06/06/2022
اليوم كنت مع صديق .. ومر صديق اله .. فعم يعرفو عني بقلو جورج مراش .. بروح بقلو هداك والسبع تنعام ..
فانا صار وجهي اخضر ع احمر واجتني الضحكة .. وقررت انو اوضح شو يعني سبع تنعام لأن واضح اننا فهمانينها غلط ..
فالقصة يا اخوان بترجع لزمان .. أيام السفر برلك (( النفير العالم بالدولة العثمانية ايام حرب البلقان )) كان في والي بمدينة دمشق اخلاقه منيحة، طلب منه الباب العالي باسطنبول سحب شباب من الشام للعسكرية، و باعتبار انه كان يللي بيروح نادر جداً ليرجع. وباعتبار انو الوالي ما بيقدر إلا ينفذ الأمر.
اجتمع الوالي مع وجهاء الشام لمعرفة كيف يكون التصرف الأحسن والأقل ضرراً على الأهالي.
وبعد التداول اتفقوا على ارسال الزعران والبلطجية و أصحاب المشاكل للسفر برلك. وأن يذهب مختار أو شيخ الحارة مع الظابطية ليسألوه مين الآدمي و مين صاحب المشاكل …. لكن كيف سيقول المختار أمام صاحب العلاقة أنه صاحب مشاكل خاصة إن كان بلطجي ؟
اتفقوا عندما يُسأل ‘كيف فلان؟’ أن يقول إن كان آدمي مستقيم:
و النعم منه
وإذا كان من أصحاب المشاكل يَقُول:
و السبع تنعام منه
فلا يُحرج الشخص … ولنفس الوقت يتم سوقه للخدمة.
و هكذا نفذت الخطة بنجاح، و أرضى الوالي الباب العالي و أصلح المجتمع و لم يؤذِ الأهالي.
فلما بتقول عن حدا والسبع تنعام … وكانك عم تسبه بطريقة مأدبة ..
خلونا على والنعم منه احلالنا 😂
وبالمناسبة # ..
في مجتمعنا الآن كتييير ناس …
و السبع تنعام منهم بس المشكلة مافي سفر برلك نبعتن عليه 😂
