11/07/2023
#الـسردة اليوم غير كل السردات اللي كتبتا .. اليوم السردة عن #كلمتين هنن سبب سعادة وفرح بحياتنا بس في ناس كتير بتفهمن غلط .. 🤍😴
#"بـحبك" 💔🤍
قدي هالكلمة غالية وقدي الناس بترخصا ؟!🤍😴
كلمة #بـحبك مو بس كلمة بتنحكا لمين ماكان .. هالكلمة بتتقدس بس للأسف في كتير ناس مابتفهما وكتير ناس بتقول "بـحبك" كأنها عم تقول "كـيفك" ??
كلمة #بـحبك مو كلمة عادية هالكلمة قادرة تطيّر إنسان من الفرح ، وقادرة تهدّو هد ??
كلمة #بـحبك بدا لهفة ،مودّة ، إحساس ، صدق ، احترام 🤍
لما بدك تقول #"بـحبك" لأي شخص بدك تكون قدا .. بدك توثق ، بدك تهتم ، بدك تصالح ، بدك تضحي ، بدك تعاتب ، بدك تعطي فرص ، بدك تحترم مشاعر الطرف التاني وتداريه برموش عيونك .. غير هيك لا تقولا 🤍
#"الـحب" 💔🤍
قدي صار الحب شي نادر ؟! 🤍😴
#الـحب شي كتير غالي ومافيك تقول عن أي شخص إنو بحبك 🤍
#الـحب بدو مشاكل ، بدو مواقف ، بدو أزمات ، بدو تعب ،بدو أيام صعبة 🤍
#الـحب ثقة ،احترام ، اهتمام ، تضحية 🤍
#الـحب بدو شخص صح .. #شخص يحبك بعيوبك قبل ميزاتك .. #شخص يحبك بغلاظتك وعصبيتك .. #شخص تحسو جنبك حتى لو كان بعيد ، يخاف عليك ، يحس بوجعك ، تحس معو بالأمان ، يرجع السلام لقلبك بمجرد إنك سمعت صوتو .. #شخص تهرب لعندو من الدني كلا ، ما يخيٌب ظنك ، و مايكسرك 🤍
رح اختصر حكيي بـ مثال صغير ...💫🤍
ما فيك تقول إنك بتحب المطر وأنت قاعد بالبيت وعم تتفرج بس .. بدك تنزل عالشارع ، تبرد ، توقع ، تتبلل ، تمرض ، تخاف من صوت الرعد .. لما ترجع عالبيت رح تشوف المطر بشكل مختلف ، ماعاد رح تشوفو مثالي .. أنت شفت عيوبو و غضبو .. هون أنت يا أمّا رح تكره المطر ، يا أمّا رح تضل تحبو بـ كلشي فيه . 🤍😴
°° لهفة البدايات بعمرا ماكانت حب ..الاستمرار بإصرار رغم كلشي هوي الشي الحقيقي ??
#واللّي ما #تـبلّلوا بالمطر ما #حـبّوا .💔🤍🥺
