เว็บไซต์คืออะไร?

https://www.facebook.com/113116864916382/

Eat This Poem Vibes

13/04/2026

"ကိုယ့်သင်္ကြန်နဲ့ကိုယ်"

ရေး - အောင်ခိုင်မြတ် ၊ ရွတ် - ချောမုန်း

#ချောမုန်း #အောင်ခိုင်မြတ်

21/03/2026

"ကမ္ဘာ့ကဗျာနေ့"

တစ်နေကုန်လှုပ်ရှားတယ်
တစ်နေကုန်ရုန်းကန်တယ်
အချစ်ကိုမသိမသာဘေးချိတ်ကာ
မေတ္တာဓာတ်တွေနဲ့ ရှင်သန်တယ်။

နေဝင်ချိန်တွေတွက်ဆရင်း
ကဗျာဆရာများရဲ့
နှလုံးရည်တွေမွေးဖွားခဲ့ကြ
နွေ၊မိုး၊ဆောင်း ရာသီပြောင်းအလှတွေနဲ့
ကလောင်ကိုရင်မှာပိုက်ပြီး ခေတ်အဆက်ဆက်
ကဗျာတွေထွက်ပေါ်ကြတယ်။

ဗျစ်ရည်တခွက် ဆေးလိပ်တစ်ဘက်
လောကဓံရဲ့အလှည့်ပြောင်းများမှာ
ကိုယ့်အဖို့တော့
နှလုံးသားရဲ့နေရာအပြည့်
ကဗျာများသာ နေရာယူနေခဲ့

ကဗျာဆရာတွေ မာပါစေ
ကဗျာဆရာတွေ မာပါစေ
ကဗျာဆရာတွေ မာပါစေ လို့
အောင်ချိမ့် စာသားအတိုင်း ရေရွတ်ကာ
ကမ္ဘာ့ကဗျာများနေ့ ကို ဂုဏ်ပြုပါတယ်။

#ချောမုန်း

#ကမ္ဘာ့ကဗျာနေ့

15/02/2026

ဆရာဝင်းမြင့် အခုည နေ
ပုသိမ်နေအိမ်တွင် ဦးနှောက်သွေးကြောပြတ်ကွယ်လွန်
ကဗျာတွေ နဲ့အတူ ငြိမ်းချမ်းပါစေ

29/01/2026

"အညာသီယံ အလွမ်း"

ရေး - ချမ်းမြ ၊ ရွတ် - ချောမုန်း

#ချောမုန်း #ချမ်းမြ

27/01/2026

"မောင်ရောက်မလာတဲ့ နွေဦး ၊၃၊"

ရေး - ချောမုန်း ၊ ရွတ် - Ladymay

#ချောမုန်း

26/12/2025

"နှစ်သစ်ကူးခေါင်းလောင်းသံ"

ရေး - လှသန်း ၊ ရွတ် - ချောမုန်း

24/12/2025

"ဒီဇင်ဘာ ၂၅ရက် ၊ ညနေ ၅ နာရီ"

ရေး - ပိုင်စိုးဝေ ၊ ရွတ် - ဘသိန်း

#ပိုင်စိုးဝေ #ဘသိန်း

19/12/2025

"ကြယ်ကြွေညသို့"

ကြွေနေတာကို ဝေနေတာအထင်နဲ့
ကိုယ်ဆုမတောင်းရက်ဘူး

ကြွေတာကိုက တစစီဖြစ်နေပြီ
ကိုယ့်အတွက်ဘာများကျန်အုံးမှာလဲ

-ချောမုန်း-

10/12/2025

"ဆောင်းနှောင်းရာသီရဲ့တေး"

ရေး - တာရာမင်းဝေ ၊ ရွတ် - ချောမုန်း

#တာရာမင်းဝေ #ချောမုန်း

07/12/2025

"သမုဒယသစ္စာ"

ရေး - ချမ်းမြ ၊ ရွတ် - ချောမုန်း

#ချမ်းမြ #ချောမုန်း

04/12/2025

"ဖြစ်စဥ်" တာရာမင်းဝေ ၊ ရွတ် - ချောမုန်း #တာရာမင်းဝေ #ချောမုန်း

29/11/2025

"လွမ်းပုံက မန်းတုန်အောင်သာဟစ်လိုက်ချင်"

နိုဝင်ဘာ ၂၉ ရက် ဒီနေ့ဟာ အမေလူထုဒေါ်အမာ ၁၁၀ နှစ်ပြည့်မွေးနေ့ပေါ့။လွမ်းတဲ့အကြောင်းကို စာစီရရင် အများကြီးပဲပေါ့။အမရပူရက တောင်လေးလုံးကျောင်းမှာ ဒီလိုနေ့ဆို အမေမာ ရဲ့ မွေးနေ့ပွဲကို လူထုတိုက်က ဦးစီးပြီး မပျက်မကွက် ကျင်းပကြစမြဲလေ။မန္တလေး နိုဝင်ဘာလ ရဲ့ အအေးဒဏ်ကို အံတုကြရင်းနဲ့ အမေမာမွေးနေ့ကိုရောက်ရှိလာတဲ့ သားသမီးမြေးမြစ်တွေက ကျောင်းတိုက်အတွင်းမှာ အပြည့်ပေါ့။ကိုယ့်မြို့ ၊ ကိုယ့်ဇာတိ ၊ ကိုယ့်ယဥ်ကျေးမှုတွေကို ချစ်တက်လာအောင် စာပေတွေကတစ်ဆင့် ကျနော်ကိုသင်ကြားပြသသွားပေးတာ အမေမာပေါ့။
အမှတ်တရတစ်ခုကိုပြောပြရမယ်ဆိုရင်တော့ အမေမာ ရဲ့ ရာပြည့်ပွဲမှာ"မရိုင်းတဲ့သမိုင်း မသေတဲ့အမည်" ဆိုတဲ့ ကဗျာလေးတစ်ပုဒ် နဲ့ ကန့်တော့ခွင့်ရခဲ့တာကိုက ကျနော် အတွက် ဘယ်တော့မှ ပြောလို့မကုန်မယ့် အမှတ်တရ ဂုဏ်ယူစရာတစ်ခုပေါ့။၂၇ ရက် ၊ နိုဝင်ဘာ ၊ ၂၀၁၅ သောကြာနေ့ ထုတ် စံတော်ချိန်နေ့စဥ်သတင်းစာမှာလည်းဖော်ပြခံခဲ့ရတယ်။ဒါအပြင်လားဆို မဟုတ်သေးပါဘူး။အမေမာ ရဲ့ ရာပြည့်ပွဲကို လူထုတိုက်ကနေဦးစီးပြီး စာ ၁၀၀ ၊ ကဗျာ ၁၀၀ ဆိုပြီးထွက်တဲ့ စာအုပ်လေးထဲမှာလည်း ပါဝင်ဂုဏ်ပြုနိုင်ခဲ့တယ်။အမေမာရဲ့ ရာပြည့်ပွဲကိုလည်း အနယ်နယ်အရပ်ကနေလာကြတဲ့ အမေမာကိုချစ်ကြတဲ့ သားသမီးတွေနဲ့ စည်ကားခဲ့တယ်။
လွမ်းစရာတစ်ခုထပ်ပြောရရင် ဆရာညီပုလေး ပေါ့။လေးညို လို့ ကျနော်တို့ကချစ်စနိုး နဲ့ ခေါ်တယ်။အမေမာရာပြည့်မှာ စာအုပ်ထွက်မယ်ကြားတော့ ကျနော် စာစရေးကတည်းက အိပ်မက်လေးကို အကောင်ထည်ဖော်ခွင့်ရလိုက်တယ်။ကျနော် က မန္တလေးသား ဇာတိသွေး ဇာတိမာန် အင်မတန်ရှိတယ်။လူထုတိုက်ကနေပြီးတော့ ကိုယ့်စာအုပ်လေး သို့မဟုတ် စာမူလေး တစ်ပုဒ်လောက်တော့ ပါချင်တယ်ဆိုတဲ့ အိပ်မက်ဟာ ကျနော် အထက်တန်းကျောင်းသားဘဝ စာတွေစရေးနေတဲ့ အချိန်ကတည်းကပဲ။အမေမာ ရာပြည့်ပွဲအတွက် စာမူတွေဖိတ်ခေါ်နေတဲ့ အသံကြားပြီးနောက်တော့ ကဗျာရေးဖော်ရေးဖက် သူငယ်ချင်း နဲ့ ပြောဆိုပြီး ငါတို့စာမူသွားပို့ရအောင် လို့ဆိုပြီး စာမူမပိတ်ခင် အမှီသွားပို့ကြတယ်။လူထုတိုက်ကိုရောက်တော့ စာမူလေးပို့ချင်လို့ပါဆိုတော့ ဆရာညီပုလေး က ထွက်လာတယ်။ကျနော်တို့ကလည်း လွယ်အိတ်ထဲကအသင့်ယူလာတဲ့ စာမူစာအိပ်လေးတွေကို ဆရာလက်ထဲထည့်ပေးလိုက်တယ်။ဆရာကလည်း ကျေးဇူးတင်ကြောင်းပြန်ပြောတယ်။နောက်ပြီး ဆရာက စာရေးဆရာအသင်းဝင်ဖို့ စာရွက်စာတမ်းတွေထုတ်ပြရှင်းပြပေးရင်း ဆရာနဲ့ စကားတွေအကြာကြီးပြောဖြစ်ခဲ့တယ်။ဆရာက လူငယ်တွေကို ချစ်တယ်။စာဖတ်ဖို့အမြဲပြောတယ်။နောက် ဓာတ်ပုံတွေ ရိုက်တော့လည်း ဆရာ နဲ့ က အမြဲလိုလိုဆုံဖြစ်တော့တယ်။ကျနော် အိပ်မက်တွေ အမှန်တကယ်ဖြစ်လာခဲ့တယ်။ကဗျာ ၁၀၀ စာအုပ်မှာ ကျနော် ကဗျာလေး ပါလာခဲ့တယ်။ဘဝ မှာ ဝမ်းသာ ဂုဏ်ယူမှုတစ်ခုပါပဲ။
ဒါ အလွမ်းတွေပေါ့။အမေမာကို လွမ်းတဲ့ အလွမ်း။လေးညို ကို လွမ်းတဲ့ အလွမ်း။လွမ်းပုံတွေကို မန်းတုန်အောင်သာဟစ်လိုက်ချင်ပါတော့တယ်။

(အမေလူထုဒေါ်အမာ ၁၁၀ နှစ်ပြည့် မွေးနေ့ အမှတ်တရ)

ချစ်ခြင်းများဖြင့်
ချမ်းမြ