26/08/2026
بعد غياب سنتين، كاراكاز… وعلى قد ما اشتاقت لأهلو وسكانو، نظملكن شي كتيييييييير قوي! ❤️🔥
٣ تيام كاملين رح نعيش فيهن عالم جديد، نتعرف ع أشخاص وفنانين من غير دول، ويصير بيناتنا تبادل وتعاون ثقافي وفني.
رح نضحك، نرسم، ننحت، نعزف، نغني… ونزور جاليريات وبازارات كتير، وأماكن للحرف اليدوية، ومساحات شبابية، ومسارح واستديوهات مفتوحة لنعمل العروض اللي بدكن ياها، ونجرب مسارح جديدة، ضخمة ومهمة… مسارح لاااااا يمكن تنسوها! 🔥
رح نشارك فنانين من مختلف البلدان، نكون معارف وصداقات، نصنع ذكريات، ونفكر بنتاجات لألنا سوا، من خلال تنظيم نشاطات وبازارات ومهرجانات إلنا بشكل شهري.
ورح نزور مدرجات ومتاحف ومواقع أثرية، وواحدة من عجائب الدنيا السبع: البتراء، المدينة الوردية. 🌹
ورح نروح جنوب، عَ وادي رم، ونعزف بالليل بالصحراء تحت النجوم. ✨
وتاني يوم رح نعزف عَ يخت بالعقبة، لؤلؤة البحر الأحمر. 🌊
لنرجع نتنفس…
لازم نتطور ونطوّر، وإذا بدنا نضل بمكاننا ما رح نطوّر شي.
بدنا نغامر، نطلع من المألوف، ونكتسب معلومات وتجارب جديدة.
نحنا بعمر لازم نغني، ونغذي ذاكرتنا البصرية.
كاراكاز راجع أقوى وأوسع…
ومشتاقلكن قد ما إنتو مشتاقين لقعدتو. 🔥🔥
مين حابب يشاركنا أكبر open show??
