24/06/2026
ခေတ်ပြိုင် ဆိုတဲ့စကားက ရည်ရွယ်ချက်တစ်ခုနဲ့ပေါ်ပေါက်လာခဲ့ရတာပါ။ နယ်ပယ်တစ်ခု၊ ရပ်၀န်းတစ်ခုရဲ့အထူးချွန်ဆုံး လူနှစ်ယောက်ကိုရည်ညွှန်းပါတယ်။
ဘောလုံးရပ်၀န်းမှာတော့ ဘယ်သူတွေလဲမပြောလည်းသိကြမှာပါ။ Messi ရဲ့ ပါရမီနဲ့စွမ်းဆောင်ရည်၊Ronaldo ရဲ့ဇွဲလုံ့လနဲ့ကြိုးစားမှု ဒီအရာတွေက သူတို့ကိုနှစ် ၂၀ ကျော်လွန်ခဲ့သည်အထိ အစွမ်းကုန်တောက်ပပြီး ခုချိန်ထိ အရောင်လက်နေစေတာပါ။
GOAT debate ဟာ ဘယ်တော့မှအဆုံးသတ်မှာမဟုတ်ပါဘူး။ ကျွန်တော်တို့ရင်ထဲမှာလည်း Messi အကြောင်းတွေးမိတိုင်း Ronaldo ကိုမြင်ယောင်ကြမှာ။ Ronaldo အကြောင်းပြောရင်လည်း အဲ့စကားဝိုင်းထဲမှာ Messi ရဲ့နာမည်ပါလာဦးမှာပါပဲ။ ဒါဟာဘောလုံးလောကရဲ့ အလှပဆုံးပျက်လုံးပါ။ ဒါဟာဆယ်စုနှစ်တွေကျော်လွန် သွားသည့်တိုင် အဖြေမထွက်လာနိုင်တဲ့ပုဒ်စာပါ။
ကျွန်တော်တို့က တော်တော်ကံကောင်းတယ်ပြောရမှာပါ။ ဘာလို့ဒီစကားပြောလဲမေးစရာရှိပါတယ်။ အဖြေကတော့ ကျွန်တော်တို့မွေးဖွားလာချိန်ဟာ AI တွေ Robot တွေကြီးစိုးတဲ့ခေတ်ကို မရောက်သေးပါဘူး။ သံချပ်ကာ၀တ်ပြီး မြို့ရိုးတွေကို သမိုင်းထဲကလို ခုခံဖို့လည်း အချိန်မမီခဲ့ပါဘူး။
ဒါပေမဲ့ ဘောလုံးလောကရဲ့ရွှေရောင်နေ့စွဲများကိုပေးအပ်ဖို့၊ Greatest Of All Time (GOAT) ဆိုတဲ့ Title ပေးအပ်ဖို့လူနှစ်ယောက်ပဲရှိတဲ့ ခေတ်တစ်ခုကိုတော့ အချိန်မီခဲ့ပါတယ်။
ကျွန်တော်တို့ရင်ထဲက GOAT ကတစ်ယောက်တည်းဆိုရင်တောင် ကျန်တဲ့တစ်ယောက်ကိုလည်းမေ့ထားလို့်မရပါဘူး။
သူတို့ကြောင့် ဘောလုံးကွင်းတွေဟာ
အသက်၀င်လာခဲ့တာပါ။ သူတို့ကြောင့်ကလေးငယ်တွေမျက်ခင်းစိမ်းပေါ်ပြေးလွှားနေကြတာပါ။ သူတို့ကြောင့် 2026 ကမ္ဘာ့ဖလားဆိုတဲ့ ပြိုင်ပွဲကြီးဟာ လိုတာထက်ပို ရင်သပ်ရှူမောဖွယ်ကောင်းနေတာပါ။
ကျွန်တော်တို့တွေက Messi နဲ့ Ronaldo
ဘောလုံးကစားတာကိုကြည့်နေရတာနဲ့တင်လုံလောက်ပါတယ်လို့ဘယ်လောက်ပဲပြောပြောပါ၊ မသိစိတ်ကတော့ သူတို့ရဲ့သွင်းဂိုးတွေနဲ့ အကောင်းဆုံးစွမ်းဆောင်ရည်တွေကို တောင်းဆိုမိနေကြဦးမှာပါ။
ဒါဟာသူတို့ရဲ့နောက်ဆုံးကမ္ဘာ့ဖလားဖြစ်သွားဖို့
သေချာသလောက်ရှိပါတယ်။ အဆုံးသတ်တစ်ခုရောက်လာတိုင်းမှာ စမှတ်သစ်တစ်ခုပေါ်ပေါက်လာဦးမှာပါ။
Let's enjoy their last dance
Thank you Leo.
Thank you Cristiano
