်၌အိပ်ပျော်ခိုင်းလိုက်ဗျာ။ ကျွန်တော်ကတော့စိတ်မဝင်စားဘူး"
"ကောင်းပြီချစ်သား"
ထို့နောက် အချိန်ရပ်နေရာမှ ပုံမှန်ပြန်ဖြစ်၍ ဘုရားသခင်လည်းပျောက်ကွယ်သွားလေသည်။
ထိုလူလည်း ဝက်ဝံကုတ်ခံရတော့မည်ထင်၍ လက်ဖြင့်ကာလိုက်လေသည်။ သို့သော် ဝက်ဝံမှထိုသူအား မတိုက်ခိုက်တော့ချေ။ ထိုလူ၏ရှေ့တွင် ထိုင်ချလိုက်သည်။ ထို့နောက် လက်အုပ်ချီ၍
"ကြီးမြတ်သောဘုရားသခင်။ ဤအစာအတွက် ကျေးဇူးတင်ပါသည်။ အကျွန်ုပ်အား ကောင်းချီးပေးတော်မူပါ။.... အာမင်...."
#ဝက်ဝံ #ခရစ်ယာန် #ဟာသ
#သွင်ကြီးလိုက်ကြည့်သည်
