30/10/2022
Geeri ka badan!
Somali hadaan nahay maalinkasta dadkeen kuwa ugu qiimaha badan ayaan duugnaa, waa barooranaa kadibna waa ka soconaa!
Waa xaqiiq in wax nafta bini-aadan ka weyn aysan jirin, qaraxyo ayaa dhaca, dad badan ayaa ku dhinta, allaha u naxariisto inta dhimatay, sheekaduse intaas kuma eka ee dhinacyo kale oo aan la arag ayaa jira:
1. Inta naafowda
Dad badan ayaa qaraxyada ku waaya mid ama qaar ka mid ah lixaadyaha jirkooda, sida: indhaha, lugaha, gacmaha, ama xitaa garaadka jug gaartay awgeed.
Dadkaas waxa ay u dhintaan si nafsiyan ah (ugu yaraan kalsoonida ayaa ka dhunta), oo noloshooda maanta lama mid ahan tii qaraxa ka hor..
2. Caruurta ku ogoontooma
Caruur badan ayaa maalmaha madow ee soo mara Somalia ku waaya waalidki u iftiimin lahaa nolosha, caruurtaas wixi maalintaa dhacay waxey ka daba jiitami doonaan noloshooda inta ka dhiman.
Waxaa laga yaabaa iney gacanta u galaan dad aan arxan leheyn ama iney darbi jiif noqdaan!
3. Hantida ku lunta
Maalinta qaraxu dhaco waxaa burbura waxkasta oo ku hareereysan, dad iyo duunyada.
Ganacsi ay ku tiirsanaayeen dad badan ayaa gebi ahaanba qadka ka baxa maalintaas, lagana yaabo in caruur badan habeeno badan baahi ku seexdaan qaraxaas awgiis.
Waxaa jira wiil dhalinyaro ah oo inta bank lacag ka deynsaday, ku furtay gamacsi, ganacsigiisa ku dadaala, qorsheynayana iney deynta iska bixiyo balse qarax dhacay awgiis meeshi waa duntay, wax laga ceemin karana ma leh oo waa burburtay dhamaanteed, lkn waxaa kasii daran in bangigi uu ka sugayo lacagti deynta eheyd, bal ninkaas noloshiisi soo ma kharibmin!
4. Caqliga guuray
Waxaa jira dad tayo leh, bulshadana wax badan usii kordhin lahaa, balse marki ay arkeen xaalka magaalada, go'aansaday iney iskaga tagaan wadanka.... Hadda waa dadki soo saari lahaa jiil dalka samata bixiya, balse nasiib darro caqligoodi waa hayaamay!
Waa sax in dadkaas ay ka nasiib badan yihiin kuwa dhintay, maadama noloshu ay mar labaad fursad ku siin karto!
Balse ha hilmaamin in markasta kuwa danbe ay tiro ahaan badan yihiin.
Waa nasiib darro in maalinkasta bulshadeena kooxba maalin la kaxeysto, waxaa kasii daran inaan laga dhiidhin, oo aan xitaa damiirka ka geeriyoonay, sheekadu GEERI ka badan ee waa geeriyaal!
Somali pedia
