03/05/2025
"လွမ်းရစ်"
အလွမ်းတွေကို ညနေခင်းနဲ့ရောပြီး
အရောင်တင်ထားလိုက်တယ်
နံနက်ခင်းတွေကပဲ အဓိပ္ပာယ်မရှိသလိုလို
ညတွေကပဲ ပိုမှောင်လာသလိုလို နဲ့
အရက်သမားတစ်ယောက် ဥပုသ်စောင့်သလိုမျိုးပါပဲ မြစံပယ်ဖြူ
စစ်ကြီးမပြီးသေးလည်း
အချစ်ခရီးတွေထွက်ရင်း ငါတို့ဝိဖွာနေကြတာပေါ့
ကပ်ကြီးသုံးပါးဟာ ဘယ်အရပ်ကိုပဲလှည့်ထားထား
ငါတို့ဆီကိုပဲ မျက်နှာမူလာတယ်
ယုံလွယ်စရာမကောင်းတော့တဲ့ ကမ္ဘာကြီးမှာ
ငါ့ချစ်ခြင်းမေတ္တာကိုတော့ မင်းယုံပါ
သေသွားတဲ့မျှော်လင့်ချက်တွေ
အိပ်မက်တွေကိုတော့ ငါတို့ဘယ်ပန်းအိုးလေးထဲ
ထည့်စိုက်ထားမလည်း မြစံပယ်ဖြူ
ဆင်သွားတော့ လမ်းဖြစ်
မင်းသွားတော့ ဒီလူ လွမ်းရစ်တာပေါ့ ...။ ။
ချစ်ခြင်းများဖြင့်
ချမ်းမြ
28/4/2025
